-- لغز جديد --

[فزّاعيّة ميّة الميّة]

بسم الله الرحمن الرحيم
السلام عليكم ورحمة الله وبركاته،

:

لغز

أبنْشـد اللـي كـلْ لغْـزٍ يهمّـه
اللي يحـل اللغـز دايـم تمـامِ
ويش الغلام اللي لْصدرك تضمّـه
ولا مقصـدك تقديـرٍ واحـتـرامِ
يفزع لكم كان الخطر حـلْ بأمّـه
وفِعْل السبب مطلوب يا ابن الكرامِ

:

ننتظر الجواب :)

[^^قلبي تولع^^]

صعب!!!!!!!!!!!!!!!!!!!!!!!!!!!!!
ساعدينااااااا شوي

[فالك الناموس]

الجواب هو حزام الأمان

ونبغي يكون الموضوع كل واحد يحل الغز يحط غيره لغز ثاني وهكذا وش رايج أختي فزاعية

وفالج الناموس

وأنا بحط لغز

أنشدك عن رجلٍ رفيع وقاره رجلٍ بدونه ما تقلط رْبوعه
طيّب، وطيبه بس خارج دياره والا بْداره ما تبين نفوعه

وترقب الجواب

وفالكم الناموس

[فزّاعيّة ميّة الميّة]

جوابكِ ( صحيح :) ) يا فالج الناموس

و الفكرة جيِّدة، و إن شاء الله نستمر فيها !

:

و بعد البحث و التحرّيـ هذا لغز كتبه الشاعر / ثامر القطيم السبيعي
و جاءت الردود على هيئة أشعار جميلة و متسلسلة، لا مجال لذكرها الآن

أما الجواب فهــــو

( جواز السفر )

[فالك الناموس]

جوابج صحيح ^,^ ويعطيج العافية

نتمنى التفاعل من الأعضاء

وفالج الناموس

[الذهبي]

دوم دوم دوم متميزات بالاشياء اليديده الله لا هانكن وماقصرتن

بيض الله ويوهكن


سوالم

[فالك الناموس]

وين الأخوان حد يحط لغز يديد عـلشان نحله

وفالكم الناموس

[فزّاعيّة ميّة الميّة]

و وجهك أبيض يـــا الذهبي، و تسلَّم ع الحضور الطيِّب الله لا هانك.

:

و هذا لغز بسيط جداً،

مــا هـــو الشـــــيء الـــــــذي يسكــــن الجبــــــال ..

ويجلـس مجالـس الرجـال .. ويلبـس لبـس النسـوان ..

:)

[الشهواني]

الجواب هـو ـ الطيــــــر ـ ...

[فزّاعيّة ميّة الميّة]

يا سلام عليك يـــا الشهواني 100%

بس وين اللغز الجديد ؟

[الشهواني]

كنت ابي اتاكد اذا جوابي صح او خطا...

اللغز الجديد؟

بنشدك عن حي على الارض ماداج

ماداج فيها كون حزت وفاتـــــــــــه

اقبل على الحي له الحي محتاج

واقبل على الميت وانقذ حياته

[فالك الناموس]

الحي الي على الأرض مداج؟

هو الكبش

حزت وفاته؟

يوم افتدابه سيدنا ابرهيم عليه السلام


الحي المحتاج؟

هو سيدنا ابرهيم

انقذ حياته؟

إسماعيل والد ابرهيم عليه اسلام


ونترقب الاجابه وتسلم اخوية

وفالك الناموس

[الشهواني]

الجواب صحيح 100% :)

مافيـج حيلة .. فالك النامـوس ..

[Ŗǽm]

يعطيكم العافيه الغازكم حلوه

خلوني اشارك معاكم بهذا الغز


سيــــــف سحبتــــــــه يا فتـــــــى في يميـــني

واليا سحبتــــــه تعجبــــــك لمحة إضواه

عـــده على الخطـــــــار والغانــــــميـــني

تراء صعبة ردة الســــــيف بخــــــاه



؟؟؟



ها من بيعرف الجواب ..؟ :)

[.:[][راعـي الـركــن][]:.]

الطيييييييييييييييير

[فالك الناموس]

الجواب هو حليــــب الناقـــــه أختي Ŗǽm


وفالـج الناموس

[محمد العتيبي]

السلام عليكم
حبينا نشاركم ونعطيكم لغز
(انشدك عن رجلن يدل الرياجيل.دربا دهر ماينبت الي وطابه
اصقا عما مايسمع القال والقيل.وليا حضر فك انشب والطلابه)
وفالكم الحل

[فالك الناموس]

الجواب هو


الصك الشرعي

وفالك الناموس

[محمد العتيبي]

لا مو الصك الشرعي
وفالج الحل

[فالك الناموس]

هل هو الوسم

[عاسف الريم]

الاجابه هي وسم الابل و العزله

واضم صوتي لصووووت اختي فالك الناموس





المايك عندج فالك الناموس

[محمد العتيبي]

يعطيكم العافيه
صح السانج وفالكم لغز الجديد

[محمد العتيبي]

انشدك عن رجلن مايجي الاوقت الشين ...ياشينها يصاحي حزه مطاليعه
يعيش في بيت مايجي شبرين...واليا طلع بأمر الولي بانت منافيعه

اوفالكم الحل
ومافيج حيله اختي فالج الناموس

[عاشق اعمار]

يمكن ملك الموت !!

الله يكفينا الشر ..

ويعلك عمركم طويل ..

[محمد العتيبي]

الله يكفينا الشر لا مو ملك الموت
وفالك الحل



(وننطر الحل)

[كوكب الارض]

اممم

يمكن الدجال الاعور ^^

[محمد العتيبي]

لا ماجبتو الحل
(ننطر الحل)

[المطيري]

الحل الظاهر انه: السيف

[فالك الناموس]

يمكن الكفن ؟

[محمد العتيبي]

السلام عليكم
ماحليتو اللغز
وظاهر طولتو
بالحل هو (ايرباق السياره)
وتحياتي للجميع