شاهين النيادي

[راعي ملاقط]

السلام عليكم ورحمه الله وبركاته

بغيت اتخبركم يالربع عن بعير النيادي شاهين ولد شاهين الكليلي الي موجود في العين في منطقه المراغ . ربعنا في العين اسمعهم يطرونه لانه له انتاج قوي وطلب كثير على عياله من بكار وقعدان في منطقه العين وخاصه في ملاقط والرقيعات عند الدروع لانه البعير اول ما بذر وانتج كان من بوش الدروع .. فالي عنده اي معلومات عن هذا البعير لا يبخل علينا لاني بصراحه ادور نسل شاهين وين ما يكون ....

وانتضر ردودكم باسرع وقت

تحياتي للجميع

[مرسال]

هلا ياراعي ملاقط

والله البعير يطرونه وانتاجه قوي واهل الحلال يعرفون عياله السبق

وانا اروحي ابغي معلومات عنه

لانه عندي ولده قعود فطيم

وبياع بعد لي يبى يشتري؟

[فالك الناموس]

أن شاء الله الاخوان بيفيدونك مابهم قصوور خوان شماا وماقصر أخويه مرسال والله يوفقة

ويوفق الجميع

ويعطيك العافية

وفالك الناموس

[راعي صدمة]

سامع انه له بكرة في ملاقط سابق حجة
عند واحد شامسي بتخبر وبرد عليك بس البعير مافيه حيلة عن كلام الناس

[~.راعي ملامه.~]

والله ماادريبه انشالله خووان شماا بيفيدوونكم ..

وتقبل مروري ..

[أصايل]

سننتظر رد الاخوان للافاده

[راعي الغزال]

تسلم ياراعي ملاقط على طرح الموضوع
بس بصراحة انا سمعت عنه شي طيب.. البعير بروحة مركض وله انتاج طيب عند العربان وبنته كسرت التيم في الوثبة تقريبا من شهر وابتاعت بقيمة طيبة بس مش متاكد من السعر بالضبط

[العطيفي]

هلا والله وغلا ياخوي

والبعير انا اعرفه وماعليه زود

ووايدين ينوخوله وهو مظلوم بيني وبينك لانه عياله الناس ما يردونهن لشاهين النيادي يردونهن على شاهين الكليلي

وانا اقولك ان بتنوخله نوخله وانته مطمن

[راعي ظبيه]

البعير انتاجه قوي ابتاع قعود فطيم 400 عند راعي البعير
وظني اناراعي البعير>> بن سهيل النيادي<<

[راعي الغزال]

البعير انتاجه قوي ابتاع قعود فطيم 400 عند راعي البعير
وظني اناراعي البعير>> بن سهيل النيادي<<

للتوضيح ياا إخواان


شااهـــــين النيــــــــــاادي يملكه >> على محمد النيادي ومكانه في العين منطقة سيح المراغ
أما شااهـــــين بن سهيـــــــــل يملكه >> بن سهيل النيادي ومكانه في العين في خطم الشكلة

[بنت عبدالغني شربت]

شااهـــــين النيــــــــــاادي يملكه >> على محمد النيادي ومكانه في العين منطقة سيح المراغ
أما شااهـــــين بن سهيـــــــــل يملكه >> بن سهيل النيادي ومكانه في العين في خطم الشكلة