سؤال لاهل الخبره؟؟؟

[المطيري]

السلام عليكم ورحمة الله وبركاته
يااخوان عندي بكره عافت الاكل او بالأحرى شهيتها ماعاد نفس اول مع العلم ان ركضها زين بس ماهو الركض اللي انا اعرف وما فيها لافضخ ولاسطح وقطعت عنها هدب واحمام وتحليلها مافيه شي ؟؟؟
(صحتها وعينها مو عاجبتني)

ياريت اذا فيه احد يعرف مشهي زين او حل لهذي المشكله وشنو اسبابها ؟؟

وشــــــــــــــــــــــــاكرين لكم...................

[راعي صدمة]

وعليكم السلام أخوية البكرة طال عمرك أغلب الظن فيها سقام شوف اللغوب اللي في ثم البكرة ووسمها فوق وتحت الراس ويومين والبكرة بترد بخير انشاء الله وحطلها قرط ورش فليت ازرق في ثمها بعد القرط

[راعي ظبيان]

ابغي اعرف طريقة شربها للماء طبيعية ولاترشف وقت الشرب

[ابن القريصي]

اقول فيه قعود ولد صوغان العشره بطنه يمشي ماء ولا ياكل الشعير وشبلاه تكفون والله انه عندنا من يوم حق قد هو لقي وضلع وسمناه وانتفخت رجله وعلومه علوم الي يعرف يرد لي خبر ومشكورين
والقت الصباح ماياكله الا الظهر عقبه واحده

[عابر سبيل]

وعليكم السلام ورحمة الله وبركاته ياخوى اذ كنت متاكد ان البكره خاليه من اى مرض او مرض يبغى وسم انا انصحك عطها ثوم فالسبوع مرتين فالتمر :):):):) والشافى رب العالمين

[راعي لطامه]

عليم السلا مورحمة الله وبركاته

اخوي المطيري

ياليت تقولنآ البكره اكلهآ في البرسيم كيف سريع والا لاء وقبل تاكل تشم البرسيم باستمرار وتتنقى اللي تبيت اكله او لاء

والشعير اكلهآ سريع والا بطيء؟؟

وشربهآ للمويه تشرب عادي او تقطع في الشرب يعني تشرب وتوقف وبعدها تكمل تشرب وتوقف؟؟

وان شاءالله مآفيهآ الا العآفيه جاوبنآ وربك بيسر هآ ان شاءالله

[المطيري]

شاكر لاخوان عالمشاركه الطيبه

اخوي راعي لطامه البكر ه مثل ماقلت تنقى البرسيم وتشمه وماتكمله كله واكلها للشعير ضعيف وشربها للماي متقطع؟؟؟؟؟؟؟؟؟؟؟؟؟

[المطيري]

اخوي راعي ظبيان حدد مكان الكي بالضبط و والسقام؟؟(وش هو باضبط)والقرط؟؟؟
(اسف على التأخير)

[راعي ظبيان]

السلام عليكم ،السقام هو عرج يمسك حلق المطية وهو يعيقها من الاكل والشرب وعلاجة الكي ويكون مطرقين ومكان الكي بالضبط 1-مطرق في مأخرة الخشم بعد حكمة الخطام يبدأ الوسم من فوق يعني بين العينين ويفظل يكون تقريبا 5 سم 2- الوسم الثاني في اللحي بين الفكين من اسفل 3- يفظل للحالات المصتعصية اللكزة في العلبى وشكرا

[الصارم]

ياخوي عطها حلول يومين وغرها ماااااااي اذا ماتشري يعني 10 غراش ماي حجم البيبسي العود وعقب عطها قت يابس وعقبه درج لها فالشعير بمقدار حفنت اليدين مرتين صبح وعصر اول يوم وثاني يوم دبل وثالث يوم صاع الصباح وصاح المسا وخلك على ذا الموال واذا شفتها شهيتها مانفتحت عطها كافي وسلامتك

[نزال]

يالمطيري تحياتي لك والحل بسيط بكرتك مافيها ألا العافيه بس أقطع الشعير يوم ونص والتمره يومين والجت الخضر يوم وعطها يابس وبدا بالتدريج في إعادة الطعام ,غذا كانك زايد طعامها خف منه شوي إذا كنت تجمع الطعام قسمه على أوقات

[المطيري]

مشكووورين وراح اسوي اللي قلتو عليه واطيكم اخبار البكرة

[عزوتي حمدان]

وعليكم السلام ورحمة الله وبركاته



الحمدلله والصلاة والسلام على رسول الله وعلى آله وصحبه أجمين



تبي تسمع راي


أخوك



خلها


لمدة



7
أيام
راحة


وكليوم خلها



تاكل

تمرتين


لمدة
7
أيم

[المطيري]

مشكور اخوي عزوتي حمدان بس البكره لها اكثر من 7 ايام مريحه

[المطيري]

مشكور اخوي نزال عالمشاركه الطيبه

[راعي غرابه]

خوان شما عندي قعود مفضض وسمته ولا طاع يخوز عنه الفضض.....

[المطيري]

ابشركم البكره ردت تاكل بس الله يستر عليها لا تنتكس
ذخر ياخوان ذخر

[راعي لطامه]

مبرووووووووووووووووك يالمطيري ويعلهآ ماتمرض ثآني مره

وتنومسك في كل سبآق

بس لآتغث البكره بالعلف بما انها توهآ ردت للآكل لآتكثرلهآ وتغثهآ بالعلف وترجع تتركه

وموفق خير