سلالة شاهين

[الخاطري]

السلام عليكم ورحمة الله وبركاته

بغيت اتكلم عن شاهين الشيبه
هو من سلالة المسك وامه بنت ذيبان
وسمي شاهين على صاحبه لانه البعض يحسبون شاهين سلاله بوحدها
ولا زال صاحبه شاهين الى اليوم يسميه المسك
لانه أحد بعد ينسبه الى ضبيان وهذا غير صحيح.

و السموحه

[العازف]

مرحبااا الساااااع يا الخاطري

يعطيك العافيه وشكراً على المعلومات القيمه

وأتمنى منك تزودنا بمعلومات عن باقي الزمول

[راعي جواهر]

تسلم على هذا الموضوع

وصحيح كلامك شاهين يسمى المسك وكان راعي المسك اسمه شاهين الخاطري وابوو المسك اسمه المسك عند حياة الشيخ أحمد بن راشد المعلا الله يرحمه

ولما باعه سموووه شاهين على اسم الريال

وشاهين ما يرجع لسلالة ضبيان. ان شاء الله لي عوده في هذا
الموضوع وبوافيكم عن عن ابووو المسك ويش يرجع لاني مش متأكد الحين من اي سلالة يرجع

[المهندس]

تشكر على الملعومه

[زبون الحرد]

المسك من سلالة مصيحان بعير الشيخ أحمد بن راشد المعلا

ومصيحان أبوه ألاصيفر بعير الدروع

[راعي صدمة]

صحيح كلامك يا شغموم 100% المسك من مصيحان المعلا و خت المسك الشيبة موجودة لين اول الصفري السنة وراحت الفويطر اول الموسم وكانت مكملة 36 سنة عند الشوخ بس عيالة موجود وتعتبر يدة العزره
وسواااااااالم:)

[أم ذياب]

تسلم الشيخ عالمعلومه الطيبه،،

ولاتحرمنا من هاي المعلومات الغاويه،،
أم ذياب،،

[فزّاعيّة ميّة الميّة]

ما شاء الله عليكم .. ما قصَّرتوا في سَرد المعلومات، و جيّد البحث عن أصول السلالات المشهورة.

الله يعطيكم العافية جميعاً .. و نترقب المزيد من المعلومات القيّمة.

[مضمر جامعي]

مشكور يا الخاطري على المعلومات القيمه

لو كل واحد منا نزل موضوع عن أحد الزمول

وكل عضو قال المعلومه اللي يعرفها عن البعير

بتعم الفايده ويستفيدون الأعضاء