ابيات للشعراء في الطير والمقناص

[كاسر التيم]

السلام عليكم ورحمة الله وبركاته

اخواني الاعضااااااااااء واخواتي وزوار المنتدى
هذه الابيات لشعرااااء قصدوا في الطير والمقناص وهي عباره عن مقتطفات شعريه
ارجو ان تنال اعجابكم


عزام لامنه طلبني سبوقه=ماقلت ياعزام طلعك على ويش
موكد(ن)طلعه ومثبت لحوقه=ماجا على طلعه غبار(ن)وتشويش
لونها تحته او ان جات فوقه=مرهي عليها من قبل تنفض الريش
مبااااااااارك الهاجري


واطيري اللي مات وقت الهدادي=وانا اتحرى طلعت سهيل وارجيه
ليته على برقا الجناحين غادي=ولا على ذربين الايمان مهديه
محمد بن دشن الهاجري


واطيري اللي مايتاوق لياشاف=لامن وكد بالطلع تل وعطيته
غدتبه اللي غرفها غرف مجداف=من يوم شفت طيارها مارجيته
عبدالرحمن العطااااوي


ياعين عين اللي تنكس على اللوح=بيض الدواغر في المفالي طرحها
اليا علاه في السما لاحها لوح=اما ضربها عرض ولا نطحها
محمد بن مقعد الرشيدي


ماهوب بيتيين عن الصيد مشفوح=ان صادها في الارض ولا قلعها
شاعر مجهول


ياعاشق المغتر تحدى المجاهيم=الفعل خله لاشقر اللون صافي
العطاااااااوي


ماهوب وكرين عشاه الجرادي=من العلف شر(ن) على كف راعيه
محمد بن دشن


ياهل الطيور اللي قليل(ن) هددها=ياليتكم من هالعنا تستريحون
شاعر مجهول


الطير مايعطيك عهد(ن) واماني=اللي ليامن حام سمّوه مختار
ابن عفيشه


ليت غازي ماقنص لفياض عيده=ماقنص لمحقبه ولا وراها
وش يبي بديار نقّال الحديده=ديرة(ن)كسّر وانيته في حصاها
عبدالله الضحيك


يالضحيك الهرج وقف لاتزيده=عندي الاخلاق وصلت منتهاها
الحباري مابقا منها شريده=والشريده شبك(؟؟؟) حماها
ماذبحني كود ناس(ن)مستفيده=والنظام اللي وطاني ماوطاها
غازي الميموني


ـــــــــــــــــــــــــــــــــــــ

[فالك الناموس]

عزام لامنه طلبني سبوقه=ماقلت ياعزام طلعك على ويش
موكد(ن)طلعه ومثبت لحوقه=ماجا على طلعه غبار(ن)وتشويش
لونها تحته او ان جات فوقه=مرهي عليها من قبل تنفض الريش


أبيات جميله أخي يعطيك العافية عليهاوووويتعدد الوصف في الطير وكل بيت احلى من ثاني
ونترقب الزود منك

وفالك الناموس

[كاسر التيم]

الله يعافيك اخوي فالك الناموس

[راعي مبلش]

لاهنت عالنقل
تقبل مروري

[::عامري رحيم::]

قواك الله

شكرا عزيزي ع ابيات الحلوه

صح الساااان شعراء
ماعليهم زووود