معوضات الرجاب

[عقيد الشحانية]

مساكم الله بخير اليوم فيه معلومه يستخدمونها الشياب لول للرجاب يعتبرونها معوضات وهي العوم واللي

مايعرف العوم هو السمك اليابس الصغير مع أني سمعت أن فيه مضمرين يستخدمونه حاليا للرجاب في وقتنا

هذا بعد المفحام لكن معا الاسف ماعرف كيف طريقته اذا فيه احد من الشباب سمع عنه ايفيدنا ولا أحد

استخدمه يعلمنا ويعطيكم العافيه

[بن شـــهـــوان]

مرحبا اخووي

في حد يستخدم العوم حق المطايا والله اول مره اسمع عنه..,...,..

ان شاء الله بروح بنشد الربع وبرد لك كيف يستخدمونه..,..,..

[مجد التراث]

جاري البحث ...................... ..

[المهندس]

ماعندي خلفيه ع الموضوع بنتخب ان شاء لله بنرد عليك

[فالك الناموس]

أول مره أسمع عن هذا الموووضوع ^,^

[الشهواني]

اول مره اسمع عن العوم..........؟

[alsogour1500]

غير معروف لدينا ......

[راعي صدمة]

شي يديد انا اللي اعرفة يعاطونة بوش الربلة

[راعي اجيال]

اول مره اسمعبه

[الشوط الأول]

السلام عليكم
أخي العزيز بالنسبه للعوم أفضل وقت له هو أيام المقيض وهو بالفعل معوض للدم ومقوي ويرفع نسبة الحديد و الكالسيوم للمطيةويعتبر منشط للكبد و مشهي للطعام ولكنه يزيد نسبة وزن المطيه فلذلك لا تعطي ايام المفاحيم و المراكيض الا قلييييل جدا

وشكرا

[راعــqtrــي منــوة]

لاهنت اخوي ع المعلومة.. سمعته عن العمو بس مايحضرني استخدامة..(ياليت واتجمل)

العووووم يمكن له فااايدة بس ((التانج))وش فايدته..>>سمعت ناس جداد في الريس يسخدمونة..>>باقي..يعطونهااا (موكا)من ستار بوكس..!!

[راعي مزنه]

الي اعرفه انه السمك يثرالكوكسيديا

[شامخ قـطـر]

مرحبا ياعقيد الشحانيه الحين تذكرت العووووووووم وانا كنت ناسي عنه

وانت ذكرتني وكنت اذكر الوالد الله يحفظه كان يستخدم وحن كنا بالأبرقة الريس القديم

وانا كنت صغير بس جزاك الله خير باكلم الوالد مع انه عمره الحين اكبير اذا بيتذكر

وان شالله اجيب لكم المعلومه قريب

تقبلووو تحياااااااااااتي

[خليفه بن منينه الغفلي]

اخواني اتركو عنكم العومه..

عليكم بي كرياتين وفيتامين سي طشه وبي ون رشه وروح مع الرقص والسموحه

[عاشق المرموم]

العومة يعطونها البقر لزيادة انتاج الحليب

[راعي الجوكر]

والله اناااا سامع بالمعلومه هاااذي . .

واعرف ريااال بعد من الشوخ بس احضري ايب حق الرجاب العومهـ هاااذي

والرجاااب يموتن عليهااا امره من يشمن الريحه يتخبلان ماادر كيف ارجابه بحرياااات

ههههههههه . .

وشكرا " ع الطرح .

[راعي الحذره]

امحق اكله عوم مالله حاد ياخوي وشلي بيصبرك على ريحته كل ليله ابرك ناموس من ورا العوم العيادات موفره جميع المعوضات الي أحسن من العوم بالف مره وأنصحك انك ماتعطي هجنك شي مثل العوم لأن هاي حيوانات تاكل الأعشاب هب حيوانات مفترسه تاكل لحوم

[خليفه بن منينه الغفلي]

صدقت عاشق المرموم اكلت البقر المفضله حق الحليب

[مضمر@طموح]

:confused:

[راعي البحار]

السلام عليكم
ياخوي الي سمعته تنعطى العومه للمطيه لي بها هساسه وتاكل التراب.

[نزال]

يقولون فاتح للشهيه ويزين شعرت المطيه وتسمن عليه
لكن هجن الريس ماتعطى ألا كان فالمقيض

[راعي مزنه]

ماانصح عن العومه انها سبب رئيسي للكوكسيديا

[عاشق المرموم]

معوضات الرجاب الفيتامينات بأنواعها +الأملاح +الأحماض الأمينية + الخلطات الخاصة+الكارنتين +فيتامين سي +b1+ابرة خااااااااااااااصة ليلة الريس =الناموس

[مضمر@طموح]

معوضات الرجاب الفيتامينات بأنواعها +الأملاح +الأحماض الأمينية + الخلطات الخاصة+الكارنتين +فيتامين سي +b1+ابرة خااااااااااااااصة ليلة الريس =الناموس

تقصد منشطات يا آآآآسي :eek:

[عاشق المرموم]

مضمر@طموح ابغيك اتميز الحنين من الرغى ,في فرق بين المعوضات المسموحة والمنشطات الممنوعة وان ضد الغش ويالله بدرهم حلال ولا مليون حرام.

[مضمر@طموح]

مضمر@طموح ابغيك اتميز الحنين من الرغى ,في فرق بين المعوضات المسموحة والمنشطات الممنوعة وان ضد الغش ويالله بدرهم حلال ولا مليون حرام.

انا من رايي كل ابرة ليلة السباق اعتبرة منشط ! ادري انت تقصد race booster حتى ولو ؟؟ السبوق على ماقيل تضهر بيدها ابرتها من طيبها . ولا التعبانه هي الي تحتاج هالابرة الي قبل الركض ويالله. وارجو ان ماتشيل بخاطرك شي تراني بستفيد منك وبفيدك وانفيد الاخوان وشكرا

[راعي البل]

العوم جديد على بس انا من اهل الانتاج مادري ينفع للحيران ولا لا

[خليفه بن منينه الغفلي]

اخويه عليك بي الجت والنظافه خل عنك العومه

[راعي القحيدي]

هلا ومرحبا بعقيد الشحانيه وين هالغيبه