ظاهرة الترويج غريبة ومرعبة

[الناصي]

بسم الله الرحمن الرحيم


في ظاهرة غريبة ومرعبة في الساحة اللي هي الترويج عن زمول معينة لفترة تمتد من السنة إلى الأربع سنوات و الدعايا لرفع أسعارها ورفع أسعار نسلها في السوق وإحتكار فئة معينة من الناس لهذي الزمول بنقول اللي عندهم واسطة.... ما بتكلم بالألغاز تتذكرون الدعايا لصوغان الكاسبي وكساب اللي وصلتهم للنجوم.... وين راح شاهين الشيخ حمدان اللي عند خليفة بالرشيد اللي كان الناس يتمنون أنهم يوصلونه بواسطة ولا ينتظرون لين شهر 4 يوم ينتهي الموسم....تذكرون الدعايا اللي استوت على ولد شعيلة.......تتذكرون المنع إلى استوى على نشوان....تتذكرون الضجة اللي سواها مزاحم والشجاع بعير الشيخ خليفة بن زايد الله يحفظه . ما تحسون أن الطلب على عيال شاهين الكليلي خف عن السنتين اللي فاتن. وصل الطلب عليهن العام كأن اللي عند ولد شاهين الكليلي عنده خمس مليون في البنك. هل معقولة إن البعير يضعف إنتاجه أو يتغير أنا ما أظن. البعير ما يتغير إنتاجه ممكن يحصل بوش في سنه أفضل وأكثر من اللي حصلهن قبل وينتج. ظاهرة الترويج دوخة بروس الناس وحييرتهم بالزمول. وظاهرة التزييف نفس الشي ناس فقراء انظلمت زمولهم وحطوهن ضعاف النوايا على زمول لها صيت وطلب. المصيبة مالها حل نهائيا بس نصيحة الشخص لا يعتمد على بعير واحد بس عليه بالتنويع والمرزق الله.

والله ولي التوفيق

[راعي الفتك]

كل شي غالي ياغ الملك

[فالك الناموس]

موضوع حلو أخوي وشدني وحبية أشارك فيه

ما عندي خليفة عن هذا الموضوع لأكن أحس انه مب شرط يكون أنتاج البعير توب مره تصيب ومره تخيب مب شرط يعني أنتاجه يكون كله طيب

يعني ممكن تسبق عنده بكره وراح نوخ لها المرة اليايه مب شرط تي سبوق شرات المرة لي طافت
هاي توافيق من عند الله وبعدين الحين في البيت الواحد يوم الأم والأب أيبون عيال كلهم نفس المستوى أكيد لا في فرق بين كل واحد وثاني جيه هي بس توقع في هذا الموضوع وهل الخبرة أدرا به

ولأ الواحد بالعكس كل ما يكون عنده أنتاج من مختلف الزمول أحلى ما يكون احتكار

(( ولو كانت ع أنه الواحد توقع أنه بيكون عنده سبوق من هاي الزمول المشهورة كان العالم كلهم سبقو ومافي منافسة بينما في شوط الواحد تلقاء أكثر من مطيه أبوها مثال شاهين ألكليلي وحده تسبق وثاني تيك ذيل مب شرط يعني وفي ناس عندهم زمول وإنتاجها طيب بس ما تكون الأنظار عليه وأخر شي هاي توافيق من رب العالمين ورزااق ))

ويعطيك العافية ع مواضيعك الحلوة لي تستحق المناقشة وماء شاء الله مب غريبة عليك يا لمهندس ^,* ع قولت أحمد أمين

ونترقب الزوووووووود من هل المواضيع الحلوة

وفالك الناموس

[الشهواني]

مشكووور أخوي الناصي ــــــ

هذه الظاهرة متواجده وتقريبآ في معظم مياديين دول الخليج..

وسبب المشكلة ضعااف النفوس (ويرجع على حسب ارتفاع اسهم فحل معين)

[الشروجي]

بيض الله ويهك على هذا الموضوع الممتاز والجيد جدا وابشرك سمعت مره عتيج بل العرطي يرمس انهم با يعملو مختبر وبا يجيبو كل جينات الفحول المنتجه وبتخزن واي سبوج تسبج ف رئسي بيفحصون جيناتها وبا يعرفون وش من بعير ابوها وبعدين ياما زمول اهلهن فقراء ماحد طراهن وبناتهن يسبجن كل يوم في كل ميادين الخليج وبعدين شاهين الكليلي كم يدوس في الموسم تحصل في كل مركاض مايقل من خمسين من بناته والله هذي ظاهره خطير ه

[عاشق اعمار]

مشكووور أخوي الناصي ــــــ

بيض الله ويهك على هذا الموضوع ...

هذا الي حاصل الحين والسبب ضعاف النفوس ...

يقول والله بنت بعيري يبا بعيره ينباع....

تسلم الناصي و ماقصرت..

[راعي صدمة]

بيض الله ويهك على الموضوع
هذى الشي متواجد للي ما يخافون الله الواحد ماله غير ذمتة بس الناس تربع ورى المصالح

[راعي ظبيان]

نتمنا يطلع حل للمشكلة وتنتهي ظاهرة الترشيح ويصير البيع حلال مافية شك

[سعيد 11]

مشكووور أخوي الناصي

بيض الله ويهك على هذا الموضوع

[الخاطري]

مشكور ع طرح هذا الموضوع
مثل ماقالو الاخوه ضعف النفوس
في زمول منتجه و مضلومه

[هاوي السابق]

تاكد اخوي انه لا يصح الا الصحيح والطيب يفرض نفسه بدون دعايه حتى يفهمها من لايعرف علم الهجن الساحر والطريقه سلمك الله انظر لانجازات القعود او البكره اذا شارك اوشاركت في عدة سباقات وكان الترتيب من الثلاث الاوائل فهذا دليل جذري بان هنال مستقبل واعد ينتظره ان شاءالله اما الشخص الذي لايحكم عقله في مثل هذه الامور ويجري خلف الدعايات فانه خسران وبعض الاشخاص المروجه لاتخاف من الله وتنسب ذلك لمقولة التجاره شطاره فتاكد بان الله لن يبارك في اموال هؤلا الذين هم ضعفاء النفوس وتاكد بان رزقك اتي اليك مهما كانت الحاله اذا الله كتبه لك مهما اجتمعت البشر على ان ينفعوك بشي لم بكتبه الله لك لن ينفعوك ومهما اجتمعت البشر على ان يضروك بشي لم يكتبه الله لك لن يضروك وماتوفيق الا باالله

[~.راعي ملامه.~]

مشكور ع طرح هذا الموضوع
مثل ماقالو الاخوه ضعف النفوس
في زمول منتجه و مضلومه

[الطائف]

موضوع جدا رائع

لاحول ولاقوة الا بالله

ظلم ظاهر وعدم الخوف من الله هو سبب هذه الظاهره