ابي بنج للي فيها فضض ؟

[عشقي قطري]

بسم الله الرحمن الرحيم

السلام عليكم ورحمة الله وبركاته

يا اخواني ابي بس اللي يعرف اي بنج للفضض من العيادات بس يعلمني بأسم هذا البنج...

لان عندي مركاض خلال هاليومين وانا وسمت البكره من الفضض وابي ابنجها يوم الركض ..

تكفون بسرعه لا تتأخرون علي الله يخليكم ....

[فزّاعيّة ميّة الميّة]

الإملاء مشكلته بسيطه يا عشقك قطري :)، و لا تلعن التدريس ع كبر

( اطلبوا العلم من المهد إلى اللحد )، ( و اطلبوا العلم و لو في الصين )

و عسى الله تحصل طلبك، و الأخوان ما بيقصرون إن شاء الله، و حيَّاك الله.

[سلهود]

روح لعيادة بشرية واطلب بنج حق اسنان وادهن فية مكان الفضض قبل الركض بساعة

[حكومة بن جتب]

السلام عليكم

كيف الحال

اخويه ماشي بنج حق الفضض
جان بكرتك غاليه عندك فرطها من الركض
ولا تستعيل عليه
العيله من الشيطان
الحين لو انته يعورنك اريولك ووراك ركض بتعايز بتقول ما روم

كيف البهيمه عيل

وانا انصحك انك ما تركضها جان ادور من وراها خير

والسموووحه

[أصايل]

صدقت اخوي حكومه بن جتب

ردك فيه حكمه ووعي واتمنى الأخذ بالنصيحه