مناظرة عن المضمرين

[قطر 4 ever]

السلام عليكم ورحمة الله وبركاته

لاحظت الأعضاء في المنتدى نكرانهم أو تهميشهم حق المضمريين في قطر ونكرانهم الهجن القطرية صاحبة الكؤوس والدلال والخناجر والسيوف والإستهتار في المناقشة وتركيز الترشيح من جانب واحد فقط وهو إما هجن العاصفة وإما هجن الرئاسة والنعم من هذي الهجن ما إختلفنا بس فيه نقطتين يدور حولهم النقاش

1- كم مضمر إماراتي يضمر هجن شيوخنا في قطر وكم مضمر قطري يضمر هجن الشيوخ في دولة الإمارات؟

ما أسرع ما نسيتوا بن قريع وبن شريم وبن حصين وبن نايفه وبن شينان وراشد الزقيبا أزيد ولا ما يحتاج!

2- لو المضمريين العمانيين يغيبون عن العزب الإماراتية.وين بتكون الهجن الإماراتية بدون حساسية أكيد في تناقص؟

الوعد قدام في دبي برزان وأسياد وشي مخفي في اللقايا بنتركه هديه للمتفرجين

[فالك الناموس]

محد أنكر وجود مضمرين قطرين وكلهم ونعم فيهم وبن قريع هو بي حد ذاته علم من أعلام قطر التي لن تتكر في رايي وربي يرحمه وهل العمالقة خلهم ع صوب

ولكن أخي هجن حمدان بن محمد لاا اتقاس بي أي هجن في الوقت الحالي لا نتكلم ع شي قد مر ولكن نتحدث في وقتنا هذا

وأي الهجن التي تحدث ضجيج في ميادين الدولة وخارجها هي بالفعل هجن حمدان بن محمد (( فزاع ))(( ملك الناموس ))

أخي حبيت أخبرك بشي يمكن لا تعلمه ويمكن أنك تعلم بة


أنة شيوخ قطر كانو حاطين مضمرين لهم وهل المضمرين يودعون ناس إماراتيين لي هجن شيوخ قطر ليش ؟؟ وماء أسبب

وأعلم أنه كثر من هل قطري يودعون ناس من الإمارات

هذا أشي أن دل يدل ع قوة الهجن الإماراتية ومعرفة المضمر بي أشي للي يسرها ويخليها في تقدم بعد الفضل من الله

ومحد أنكر أنه قطر لها أن جازات في السنوات السابقة وأن جازات لان تنسى أخي العزيز ولكن نتحدث في وقتنا الحالي

وربي يوفق شيوخكم ومضمرين كم دائمن ودومن وأحلى شي التنافس بدون أن نكر أي شخص له بصمته في عالم الهجن عزيزي

وع قولتك الوعد قدام وتسلم ع الموضوع الطيب والسموحة أذا قلت شي ما عيبك

وفالك الناموس

[عقيد الشحانية]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

الله يعطيكم العافية ياالربع وصراحه موضوع طيب ومشكورين عليه:

أما بالنسبه للمشاركة نرجو من الاعضاء عدم وجود الحساسية بين الطرفين لان المركاض مشاركة وناموس لكل مشارك سواء سبق ولاماحصل رقم .

وحن اهل وربع ولابد من وجود الزماط مااختلافنا حتى يكون للركض طعم وترى الناموس اعتبره واحد

والله يطول عمار شيوخنا الداعمين للركض وماقصروا سواء في الامارات ولا قطر

[الجــافـي]

بسم الله الرحمن الرحيم
وعليكم السلام ورحمة الله وبركاته
كيف الحال انشاء الله انكم بخير وبنعمه...

الصراحه الموضوع مافيه حيله وحلو للنقاش...

اولا: وانعم فيك وفي مضمرين قطر ولا يستهان بهم وبكل شيوخ قطر والله يحفظهم فيه سوال محد في قطر مشغل عماني ؟؟؟ واذا ماعندك علم اسنه يوم اشهواني استلم العزبه واركاب من عند بن اعقيل كان يبا يشغل عماني بس العماني ماطاع وطرش له عرب من الامارت عشان يكلمونه....

ثانيا: انته قلت ان مضمرين الامارات لوما العمانيه الله يعلمبهم صح ان بعض من الامارتين حاطين مضمريه من عمان والاكثريه مب حاطين اعمانيه ولهم انجازات في الامارات وفي قطر وفي الكويت وفي عمان والكل يعرفهم واضني انهم مايخفونك....

ثالثا: اقولك لاتنسى اسبق الي لهن دور في اسبق والناموس وهن الي يشهرن هلهن مثل ماقل الشاعر (هنه المضمر يعدلنه يستوي شاطر وعرافي ) واذا ماعندك سبوق ما بتسوي شغله لو بتمطي وبتتعب حتى لوبتدخل فيها من داخل والله ماتسوي شغله الا اسبوق....

وهذه ردي على الموضوع السموحه منك ومن الاعضاء
واسمحلي اذا شي زعلك او زعلكم واحيد كلام الحق ما يزعل.....

[البركي]

الله يوفق الجميع وكلنا اخوااان وربع

[راعي الغزال]

اللهم لك الحمد والمنة...
يااإخوان من بعد الله لو مابدعم شيوخنا وتنافسهم الشريف على هذي الرياضة , ماكنت بتسمع عن هالمشترى الخيالي وماكنت بتحصل منتدى طيب مثل هالمنتدى تفضفض فيه وتستفيد من اخوانك... لكن فيه فرق بين طرح وطرح.. نحن والحمدلله مسلمين
وإخوان ومافيه داعي نطرح مواضيع تسبب الفرقة والخلاف ,, لأنا والحمدلله تركنا الجاهلية بفضل هالدين الحنيف, ولو أنك طرحت الموضوع بعنوان
>> من منكم يقدر يذكرلي اسماء وإنجازات المضمرين القطريين , كنت بتحصل تجاوب ايجابي كبير من الجميع بدون استثناء<<

فأرجو من الإخوان يكون طرحهم ايجابي بدون تعصب وتحيز ..

واسمحلي أخوي واتمنالك وللجميع التوفيق إن شاء الله

[الشهواني]

السلام عليكم ورحمة الله وبركاته


موضوع شيق للغاية:)

مرحبـــــآ الجميـــع ..

قبل آن آدخل الموضوع .. آولا آود آن آصحح معلومت آخي ((الجافي)) آن

الشهواني لم يطلب عماني ..

وهذ ليس تقصير بحقهم ((تصحيح معلومة)):cool:


ثانيآ هناك مضمرين من الدرجة الاولى سوى في قطر آو الامارت وغيرها ..

لآريد آذكر آسامي مضمرين لكثرتهم وتميزهم ..

لكن السبوووووق تلعب دور كبير في تميييز المضمرين .

الفرق بين المضمرين:

مضمر يستطيع آن يضمر 20 مطية .

ومضمر يستطيع آن يضمر 80 مطية آو آكثر ويكون مستوى الهجن ممتاااز في (جميع المراكيض)

يعنــــــي هناك مضمر قائد فصيل ..... وهناك مضمر قائد فيلق .....

ثالثآ هجن العاصفــــة من آقوى الهجن الموجودة.. وبدون مجاملة .

آنا وآعوذبالله من كلمه آنا ، لا آعرف المجاملة في مجال الهجن .

[الشروجي]

موضوع صراحه شايك خوفي من المهاترات الله يستر

[الجــافـي]

السلام عليكم ورحمة الله وبركاته

أخوي (الشهواني)

انا سمعت الكلام من عماني والله أعلم الكلاما كان بعد عيد الفطر وانا قلت هذه الكلام مب قصور في ناصر بن مسفر الشهواني لا والله الوحد اذا عنده 200
لقيه 100 يذعه 300 حقه شوه بيسوي بهن وغير الكبار مثل الثنايا والحول هي الرقام من الركاب يتحصلن في عزب الشيوخ من مثل عزبت الشهواني
وفي هالحاله اذا كان واحد الي يديرهن بيضيع ولابيوصل كل مطيه مستواها ولزم انا يكون هناك مضمرين غير المضمر الاساسي ويتسمون مسنعين اي تحت ترتيب المضمر الاساسي ولا ممطي الي يتعبل في المطايا من تضميره هوه....

وانا واحد اشهد بانجازات الشهواني وبتضميره الصراحه مافيه حيله بس السنه الله يعلم ويش بيسوي هوه بينجز ولا بينافس ونتريا الريسيات ....

تحياتي للكل وشكرا

[سلهود]

مشكور على التنظير

[الهجان_الكويت]

لاحد هضم حق احد وفعلا قطر ضهر منها العديد والعديد من المضمرين الي يحسبون الشيوخ الف حساب لهم ولاكن لكن زمان مكان والتوفيق لجميع المضمرين من جميع دول الخليج والسبوق هي الي ترفع من التصويت للمضمر

[ابن محال]

كلهم فيهم الخير

[بوسالم]

السلام عليكم ورحمة الله

الصراحه موضوع طيب

بس اللي يكدر خاطري هالتفريق اللي حاصل
فالاخير نحن أصحاب هجن وجمهور هجن ومحبين لهالرياضه بغض النظر انا من الامارات من قطر من السعوديه

والشخص اللي يعطي رايه او ترشيحه لاي هجن فهذا ما يقلل من خطورت الباجين

والنعم بالمضمرين كلهم

والله يوفق الجميع

والسموحه

[ابو سعود الفهادي]

موضوع رائع .. المضمرين لا ينكرهم احد سواء كانو من قطر او غيرهم ...

لاكن المضمر يبي سيوله ... في شراء السبوق .. قطر تراجعت لكن حمداان لايقارن باحد جميع سبوق راحت لعزبته

اما التوعد عن اسياد و برزاان

لاتنسى .. اعمار . صدمه ... سيف العرب ... عمووووه .. فريده ..

[راعي الهاوي]

تسلموووووووون

[راعي اليروه]

موعدنا في ختامي المرموم

وأتمنى تكون متواجد في المنتدى

طيلة أيام الختامي وماتختفي

بذكرك بشي يومها

[الدرمكي]

السبوق تريح اعصابك

تشتهر ويذيع طاريها

[آر بي جي]

ياجماعة الخير لا تستعجلون ان غدا لناظره قريب

[مجد التراث]

السلام عليكم ورحمة الله وبركاته


اما بعد .........

حبيت اكون واقعي في كل المجالات

لاتنسو ان هجن العاصفه وهجن الرئاسه يشكلن فور دولة الامارات العربيه المتحده

وكل منى ينتمي إلى دولته

صحيح المضمرين ما بهم قصور

والعمانيه مابهم قصور

لاكن لا لا لا لا لا لا لا لا لا لا (( اسبوق والمضمر ))

لا تحط في بالك ان العماني او الامارات او القطري او السعودي

بدون السبوق ماشي ناموس


هذا وجودي

[الطارف]

الله يوفق الجميع وكلنا اخوااان وربع

[ولد الخليف]

الله يوفق الجميع وكلنا اخوااان وربع

[أبدوي العين]

افا عليك اخوي هل القطر فوق الراس والعين ومحد نكر

[عايد مطلق الشمري]

صعب مقارعة العاصفه ياجماعة الخير صدقوني

[**الكتبي**]

مشكور على التنظير
مشكور على التنظير

[عامري رقيص]

اخوي

انت تطرقت لموضوع غايه في الاهميه ونحن ما نستهين بالمظمرين والهجن القطريه...



بس الهجن الاصيله ما تبغي مطي ولا عماني ولا قطري ولا اين كان على شان تظهر


وبعدين العمانين والا غيرهم الله كاتب لهم عندنا رزق


ولا في داعي للكلام اللي يجرح احد ....


اتمنى منك انك تتأنا شوي في طرحاتك...

واتمنى انك ما تاخذ الكلام اللي مفهوم غلط......

[البدو]

يسلموووووووو

[راعي حمران]

سوالف عرب على جال ظوهم

[طراد بن غنيم]

الله يوفق الجميـــع

[الواثق]

الاخ العزيز سلهوود : احب ان اوجه اليك سؤالين : المعلق سعد العتيبي وصفتهوو بأنهو مسرع في التعليق وانهوو اهد المعلقين .. 2_ ماذا تقصد في المتكلف للمعلق : نايف البلوي

[نص عقل]

تسلموووووووووووووووو

[المتعب]

موضوع جميل جدا وأتنمنى التوفيق للجميع ولكل مجتهد نصيب

[شاهين 10]

كلنا اخوان و ربع

[عاشق اعمار]

موضوع شيق للغايه ...

انا من ناحيته اشوف ان الهجن الاماراتيه و بالخص هجن العاصفه هي الأقوى ...


وما ننكر فوز الشهواني وفوز الهجن القطريه لاكن الهجن القطريه نزل مستواها ...


ويوم اخذ الشهواني الكؤوس كان حمدان بعده ما دخل مجال الهجن ويوم دخل نزل مستوى الهجن القطريه ...


اخوي اولا اهم شي توجد السبوق
ثانيا المضمر ...


اخوي احنا في الامارات عندنا مراكيض و شارات وتسعيره حول السنه كامل وكل اهل الهجن من الامارات وخارج الامارات يتواجدون ويركضون في هالمراكيض وما نمنع حد وعندنا مختبرات عيادات وادويه اكثر من اللي عندكم في قطر ....



اخوي الغالي لا تنسى الحول في الامارات 10 مرشحات للسيف :-

1- اعمار
2- صدمه
3- ثمينه
4- الظبي
5- خطيره
6- نهب
7-نيران
8-اوزان
9-اهتمام
10- حايل سمو الشيخ احمد بن محمد ال مكتوم ما يحتاج اكتب اسمها لانك اكيد تعرفها رصيدها سيفين ...


اما عن الزمول :-

1- قوديلفين
2- عرمرم
3- ميــــــــــــــــــــــــــــــــــــــــــــــــ ــــــــــــــــــــــــــــــــاس
4- الأسد
5- النايف ...

[راعي جميل]

كل شي بيد الله سبحانه وتعالى والله يوفق المظمرين

[راعي الهجن الصاعقه]

والنعم اخويه بهل قطر وركابهم

بس هل الامارات يوم غزو قطر تعرف انته شوه سووا وين بندق خذيتوا غير وحده بس اظني

اقول برزان دعموه الحطب اظني انته شفته بالفارس

انتم يتكم عزبه رقم ثنين بس

لو يت العزبه الرئيسيه مالت حمدان شوط والله ماتاخذون تعرف

هل الامارات هم هل السبق والله اصلا هم الي يظمرون الركابهم حد منهم

والقايا تحلم تسبقون فيه هجن العاصفه تهب في الكاسات اصلا تعرف

كل الكاسات والبنادق والسيوف والخناجر بتمن في عزبه الشيخ حمدان بس

اشعار الاسود معروف يوم تشد الحلقه على الابطان

واتمنى تقبل مرور اخوك راعي الهجن الصاعقه

[الكتبي]

ونعم بكل من يحب ويجشع هذه الرياضه من حكام او عوب الخليج سواء عندنا اوفي قطر او في باقي دول الخليج
اما بالنسبة للسبق فهو توفيق من الله وجهد وخبره من المضمر وسلالة طيبه في السبوق
وعلى قولة الشاعر القطري (بن فطيس المري ) والسابقه فالشوط تظهر بيدها

[راعي الفتك]

ليش كل هالحساسيه ... ومشكور على طرح الموضوع

[العازف]

إن غداً لـناظره لـ قريب

[هادي المنصوري]

بسم الله الرحمن الرحيم
وعليكم السلام ورحمة الله وبركاته
كيف الحال انشاء الله انكم بخير وبنعمه...

الصراحه الموضوع مافيه حيله وحلو للنقاش

[الخاطري]

الوعد جدام

[بن غليطة الغفلي]

مابغى شي اقوله كفيتوا ووفيتوا

[فيلسوف الميادين]

اي جنه واحد غلط على العماني وقال انه الله كاتبله رزق عندي
العماني مايكم يطلب من عندكم رزق الرزق من عنده الله
وهل قطر ما فيهم حيله ابد ولا تنسون شوووده ومنصورة والكثيييير من السبق
وصدك راعي الموضوع انه لولا العماني العزب الاماراتيه راحت
انتوو الحين روحو حمدوو ربكم انه العماني رافعنكم
وهل قطر اروحهم يضمرون ما يحتاي مضمر عماني
والهجن عمانيه اللي عندكم يا الاماراتي
واني لو اسير العزب الاماراتيه لازم احصل مضمر عماني
وتبوووون الصراحه اني اعز هل قطر راعيه البنادق والدلل والكؤؤؤس والسيووف والشدايد والسياارات والخناجر
وسلمتو

[راعي الكايدة]

التوفيق من الله ومن ثم السبووق ومن ثم المضمر ..

يا أخوان لاتردون على المضمر المضمر اللي بيده يسويه والباقي على الله ..