§ لوحتنا التراثية §

[أصايل]

‏‎‎‎‎‎‎

السلام عليكم ورحمة الله وبركاته


هي لوحه واسعه رسامها أعضاء إعمار

ريشتها موروثهم التراثي الشعري

واحساسهم المتدفق


بروازها نبضات قلوبهم وماتحويه من خواطر عابره نسجت صوره طبقت في هذه اللوحه


أفتح هذه الصفحه في هذا القسم

قسم القي عليه اطلاله الروح
أو عصفور المشاعر الذي يغرد بخلجات النفس

فمن هذه اللوحه يحق لك وضع بصمتك بأبيات شعريه

من كتابتك الخاصه أو من ذاكرتك

فهي لوح حر يعبر عن مابداخلك


أتمنى أن تحوي أبيات تراثيه عن هجننا الأصيل كي نشكل ديواننا الخاص في { إعمار }

[أصايل]

وهذه أول رسمه من ريشتي



أحدن حضوره حاضرن في غيابه
////‏ وأحدن حضوره لو حضر كنه غياب


فمالذي ترسمه ريشتك؟

[مرسال]

فكره تستحق الاشاده

مشكوره على المجهود الطيب وموضوع يستحق التثبيت

وارسم فيه ثاني لوحه

الهين ماولى عصهرن.........وتراثنا ماله بدايل

زايد يلي علا قدرهن..........وتساعفه شيوخ وقبايل

[أصايل]

جميل مانقشه حرفك

وأول الغيث قطره

وإليكم نسج ريشتي



الله ياسرع الليالي والأيام
////‏ الوقت يجري والليالي سريعه

باقي قليل وتنطوي صفحه العام
////‏ جعل السعاده والسعد لك تبيعه


في ترقب اكتمال اللوحه

[desertstar]

<<<<<<<<<<الى كل واحد عديم الفائده>>>>>>>>>>>>


لونك بجده واخذك السيل

///////////

ماكان احسن من وجودك

[راعـــي مـــهـــمـــه]

من لابتي مرة الى جدي مشيط ......ربعي مطوعة الصعب بالصمايل

ناموس ياللي تكسبون النواميس........ياهل العلوم الغانمة والجمايل

[نواف المري]

تامر امر وسجل عندك


حسبي على الشوط الرئيسي..وطرياه@ يخلي الصاحين..مثل المجانين

لو أنها بالمال.. مبطي دفعناه @ لكنها لعبة..كبااااار وملااااايين

[نواف المري]

يامدور لسبوق ولرئيسي ## أشتر اللي توه العاسف عسفها

تشرد من الهجن ماتحب الونيسي## لو يشين ضمارها ولا علفها

[نواف المري]

يابكرتي طول ماانتي كان محشومه## بطالبك في حقوقي منك ذلحيني

وتقول لامن غدت الأشواط مزحومه## حقك علي..تسمع السفاح يطريني

[غياض]

حي مرواح الاصايل يا عبيد شوفهن للمهتوي والله حياه.
حيهن لروحن من راس مييد فا اول الكيلو تلحفهن عباه.