المساعد الشخصي الرقمي

مشاهدة النسخة كاملة : المطيه اللي ما تحفز ...؟

عاشق اعمار
10-11-2008, 10:56 PM
بسم الله الرحمن الرحيم

السلام عليكم ورحمة الله وبركاته


يا خوان شما عندي بكره عايتبي معاياه بكره سبوق و واصله 3,500,000

ولا تحفز ايبها اول ما يفتحون الدوره الفير و تطلع الظهر الساعه 12
والله وما تعق شي ويوم الركض ايبها الساعه 4 الفير ولا تحفز واقدمها الشوط الاولي للبدو وتسبق واذا ابا اقدمها الشوط الاول ما اروم لانها ما تحفز واباكم تفيدوني اباها تحفز يوم الركض لان التحفيز العادي اعطيها هرم وتحفز بس اباها تحفز في الركض ....


والسموحه منكم..
الشهواني
10-11-2008, 11:12 PM
مرحبااااااااااا أخوي عاشـق اعمـــار ــ

عندي هجن نفس بكرتك ـــ

بس الحل الوحيد والي نجح؟

تقصر عليها لخطام ف القليصة وااايد. وتخليها بدون اللحاف.وتركب

عليها الركاب ولو تضربها بالركاب مره أو مرتين أو اكثر. وتحاول ماتيبها الدوره

قبل الفير لان الي نفس النوعيه هذة ماتحفز الا مع طلوع الشمس

والله يوفقـــــــــك انشالله ـــــــــــــــ
عاشق اعمار
10-11-2008, 11:16 PM
مشكور يا الشهواني وبيض الله ويهك....
راعي لطامه
10-12-2008, 12:05 AM
عليكم السلام ورحمة الله وبركاته

هلا اخوي عاشق اعمار


اخوي عاشق اعمار الله يزيدك وماشاءالله تبارك الله والله يرزقك في بيعه بالقيم هاللي تبيها

اخوي بما انها مثبته جداراتها بدون تحفيز اخوي ليه تبيها تحفز؟؟؟

اخوي نصيحه خلك على طريقتك دام البكره مسيومه وسابق بيدها عندك ماله لزمه اني اغير عليها واحفزهااا اخوي

وبعض المطايا المحفاز يضرهن واسئلني توصل لحد الانهيار المطيه وخصوصا اللي ماتحفز

فنصيحة اخ لاتغير عليها شيء وخليك على طريقتك وخليها ماتحفز دامها مثبته ركضها ووجودها

وموفق خيرر

عندي اكثر من طريقه للتحفيز لكن يعلم الله ان خوفي اقولها وتفشل مطيتك بعد المحفاز

تحياتي
فالك الناموس
10-12-2008, 12:09 AM
ما شاء الله أخوان شما فادوك أخوي عاشق أعمار ^,^

وربي يوفقك وما نقول غير فالك الناموس
عاشق اعمار
10-13-2008, 01:53 AM
عليكم السلام ورحمة الله وبركاته

هلا اخوي عاشق اعمار


اخوي عاشق اعمار الله يزيدك وماشاءالله تبارك الله والله يرزقك في بيعه بالقيم هاللي تبيها

اخوي بما انها مثبته جداراتها بدون تحفيز اخوي ليه تبيها تحفز؟؟؟

اخوي نصيحه خلك على طريقتك دام البكره مسيومه وسابق بيدها عندك ماله لزمه اني اغير عليها واحفزهااا اخوي

وبعض المطايا المحفاز يضرهن واسئلني توصل لحد الانهيار المطيه وخصوصا اللي ماتحفز

فنصيحة اخ لاتغير عليها شيء وخليك على طريقتك وخليها ماتحفز دامها مثبته ركضها ووجودها

وموفق خيرر

عندي اكثر من طريقه للتحفيز لكن يعلم الله ان خوفي اقولها وتفشل مطيتك بعد المحفاز

تحياتي

تسلم اخوي راعي لطامه اخوي فديت خشمك تركض وهي منزبره وتزبد ومره حفزت عقب حوف وذل ويابت ركض عالمي و وصلة هالقيمه بعد هالركض يوم حفزت وياريت تفيدنا بالطرق اللي عندك عسى ربك تحفز..
عاشق اعمار
10-13-2008, 01:55 AM
ما شاء الله أخوان شما فادوك أخوي عاشق أعمار ^,^

وربي يوفقك وما نقول غير فالك الناموس



مشكوره ع المرور...

وياج ان شاء الله...
راعي لطامه
10-13-2008, 02:54 AM
ابشر اخوي عاشق اعمار والله يزيدك ويباركلك فيهآ

الطريقه الاولى :-

وقت التحفيز جبهآ في مجموعة الهجن يعني في الزحمه والاصوات والاجهزه والراكب الالي والظرب والصياح ولاتكلمها نوخ وخلهآ البكره بتابع الاصوات

ولمى تشوف البكره سرحت وركزت في شيء معين خلك قريب منها وصح عليها بقوه واظربها بالعصى لا تصيح عليها ولاتظربهآ الا لمى تسهى عنك

كرر الطريقه اكثر من خمس مرات وبئذن الله اذا صارت البكره تتحرك يمين وشمال وتتابعك في روحاتك وجياتك عليها راح تحفز
بعد التكرير وقف القليصه بمطيتها ونزل اللحاف عنها لتحسسها انها بتدخل سباق
وارجع نوخ وكرر العمليه راح تحفز ان شاءالله

الطريقه الثانيه :-
هذه ماستخدمها الا اذا فقدت الامل من محفازها بالصوت والظرب

خذ فوطت المطيه (( المنشفه)) ولفها على راس المطيه بحيث ماتشوف شيء نهائيا

وبعد عنها ونهمها من بعيد وكل ماقربت عليها ترفع الصوت اكثر واكثر واذا وصلت لها اضربها بقوه ماراح تقوم ولاتتحرك لانها متشوف شيء


بعدها ركب الالي عليها وصيح وشغل الالي وكل ماصحت عليها شغل الالي عليها

راح تحفز ان شاءالله

((( ملحوظه اخوي )))
لاتقردلها او تلاعب المطيه او تحكحكلهآ وقت التحفيز نهائيااا
لاتخلي المطيه قريبه من القليصه مره حاول يكون فيه مسافه شويه
لاتخلي المطيه تلصق في القليصه وتدحم عليه تبيه يقوم


وموفق خير ان شاءلله وتبشرنا بسبقتها وببيعتها
راعي الذهب
10-13-2008, 10:26 AM
هلا ومرحبا اخوي عاشق اعمار
الغالي انا بعطيك طريقه أن شاء الله تفيدك
والمثل يقولك أسال مجرد ولا تسال طيب

المهم يالغالي تعرف الحمض أللي لحن نسميه الهرم
خذه وغسله لها وشل عنه الصلوب
يعني خله حب وبس
وعصره في اي خلاط عند هذا قبل التحفيز
وعطها منها غرشتين كبار مال دبة الماي

يمكن تكون غريبه عليكم بس هذي أنا مجربنها
والحمدلله مشى الحال وياها


وعسى الله يوفقك
عاشق اعمار
10-14-2008, 01:32 AM
ابشر اخوي عاشق اعمار والله يزيدك ويباركلك فيهآ

الطريقه الاولى :-

وقت التحفيز جبهآ في مجموعة الهجن يعني في الزحمه والاصوات والاجهزه والراكب الالي والظرب والصياح ولاتكلمها نوخ وخلهآ البكره بتابع الاصوات

ولمى تشوف البكره سرحت وركزت في شيء معين خلك قريب منها وصح عليها بقوه واظربها بالعصى لا تصيح عليها ولاتظربهآ الا لمى تسهى عنك

كرر الطريقه اكثر من خمس مرات وبئذن الله اذا صارت البكره تتحرك يمين وشمال وتتابعك في روحاتك وجياتك عليها راح تحفز
بعد التكرير وقف القليصه بمطيتها ونزل اللحاف عنها لتحسسها انها بتدخل سباق
وارجع نوخ وكرر العمليه راح تحفز ان شاءالله

الطريقه الثانيه :-
هذه ماستخدمها الا اذا فقدت الامل من محفازها بالصوت والظرب

خذ فوطت المطيه (( المنشفه)) ولفها على راس المطيه بحيث ماتشوف شيء نهائيا

وبعد عنها ونهمها من بعيد وكل ماقربت عليها ترفع الصوت اكثر واكثر واذا وصلت لها اضربها بقوه ماراح تقوم ولاتتحرك لانها متشوف شيء


بعدها ركب الالي عليها وصيح وشغل الالي وكل ماصحت عليها شغل الالي عليها

راح تحفز ان شاءالله

((( ملحوظه اخوي )))
لاتقردلها او تلاعب المطيه او تحكحكلهآ وقت التحفيز نهائيااا
لاتخلي المطيه قريبه من القليصه مره حاول يكون فيه مسافه شويه
لاتخلي المطيه تلصق في القليصه وتدحم عليه تبيه يقوم


وموفق خير ان شاءلله وتبشرنا بسبقتها وببيعتها


مشكور اخوي راعي لطامه وبيض الله ويهك والله يوفقك ان شاء الله وانا بجرب الطريقه الاولى اذا ما فادت فيها بجرب الثانيه وانت بيض الله ويهك وما قصرت ....
عاشق اعمار
10-14-2008, 01:35 AM
هلا ومرحبا اخوي عاشق اعمار
الغالي انا بعطيك طريقه أن شاء الله تفيدك
والمثل يقولك أسال مجرد ولا تسال طيب

المهم يالغالي تعرف الحمض أللي لحن نسميه الهرم
خذه وغسله لها وشل عنه الصلوب
يعني خله حب وبس
وعصره في اي خلاط عند هذا قبل التحفيز
وعطها منها غرشتين كبار مال دبة الماي

يمكن تكون غريبه عليكم بس هذي أنا مجربنها
والحمدلله مشى الحال وياها


وعسى الله يوفقك


مشكور راعي الذهب وبيض الله ويهك...

اخوي التحفيز العادي تحفيز التفحيم اعطيها هرم بس اباها تحفز قبل الركض..

ولا انت تقصد اعطيها سبوع المركاض ...؟
uuu
10-20-2008, 02:16 PM
الغالي ماعليك من هذا الكلام كله يبها الفير الدوره حسب الدوره لي عندكم ثمانيه او سته كيلو يبها الفير وخلها طالعه من العزبه بروحها ومركبه الرجبي ومن دون لحاف وعليها سمعات ودورها الدوره خبيب قوي وانته تنفخ وتزقر عليها بل جهاز وتصيح هرن لها بعد مادور أذا ماعقت وهيه أدور ردها الدوره ونوخها وانشالله انها بتحفز هذي احسن طريقه بس لاتقصر ع المطيه في المعشى
عاشق اعمار
10-22-2008, 01:55 AM
الغالي ماعليك من هذا الكلام كله يبها الفير الدوره حسب الدوره لي عندكم ثمانيه او سته كيلو يبها الفير وخلها طالعه من العزبه بروحها ومركبه الرجبي ومن دون لحاف وعليها سمعات ودورها الدوره خبيب قوي وانته تنفخ وتزقر عليها بل جهاز وتصيح هرن لها بعد مادور أذا ماعقت وهيه أدور ردها الدوره ونوخها وانشالله انها بتحفز هذي احسن طريقه بس لاتقصر ع المطيه في المعشى

مشكور و الله لايهينك و بيض الله ويهك...