هل يختلف التضمير

[المطيري]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
اخواني هل يختلف التضمير باختلاف اصل المطيه
يعني هل تضمير العمانيه مثل السودانيه والانتاج المخلوط هل يختلف
تضميره هو الاخر

[عاشق اعمار]

هلا اخوي ...

انا في رأي ان السودانيه والمهجنات رواعي تعب يعني دربهن واتعبهن وراح يعطنك مركاض قوي يوم تتعبهن ...

اما عن العمانيه في منهن تتعبها تركض والاكثريه مو مال تعب يعني تدريب خفيف مو قوي قوي نفس المهجنات ...

يوم الراحه يعني قبل المركاض بيوم العصر خل العمانيات مشي 4 كيلو والمهجنات 4 مخب خفيف وشوفهن ...

هذا الي عندي ...

تقبل مروري. عاشق اعمار.

[فالك الناموس]

يعطيك العافية اخوي ماقصر وياك أخوي عاشق اعمار يعطيه العافية وان شاء الله الأخوان بعد بيفيدونك مابيقصرون وياك

وتسلم

[ناموس شحاني]

البعض من المضمرين

يختلفون والبعض منهم لايختلف

والمطيع لعمانيه

لها تدريب وكذالك السودانيه

[ناموس شحاني]

البعض من المضمرين

يختلفون والبعض منهم لايختلف

والمطيه لعمانيه

لها تدريب وكذالك السودانيه

وهذا هو رايئ

تقبل رايئ


اخوك


((ابن ال عرج))

[المطيري]

يسلمووووو المرور الجميل
انا عندي خبر بهالامور بس ابي زياده
يعني التعب كيف تدريب الصبح وكيف تدريب العصر

[الشهواني]

يختلف التدريب عند اخر أسبوع ف الركض مثل:

( الراحه ف التدريب أو العكس .. كميه الاكل .. وأخيرآ تضميرك للمطيه وتجهيزك لها )

[فزّاعيّة ميّة الميّة]

أنا أَقول ( المَفروض ) يختلف التدريب مِن مطيِّة لأُخرى :)

ـــــــــــــــــــــــــــ و الموضوع يَعتمد ع المضمِّر نفسه و شطَارتِهِ

:

عاد شــو البَرنامج المُناسب لكل فئة ( مادري ) و الموضوع جيِّد للنقاش.
ــــــــــــــــــ و الله يعطيكم العافية.

[راعي لطامه]

اخوي المطيري كل مطيه لها تدريب معين

فيه مطايا عمانيات يحبن الراحه وفيه بعضهن يحبن الكد او الاجهاد والتعب

والسودانيات كذلك تختلف باختلاف المطيه اخوي

والمفروض انت راعي الحلال تعرف هالشيء

يعني اجهد المطيه وشوف مفحامها في اسبوع الكد او الاجهاد

وبعده برد على المطيه وريحهآ من الكد وفحم وشوف تتطورة او تردت

وبكذا انت تعرف لمطيتك من غير ماحد يقولك لان كل مطيه لهآ تدريب خاص فيهآ

ولا يعرفه الا راعي الحلال بنفسه وموفق خير

[نجم ملاقط]

أخوي الفن في التضمير يختلف من مطيه لاخر بس المضمر يمشي المطايا على أضماره هوه يعني ترتيب واحد لفتره معينه ولنفس الهجن وكذا يفتك من التغير والتعديل المستمر بس مع تضميره يلاحظ المطايا بعد فتره يمشن على ضماره

[مراقب الشحانيه]

بخصوص التفحيم ماكتب فيه من الحقيقه الكثيرولكن هناك شى مهم وضرورى هذه الايام الا وهى الامكانيات حيث انة يمكن اكون افضل منك بمعرفه الابل بس ماقدر افحص النقص عندها او اعطيها بعض الفيتامينات التى يمكن الواحد مايعطيها عياله وموكل الناس يقدرون على هالشى حتى وان تفاوتت المعرفه وقد تتفوق معرفه اقل على معرفه افضل بفضل الامكانيات وكلكم تعرفون هالشى والنظره من هالباب تعطى الناس حقوقهم وشكرا. توقيع مشارك ماله فى سباقات الهجن علاقة

[راعي صدمة]

كل مطية الها قياس وتدريب معين لان شي منهن ما يتجاوب مع الجمع في المطى والمضمر الشاطر اللي يكشف الموضوع ويلاحظة

[ابن القريصي]

التضمير مافيه مشكله بس النظام الاكل والشراب وكثرة الاكل ونقصانه وانا والله ما اعرف و الطعام بس قت وشعير وتمر الي عنده معلومات يقولها

[ابن القريصي]

السلام عليكم ورحمه الله وبركاته يقولون ناس اتعب المطايا قالو المطايا لاقالو هجن عمانيه ولا قالو مهجنه قالو الهجن كله المطيه قبل التفحيم يقول اتعباها عشان ما توجع نفسها ولا تنفضخ ولا تهدد وفحمها في القليصه وعطها فيتامين وانا ما ادري من اسمع منه الي يعرف والى عنده راي يقوله هذا ما عندي ونسئل الله التوفيق