تظيــــــــــر المطيه

[عابر سبيل]

السلام عليكم ورحمة الله وبركاته

انا حبيت اطرح هذا الموضوع على المتواجدين فالموقع ونبغي الجميع يشارك ويعطى خبرته والموضوع مهم جدأ بالنسبه للى عندة بوش الانتاج وعمليه التضير صعبه وترااااثيه كان الشواب يسونها وهذا الموقع الحمد لله فيه الحاضر والماضى واى شى يخص الهجن والبوش وتوقع اكثر هذا الجيل من الشباب يجهل هذى العمليه وانا اول الشباب


ونبغى الجميع يشارك والسموحه منكم:):):):):)

[راعي سراب]

التضيير الله لاهانك عملية صعبة في البداية الى ان تستوعي المطية المضير عليها الحاشي وفس كل حال لاتضير كل الحشاوين الى الحشاوين الزينة والي مافي أمهن حليب


راعي سراب

[البركي]

هذا الموضوع لو تحدثنا فية بيكون له بدايه وليس له نهايه

لانه لكل سن له تضمير خاص والسن الواحد بيكون له تضمير لان المطايا مش كلهن واحد شي يبي تعب وشي يبي راحه فالشرح بيطول في هذا الموضوع

واسمحلي على التعبير لو كنت قاسي فيه

راعي سراب


لاهنت ياراعي سرااااب بس الرجال يقوول ( تظييييير ) وليس ( تضمير )

[عابر سبيل]

السلام عليكم ورحمة الله وبركاته

مشكور على المرور يا راعي سرابه بس انا قصدى غير ونته قصدك غير:d;)

[الهجان_الكويت]

الي اعرفه انهم يحطون كيس شعير او ما يسمى باللغه البدويه خيشه او كيس يضعونه على انف المطيه لكي لا تشم رائحة الحاشي + يضعون كيس اخر على حيا المطيه ويكون نصه داخل حياها ونص الاخر خارج ويضعون الحاشي بجانب الناقه في مكان محصور او شبط صغير وهذا رايته بعيني ثم ياتي بكلب اعزكم الله ويجعلونه ينبح وينبح على الناقه والحشي ومن ثم يحركون الحاشي للختباء خلف الناقه وذا هربت الناقه يحركونها باتجاه الحاشي لمدة معينه ما يغارب 3 ايام والله اعلم ومن ثم يفتحون الشبك ((الباب)) ويخرجون الناقه + الحوار ويخلونه يمشي معها ومن ثم تتعود عليه وتتوقع انه ابنها هذا الي شفته اذا فيه شي اخر الله اعلم

[راعي لطامه]

السلام عليكم ورحمة الله وبركاته

اخوي عابر سبيل ارحب ياغالي

بالنسبه لسؤالك هناك اكثر من طريقه للتضيير وهناك نياق تتضير سرعه وهناك العكس

والقاسم المشترك بين الفئتين هو (( الخوف )) يعني اذا الناقه خافت تتضير واحست بالتعب وسبحان الله لانها تفتكر انها عملية ولاده لديها فتقوم لا اراديا سبحان الله بالطلق وهي بدون حمل بالتحرك والقوم والتبريك والانسداح


الان الطريقه كما ذكر بعضها اخوي الهجان الكويتي

ساذكر بعض النقاط المهمه في عملية التضيير

الاولى والمهمه اولا تضع الناقه المراد تضيير الحاشي عليها في ارض بطحاء يعني ناعمه وكثيفه لان الناقه سبحان الله اذا ولدة تحاول يكون ولادتها على ارض بطحاء ورمل ناعمه لتجنب الحاشي من اي عائق

ثانيا صح في حيا الناقه ومؤخرتها شوال الشعير يكون فاضي يدخل نصه في حيا الناقه والنص الاخر خارج الرحم

يحشى داخل انف الناقه وهي عمليه مهمه يؤخذ قليل من دمن الحاشي المراد تضييره ويحشى داخل انفها مع مجوعه من دمن الناقه + رقع او خرق حتى يسد المنخرين

مهم جدا جدا يغطي عين الناقه بشوال او عمامه او اي مانع لحجب الرؤيه نهائيا

تتم عملية التضيير في اخر الليل الطريقه المثلى

يتم تعقيل الناقه وتفقيرها مع راخاء الفقار

يتم الصياح عليها فجئه يتم اخافتها بالليتات او الانوار او الكشاف العادي

يتم ضربها بخفه في بطنها تكرر العمليه كل نص ساعه لمدة 3 الى 2 ساعتين

وبعد ركلها وظربها على بطنها يؤتى بالحاشي ويسحب الكيس الذي موجود داخل حيا الناقه او رحمها بسرعه وسحب الدمن والخرمقه من خشمها مع فتح اللثام او الغطاء عن عينها

ورمي الحاشي امامها والابتعاد عنها لمده تقارب الساعه

تبدا الناقه بشم الحوار والحنين عليه

وبعدها مبروك نجحت عملية التضيير

اتمنى اني وفقت في الشرح

تحياتي

[راعي الغزال]

مشكورين ياإخوان على المعلومات

[المطيري]

السلام عليكم
كل الكلام اللي قالوووه الاخوان صحيح
المقصد انك تعيش الناقه حالة مخاض وولاده
حنا بالسابق كنا نضير بنفس الطريقه اللي قال عنها اخوي الهجان
لكن اللحين بس نسكر نسم الناقه لين تدووخ ونجيب لهااا الحاشي معقل ومفقر وبعد ماتصحى من الدوخه اللي فيهااا تضيير على الحاشي
((((((((( وفيه مره الشايب الله يطول بعمره ضيير حواريين على ناقه
فيه حوار عندناا ماتت امه وعندنااا ناقه على ولاد عقلنا الناقه وخليناهاا تولد وهي باركه وبعدين اخذنااا سيااهااا وهي الماده اللي تقطهاا الناقه بعد الولااده وغطيناا بهاا الحوار اللي ميته امه وكان معقل ومفقر وبعدين قربناا الحوار للحواار اللي توه والد والناقه تسمع صووت الحيراان ولاتقدر تشووفهم وبعد ساعاات فكيناا عقالها وبعد ما وقف الحوار المولوود فكينااا عقال وفقار الثاني وقام معاه وقبلتهم اثنينهم ودرت عليهم ))))))

[قناد (قطر)]

ياجماعة طريقتكم هاذي قديمه وصعبه الحين فيه طريقه اسهل واسرع

اذا عندك حوار طيب ماتت امه او مافيها حليب تخليه لين تمخض شي من الابل قبل لايظهر حوارها تغطي راسها بخيشه وتشل الحوارين المولود والقديم وتحطهم قدامها وتشل الخيشه

سبحان الله ترام الحوارين معا بعض

طريقه سهله وماتاخذ 5 دقايق عكس الطريقه القديمه اللي تاخذ ايام عديده

[راعي جميل]

مشكورين
يالربع على المعلومات الطيبه

[ابو فارس]

كيف اقدر اخلي الناقه ترضع حوارين تكفون ياربع