وسم العزل والسبوج

[الشروجي]

تحيه الى جميع اعضاء المنتدى وبعد ياجماعه مادري شوسبب رفض اهل الامارات شراء السبوج من عمان ايذا كان عليها وسيمة عزل مع العلم بانهم يشترو سبج من دول الخليج الاخرى وعليهن عزل الوسيمه انا شخصيا اشتريت فطامين من دوله خليجيه وعليهن عزل هل اصرار الاخوان الخليجيين عزل هجنهم عن هجن الاخرين وهل الاخوان في عمان لايهتمو بهذي انقطه الهامه ام تقيدهم بشرط الشاري وخوفهم من عدم الشراء نظرا للحاجتهم الملحه للبيع وتضحيه بسمعة هجنهم وتصبح مالها طاري ولا علم وسهل تحويلها الى اي مصدر تحياتي ودمتم بصحه وعافيه===

[نزال]

السلام عليكم ورحمة الله وبركاته

ليش عطني السبب ايش مشكلة العزل

[راعي هقوه]

اولن العزل ماله داعي في الهجن وبعد السبوق بيعرفون الناس من وين طالعه لاتخاف اما الرديه احسن لك ماعليه عزل لن مافيه فود وتحياتي هاذي وجهت نضري والسموحه ان كان اخطيت

[راعي حمران]

انا اشوف ان الوسم مهم

[راعي ليوا]

العزل مهم جدا للسبوق وغير السبوق
بعض العرب يشتري ويوم تسبق المطية عنده قال انتاج لا و مايقول لصاحبها السابق انها سبقت على شان مايرفع القيمه لانه راح يشتري ختها
وبعض العرب يشتري للانتاج ويوم ينتجن عنده قال انتاج هيه واماها
طبعا كل هذا على حساب المالك السابق ليش الناس تسأل عن بوشك تلاد يافلا على شان ايعرفون اصلهن...
انا من رايي ان العزل مهم ينعرف اصل الحلال لو كان ماكان

والسموحة يالربع

[الوادين]

العزل مهم اذكر في سباق اليل بكره بيعه واحد من جماعتنى ابوها ولد الحنيش بكره سابقه كم مره يعني معروفه بيعتها قبل ركضها في السباق اليلي بحوالي شهر يوم اسبقت وسوو مقابله قال انتاجي وبنت شاهين شو ذنب المسكين الي منتجها او المسكين صاحب اابعيرلذالك ارى ان العزل مهم جدااااااااا

[&& ابــن مــشــيــط &&]

العزل لحفظ المطيه لا ظاعت مكان

[بنت_الشيوخ]

والله العزل شي مهم مثل ماقال اخوي ابن مشيط

كل ويعرف بالعزل اللي يحطه لاضاعت ولا انسرقت

والسموحه

[نهب]

الوسم حق لوضاعت النقه نعرفا

[خليفه بن منينه الغفلي]

السلام عليكم أخواني...
حبيت اشارك معاكم بخصوص العزل
لانه معروف بين القبايل ويميز بين قبيله وقبيله
ويعرف المطيه براعيها ويحافظ عليها من الضياع ...
والعزل مايعيب مطية الركض..
وتحياتي الكم..

[هشام]

الوسم مهم حتى بتثبيت الحلال
الوسم اخير من راعيه

[الهجان_الكويت]

العزل مهم اذكر في سباق اليل بكره بيعه واحد من جماعتنى ابوها ولد الحنيش بكره سابقه كم مره يعني معروفه بيعتها قبل ركضها في السباق اليلي بحوالي شهر يوم اسبقت وسوو مقابله قال انتاجي وبنت شاهين شو ذنب المسكين الي منتجها او المسكين صاحب اابعيرلذالك ارى ان العزل مهم جدااااااااا
هذا حرام ومايجوز المفروض اتصل عللى قناة دبي ريسينق واقول ان اعرف البكرة وهي بنت فلان وامها فلانه وارجو من لجنة التشبيه والتثبيت ان تقوم بحفظ حقوق البكرة من الاب والام لكي لا يستقل الشاري الفرصه ويقوم ببيع ناقته المكنسله او بيعرة ويدعي انها من سلالة البكرة والنوعيه هذي لا تخجل منها ::: للعلم مصيح صاحب البنادق معروف من وين مشتراه وهو من الكويت وابوة بعير بن حربي الهاجري وتم لقاء مع احد الاشخاص وذكر انه لى بعير معروف في دوله الامارات وهذا مايجوز وتم الاتصال على القناة لتعديل النسب

[الـــــــــــعبداني]

صـــراحه الي اشوفه العــزل مهم جــدا وله عدت اســباب مثل ,,,,,,

1- اذا ضـــاعت المطيه تعرفهاا بعــزلها
2- اذا ســبقت المطيه تعــــرف من هي من مربطه