الرجاء الافاده ! ضروري

[توافيق]

السلام عليكم ورحمة الله وبركاته

بسم الله الرحمن الرحيم

انا مضمر مبتدئ ربي وفقني في مطيه سبوق والحمد لله سبقت وجابت اتيام حلوه قررت اني اشارك فيها في سباقات برا لانى اشوف اتيام الاشواط مقاربه جدا للتيم مطيتي. ودخلتها اكثر من ميدان من دوله الي دوله ( المهرجان ) والمشكله انها ماتجيب ركضها اللي اعرفه في السباق والتيم الي يجيبه الاول انا اجيبه في دولتي ولا ادري وش السبب ؟؟

والســـــــــــــــــــــــموحه..

تحياتي لكم اخواني

[فالك الناموس]

امممممممم عجيبة صراحة وان شاء الله الأخوان بيفيدونك

يعني اختلفت عليها الأرضية مب معقولة يعني عندنا وفي قطر وفي سعودية وفي الكويت نفس أشي

بس هذا توافيق ورزاق

من يدري يمكن مكتوب لك أنها تكون لك منتجة وتعوضك ^,*

أن شاء الله تكون من هل الناموس الدايم والمتكرر ويعطيك العافية

وسمحلي أخوي ما عندي خلفية عن هذا الموضوع والأخوان ما بهم قصورر بيردون عليك بالي يرضيك أن شاء الله

وفالك الناموس

[راعي لطامه]

عليكم السلام اخوي توافيق

والله يرزقك في بكرتك اخوي

بالنسبه لمشكلتك في اكثر من سبب

الاول النقضه يعني المطيه تطلع من جو متعود عليه وتدخل جو غير جوها وتنقض وهذه يبلهآ اقل شيء اسبوعين الى شهر على بال ماتتعود المطيه على الجو الجديد

يعني انت تبي تشارك فيهآ في سباقات خارج مدينتك او دولتك لازم تجيبهآ قبل المركاض باربعه الى خمسه ايام وتركض مايضرهآ اخوي

وبعد اسبوع تبدا النقضه وزي ماقلتلك لازم اسبوعين الى شهر حتى تتعود

الشيء الثاني والمهم هو ان المطيه ماتركض الا في ميدانها اللي معتاد عليه يعني الاكسجين الضغط وماتركض غير في ميدانها

ثالث شيء اذا انت رحت دوله او ميدان غير ميدانك اللي انت فيه بالاساس المويه اذا كانت تحليه او موية بير او اي مويه اخرى راح تنقض الماء البرسيم ينقض التحميل متعبهآ

كل هالامور وارده اخووي

بعلمك بطريقه مهمه جدا جدا جدا

اول شيء المويه لازم تكون موية تحليه لان كل الدول فيها موية تحليه وماتنقض

ثاني شيء المطيه اذا نزلت في ميدان غير ميدانها ياليت تعطيهآ حبة بصل تتطحنها بمويه وتغر المطيه فيهآ

ثالث شيء لاتجهد المطيه في التحميل وترهقها وتتعب المطيه وتحفز وتفقد سوائل كثيره اول ماتنزل الميدان الجديد اعطها مايقارب 5 الى 7 ملاعق املاح لتعوضها الارهاق والتعب

رابع شيء اول ماتنزل بنص ساعه الى ساعه حاول بأي طريقه ان المطيه تمشيء ولاتخليها في مربطها طوالي يعني وديها مسافة من 3 الى 5 كيلو مشيء في الدوره الجديده

خامس شيء لاتعقل المطيه تحط عليها عقال او تفقرهأ وقت التحميل

وسلآمتك واتمنى اني افدتك اخوي وموفق خير

[عاشق اعمار]

اخوي الغالي ..


اختلاف الدوره في دوره السابق تيب من كيلوين 3:8 وفي دوره الي تي عاشر تيب 3:6
هذا اختلاف الدور..

تقبل مروري: عاشق اعمار.

[توافيق]

مشكورين اخواني على المرور

[الخاطري]

كفى وفا راعي لطامه

[راعي الشاهينيه!]

..............اخووووي..... ... فيه اشياء كثيره..يمكن البكره مب جاهزه ...لان السن الصغير يجهز ...بسرعه ..لكن لازم اتعووودها ع الميدان الي فيه السباق ع الاقل اسبووع ...(انت ما عليك من الي ينزل حلاله قبل المركاض بيوم ...لان صراحه انا ما انزل الحلال قبل المركاض بيوم ولا يومين ..الا اذا كان من لقي وطالع..اما اذا عندي حقايق ولا فطامين وانزلهن قبل المركاض بيوم او يومين ..احتمال كبير انهن يختلن ...لازم ع الاقل سبووع ...ويمكن من العلف ...البكره ما تعرف علف غير علف ميدانها ويمكن اشياء وايد ..بس اظن ان بكرتك ...ما تعرف الدووره او شي مثله ..انت جهزاها ..وسنعها ...ودها الميدان الي ناوي تركض فيه ..وفحمها ع الدووره الي بيجي السباق فيه وبس ..وانشاء الله استفدمني ومن الاعضاء الي قبلي

[راعي صدمة]

ماقصرو الاخوان

[نجم ملاقط]

أخوي يمكن مثل ماقالوا الربع ولا فيها خلال بيطري نقص ولاشي ولا بكرتك منفضخه من التحميل

[كفو]

خوى توافيق

وعليكم السلام ورحمة الله وبركاته
بخصوص تحميل المطيه لازم المطيه اتكون متعوده على التحميل ع شان ما تتأثربه .
انا بعطيك نصيحه اخ انك تودعها احد المضمرين المشهورين أولاً لان السعر بيختلف اذا انشرة من عندك بتكون ابسعر اقل وإذا عندهم بتكون بسعر اكثر ،،،،
وهذى نصيحه صادقه يشهد الله ،،، لان المطيه السبوق ما تتكرر والممطين العاديين ما عندهم الخلفيه الكافيه ... وارجو السموحه إذا في قولى اخطيت

[توافيق]

عزالله ماقصرتو ياربع وبيض الله وجيهكمع على المرور

[الهجان_الكويت]

اعتقد والله اعلم ان الدورة عندكم ناقصه وعشان كذت تشوف تيم بكرتك قوي لاكن اقطع الشك باليقين شوف الهجن الي شاركت مع بكرتك اذا راحو لدول الخليج هل تيمهم نفسه ام غير ؟؟؟ وين دورتكم ؟؟؟

[راعــqtrــي منــوة]

الاخوان كفو ووفو>>والسبب الرئيسي النقضه..!!

تقيل تحيـــاتي..!!