مرض خطيييييييييييير

[الصارم]

ياجماعه بقولكم عن مرض خطير ماعرف شو هو
واللي عنده خلفيه او مر بالتجربه يخبرنا والفايده للجميع لان التجربه خير برهان


عندنا قعود غالي انتفخ بطنه وماقام ينفس لامن جدام ولا من ورا
ومافيه شي بالصيدليه الا وعطيناه

1/ابر بي ون وبي كمبلكس
2/مهضم
3/ حلوووووووول
4/مغذي
5/ابر ماعرف اسمها حق الغازات

المهم ان مانفع شي والقعود نفق

السالفه وشو هالمرض
والله يالربع شي اول مره اشوفه غريب مره

نسمع ردووووووودكم

[راعي حمران]

يمكن القعود محمل وهو شبعان وانا شفت بكره نفس حالة قعودك صادها المرظ وانتفخ بطنها عقب ماحملوها وهي شبعانه ورويانه وماتت

[عاشق المرموم]

انا هذا المرض صار عندي وعالجتة والحمد لله ،علاجة في الصيدليات غرشة صغيرة مايحظرني اسمها دواء النفاخ ولاكن هي 100 ملي وصناعة اردنية او مصرية لاذكر،والدواء ابيظ مثل الحليب من تعطية المطية يجيب نتيجة بعد ربع ساعة

[الصارم]

مشكورين على المروووووووووووور

انا حطيت الموضوع بس علشان يستفيدون الربع من خبراتكم لانها اول مره تحصل معي

وتحياتي لكم

[الشمالي]

يا خوي بعيرك ممكن مسموم

والعلم عندالله

[مجد التراث]

الدواء هو لاكسفايت بودره بيضاء والصناعه اردنيه

[عاشق المرموم]

اللاكسفيت يعتبر ملين وليس دواء للنفاخ ،النفاخ المقصود خطير جدا توصل مرحلتة للموت إذا ما عطيت العلاج بأسرع وقت وانا ذكرت العلاج من قبل.

[كفو]

مرحبا يا صارم
هذا مش مرض وانما غازات واصابه بكره عندى جرب دواء فاب كولكس سائل وبلوت جارد بودره لمدة ثلاث ايام ادمجهن مع ماء وغرهن القعود ،،، وان شاء الله يشفى

[أصايل]

الله يعافيه

موضوع سيستفيد منه الكثير

[الهجان_الكويت]

جزاك الله خير ياصاحب الموضوع وكل من جاوب وعرف اسرار وعلاج هذا المرض للفائده للجميع

[المطيري]

المرض سبته الجت الخضر والله اعلم
عندنا اول مزرعة جت وكنا نمنع الحلال لا ياكل منها اذا الجت صغير لانه ينفخها ويذبحها وصاب من حلالنا شي واجد والجت لا صار صغير المواد الكيماويه تكون لا لحين عالقه فيه وهو لحاله مرض واكثر اهل المزارع اللي يربون حلال بنفس المزرعه يعرفون هالشي هالجت له اسم معين اضنه فقوو لان ناقه عندنا كانت بتموت منه وتلاحقها حد الشيبان بابر يطعنها فاضيه بالكرش ويسحبها متروسه هوا له ريحه وسميناها فقوه على اسم الجت والمرض اللي يجيبه والله اعلم وللفائده
والله يعوض عليك يالهجان بابرك منه