المساعد الشخصي الرقمي

مشاهدة النسخة كاملة : ياهل الخبره ابغي رايكم ومشورتكم في البكره اللي تاكل تراب

شحاني
09-28-2008, 05:00 AM
السلام عليكم



عندي بكره توها صغيره تاكل التراب مع اللثامه


وش الحل ؟


طبعا بتقولون اربطها في مركاز ولا تخلي راسها ياصل التراب



انا مسوي هالشي


بس ابغي علاج جذري


هل هو نقص معين !!

سويت لها فحص ومافيها شي



وش الحل !!

لآن ربطها ماراح يريحها وراح تكون مجهده خصوصا في وقت الممسا



..

طبعا فصلت لها تور كامل لكن ماعتقد فيه فايده



من يعرف الحل
فالك الناموس
09-28-2008, 05:43 AM
لاهنت أخوي وان شاء الله الأخوان بيفيدونك بالي بغيته مايقصرووون

وفالك الناموس
حكومة بن جتب
09-28-2008, 10:39 AM
السلام عليكم

اخوييه البكره فيها هسه
هاسه
والوسم اتوسم بتلقا عرج تحت عرج اللبن نازل عتحت وسمها عليه مطرق

وانشاء الله بتقلع ها العاده عنها

والسموووحه
الشهواني
09-29-2008, 12:17 AM
مرحبااااااااا أخوي ....

هذا الشي مايدل عليها أن فيها نقص أو يطلع عليه شي ناقص ف الفحص...

لكن فيه حل واحد أنك تخفف نسبه الرمل الموجوده تحت البكره:::
عاشق اعمار
09-29-2008, 12:53 AM
لثمه لثامه طربال ...

انا عندي بكره العام لقيه كاسره التيم و صلة قيمه 1400000 ولا طعت ابيعها و تنازل ركضها فحصتها فحصها رقم واحد وسمتها من كل شي ولا فاد يوم مركاض الذيد عرفة انها تاكل التراب وعرفة انه هو اللي طيح ركضها و لثمتها لثامه طربال وفي الشبك حطيت تور اخضر دبل والسنه يذعه ولين الحين ما ركضتها وما ادري بيرد ركضها ولا لا والتوفيق عند الله ...

والله يوفقك وتلقا الحل لهذه المشكله واذا لقيت الحل لا تبخل علينا ..

والسموحه منك..


اخوك : عاشق اعمار .
شحاني
09-29-2008, 03:56 AM
مرحبااااااااا أخوي ....

هذا الشي مايدل عليها أن فيها نقص أو يطلع عليه شي ناقص ف الفحص...

لكن فيه حل واحد أنك تخفف نسبه الرمل الموجوده تحت البكره:::


شاكر اخوي


ولابد من وجود الرمل
شحاني
09-29-2008, 03:59 AM
لثمه لثامه طربال ...

انا عندي بكره العام لقيه كاسره التيم و صلة قيمه 1400000 ولا طعت ابيعها و تنازل ركضها فحصتها فحصها رقم واحد وسمتها من كل شي ولا فاد يوم مركاض الذيد عرفة انها تاكل التراب وعرفة انه هو اللي طيح ركضها و لثمتها لثامه طربال وفي الشبك حطيت تور اخضر دبل والسنه يذعه ولين الحين ما ركضتها وما ادري بيرد ركضها ولا لا والتوفيق عند الله ...

والله يوفقك وتلقا الحل لهذه المشكله واذا لقيت الحل لا تبخل علينا ..

والسموحه منك..


اخوك : عاشق اعمار .




مرحبا بك اخوي


والله يربحك من بكرتك وان شاء الله يرجع سبقها


وبكرتي سبوق وكاسره التيم يوم كانت مفروده

وبعدها ريحتها من خوفي عليها ولكن !! الله يفعل مايريد

كل مافحمها ماتشرب ولا تاكل . وشانت شعرتها وعرفت في الاخير انها تاكل التراب

طبعا تاكل التراب من تحت اللثامه

وتلعوزت


انا ما وصلت الا لحل واحد
وهو اسوي لها غرفه والبس الارضيه تور 3 غاط عشان يمنع الرمل من الارتفاع لها


مع العلم اني لبست البكره بطانه وعلى البطانه شبك ابو عقيده

عشان ماتنسدح على جنبها
راعي لطامه
09-30-2008, 12:01 AM
وعليكم السلام ورحمة الله وبركاته

اخوي شحآني

بالنسبه للتور ماراح ترتآح البكره فيه

لكن اخوي فيه فدامه مخصصه للي تآكل ترآب

استعملهآ وحاول تدبل الذيل حق الفدامه

لك تحيآتي
شحاني
09-30-2008, 08:01 AM
مرحبا بك اخوي


انت صادق انها ماراح ترتاح

بس المشكله انها تنسدح على جنبها وتصفح براسها على التراب لين يدخل بين اللثامه ووجها وترف راسها ويتجمع في اللثمامه من داخل وتاكله
راعي لطامه
10-01-2008, 01:00 AM
اخوي الشحاني

كبر اللثآمه وخصوصا الرقعه كبرهآ حيل

ماراح تقدر تآكل التراب لو تقلب راسها يمين ويسار


او اربط الرسن في حديده مخصصه وخليه عالي

وخلها اول يومين ماراح تقدر ترتآح بعدها بترتآح غصبن عليهآ
راعي ظبيان
10-15-2008, 10:41 PM
السلام عليكم بالنسبة للمطية الي تاكل الرمل علاجها بسيط لاكن مابتقتنع فية لين تجربه عطها عدد2 فنجان ملح الطعام كل يوم وشوفها بعد اسبوعين
حشيم الأطباع
10-22-2008, 05:41 PM
هلا خويه

عليك بالتور
دبلها تور في الشبك وفجها فيه
اول يوم بتيفل وخلاف بتريض وبترتاح فيه
انا بنفسي مجرب هالشي وركابي مفتكات

والسمووووووووووحه
عاشق المرموم
10-24-2008, 01:40 PM
هذي فيها هسة ودواها الملح
سعود
10-25-2008, 10:21 AM
مشكور اخوي ونشالله الاخوان بيفيدونك
راعي بلا حدود
01-04-2009, 07:31 PM
اخوووي شحاني ..

من خبرتي المتواضعه ... السبب بيكون ديدان .. ونقص املاح ..

عطااااهااا علااااااااااااج للديدان .. وعطااااه املااااح ...

ولثاااامهــ ام خرطوووش ..

والموووفق الله ..

تقبل مروري ..
راعي الغزال
01-14-2009, 12:59 AM
مشكورين على المعلومات ياااإخوان