اقرب يالعازف والربع كلهم

[راعي حمران]

:cool:السلام عليكم يالربع شوفايدة السعوط ومن شو يتكون السعوط الممتاز ومتى وقت استعماله في المقيظ ولا في وقت التدريب والريسات

[راعي صدمة]

الصعوط يريح المطية ويعدل شعرتها

[هتاش]

بس اي وقت يعطي المطيه وتي الوقت المناسب اللي تعطي المطيه وكم الكميه اللي تعطى اياها هذي الامور لازم ان الجميع يعرفها

[راعي حمران]

وينك يالعازف

[الطائف]

اصلا الصعوط وشهو؟؟؟؟؟؟؟؟؟

هل المقصود به السمن؟؟؟؟ اي سمن الاغنام!!


وهل يستخدم في انف المطيه ؟
ام مع الفم؟

وكم مقدار الصعوط حسب سن المطيه؟




ننتظر الاجابه الشافيه الوافيه من الاخوان اهل الخبره

[عاشق المرموم]

السعوط هو سمن حليب البقر وتقدر تعطية قي المقيظ يعني وقت ما تاكل الرطب ليس قبل وتستمر تسعط طول الموسم بعد كل اسبوعين بعد الركظ مباشرتا بيوم وتقدر تسعط من سن الحجايج وما فوق الحجايج 200 ملي اللقايا 300 ملي الجزاع 300 ملي الثنايا والحول 400 ملي والأحسن تخلط معاه فنجان عسل +عدد 2 او 3 بيض بلدي + شوي حليب

[العازف]

موجود

والسموحه على التأخير

وراعي صدمه وعاشق المرموم ما قصرو

[راعي البرج]

ما قصرو الشباب

[مسربلان]

تسلم ياراعي المينونه على الموضوع المهم
شو احسن سمن حليب البقر ولا زيت السمسم الاصلي

[الطائف]

السعوط هو سمن حليب البقر وتقدر تعطية قي المقيظ يعني وقت ما تاكل الرطب ليس قبل وتستمر تسعط طول الموسم بعد كل اسبوعين بعد الركظ مباشرتا بيوم وتقدر تسعط من سن الحجايج وما فوق الحجايج 200 ملي اللقايا 300 ملي الجزاع 300 ملي الثنايا والحول 400 ملي والأحسن تخلط معاه فنجان عسل +عدد 2 او 3 بيض بلدي + شوي حليب

عاشق المرموم

الله يبيض وجهك وافي وردك وافي

[عاشق المرموم]

مشكوووووووووووووووور يالطائف فالك الناموس إنشالله

[راعي لطامه]

بيظ الله ويوهكم كلكم ((( الطايف )) مافيه شي ينصب في خشم الناقه بيروح لريتها وبتموت


اخوي رآعي المينونه فيه سعوط ينصب في خشم النآقه عآدي

بالعكس منضف لهآآآآ وللجيوب الانفيه :)

[حكومة بن جتب]

السلام عليكم

راعيت الصعوط وخص سمن العربي ماييها عضاد ولا مشش
لانه السمن العربي يسير في عضم المطيه
ويقويها ويعدل شعرتها
ويستخدم عقب كل ركض وقبل مفحام القصر
سمن شوي وفنيان عسل وبيض عربي ولبن طشونه

جان عندك مطيه بتعفيها من الركض عطها سمن بدون بيض ولبن وعسل
سمن اروحه عقب ما تصعطها صب في خشمها منا ومنا شوي
والتوفيج من الله

والسمووووحه

[راعي حمران]

اشكركم اخواني على المرور المحترم