جدول سباقات الهجن بميدان الملك فهد

[نادر العبدالله]

بسم الله الرحمن الرحيم
بيكون هناك ثلاث تأهيليات ويؤخذ الاول من كل شوط للتأهل لشوط السياره.....التأهيل الاول يوم 24\9\2009 حقايق و يوم 25\9\2009 اللقايا و يوم 30\9\2009 جذاع ويوم 1\10\2009 ثنايا ويوم 2\10\2009 حيل و زمول....التأهيل الثاني يوم8 \10\2009 حقايق ويوم 9\10\2009 اللقايا ويوم 14\10\2009 جذاع ويوم 15\10\2009 ثنايا ويوم 16\10\2009حيل و زمول ....التأهيل الثالث 22\10\2009 حقايق ويوم 23\10\2009 اللقايا ويوم 28\10\2009 جذاع ويوم 29\10\2009 ثنايا ويوم 30\10\2009 حيل و زمول.....النهائيات يوم 17\11\2009 حقايق ويوم 18\11\2009 اللقايا ويوم 19\11\2009 الجذاع ويوم 20\11\2009 ثنايا و حيل و زمول...


راعي لطامه
الف الف شكر اخوي نادر العبدالله ويعطيك العافيه على الخبر

ياسفير النعيريه وبعد اذنك ياغالي تم تصميم جدول خاص بهذه المسابقه

فكل الشكر موصول لك اخوي

width=591 height=393

-

width=591 height=393

-

width=591 height=393

[هجن العرفاء]

الله يعطيك العافية...

[راعي سراب]

الله يعطيك العافية على الجدهد المبذول منك يانادر العبدالله
ويعل فالك الناموس

[العازف]

أشكرك أخوي نادر العبدالله

على هذا الجدول الله يعطيك العافية ولا تحرمنا من جديدك

اخوك العازف

[هشام]

بيض الله وجهك يا نادر العبدالله

[راعي سلمان]

يعطيك العافيه ياغالي..

اتوقع أن هذا البرنامج مخصص لشاره بعينها أولأهل النعيريه فقط....

أما ان كان غير ذلك اعتبرها بدايه غير موفقه من اللجنه المسئوله عنه.

والله اعلم

[ابو جابر]

ياليت يالطيب تخبرنا في كل تاهيل كم شوط للحقايق واللقايا والجذاع والثنايا والحيل والزمول علشان نعرف ومشكور

[نادر العبدالله]

حسب ماذكر لي مدير الميدان ان السباق مفتوح لجميع دول الخليج و لكل سن في كل تأهيل 10 اشواط بكار و 10 اشواط قعدان و يتأهل الاول من كل شوط لنهائي السياره و بيكون هناك 10 اشواط اخرى نقديه مفتوحه في كل سن في النهائي غير شوطين السيارات بكار و قعدان....وهذا السباق هو السباق الرسمي الاول للميدان و بيكون فيه سباقات رسميه اكبر بيعلن عنها في الوقت المناسب لان الميدان لم يكتمل 100%

[راعي سلمان]

يعطيك العافيه..

لو هذا الإعلان عنوانه جدول تأهيل لنهائي شارة(..كذا..)أو(فلان) لعشر سيارات نوع($ كذا$)في ميدان الملك فهد بالنعيريه....كان أوضح وأفضل....

فمانراه في ميدان الملك فهد وللميدان كل ماهو كبيربكبر طموحنا فيه وفي بدايته وافتتاحه

أسأل الله التوفيق للقائمين عليه

تحيتي للجميع

[نادر العبدالله]

تمون ياراعي لطامه وعزالله ماقصرت بس ياليت تضيف الاشواط النهائيه...........اخوي راعي سلمان هذي المعلومات سريعه و مبدئيه اخذتها من مدير الميدان وبالنسبه لاسم السباق الامر عند الامير تركي و بيصدر خلال ايام و هذا السباق ماهو السباق الكبير هذا من ضمن السباقات اللي بتكون مستمره في الميدان.....وشكرا على مداخلة الجميع

[ملازم]

عز الله ماقصرت

[الشروجي]

شكرا جزيلا على المعلومات اطيبه صراحه الاخوان في المملكه يسابقون الزمن للحاق بركب المنافسه وامانتا بوادر انجاح تلوح في الافق القريب وليس البعيد نظرا لا هتمام الامراء بهذه الرياضه وتوسيع قاعدة المشاركه يخدم هذا الموروث العربي الهام اتمنى من كل قلبي ان يكون اتوفيق حليفكم لكم خالص شكري وتقديري == اخوكم الشروجي

[أعشقك يا إعمار]

مشكوووور يا نادر العبدالله على هالآخبار الزينة

والشكر موصول لراعي لطامه
على التصميم

[ابو حمد]

مشكور اخوي نادر على المعلومات
اخوك/ابو حمد

[نادر العبدالله]

العفو وهذا واجبنا نقل الاخبار الزينه

[ملازم]

سلام يالنعيرية سلام

[راعي الواصله]

بيض الله وجهك ياكحيلان على العلوم اللي تسر الخاطر
سلاااااااااااااااام يالميدان الملكي سلااااااااااااااااااااااااااااااام

[ملازم]

عزالله انك سميته الميدان الملكي

[راعي الشوط]

مبروووووك على الجميع افتتاح هذا الميدان بمهرجان كبير يضم كل دول الخليج والناموس مقدما لراعي السبوق .

والله لا يهينك يا نادر العبدالله على هذا المجهود ..................

[راعي الفايزهــ]

الله يعطيك العافية وتسلم ع الجدول

[الحدث]

شكرا على الجهود المبذوله يا نادر العبدلله

[المطيري]

اخوي نادر العبد الله بغيت اسألك :

1-التأهيل اللي انت ذكرته هو للمهرجان الرئيسي ؟
2-هل التأهيل فقط فالنعيريه؟3-هل البرنامج اللي انت ذكرتمعتمد او انه برنامج اولي؟
شــــــــــــــــــــــــاكرلك وتقبل مـــروري................

[نادر العبدالله]

اخوي المطيري 1 التأهيل هو للسباق الافتتاحي الاول..2 نعم التأهيل فقط في ميدان الملك فهد..3 هذا البرنامج الاولي ولكن التواريخ مؤكده مع اضافة اشواط للشيوخ بيعلن عنها قريبا ..

[المضمر الواثق]

مشكوووووووووور يانادر العبد الله

على الجهد المبذوووووووووووول

لاهنت ولاهان

راعي لطامه

[نجم ملاقط]

النادر عبدالله مشكور ياخوي وماقصرت بس ياليت توفر المزيد من المعلومات عن (العزب ،الطعام الارضية الميدان والعزب المتوفرة )مسافات الركاض من أجل كل واحد يعد العده ويعمل حسابه من هذا الوقت

[نادر العبدالله]

اخوي نجم ملاقط العزب موجوده لاهل الهجن فقط و الطعام متوفر والارضيه ممتازه....المسافات بالنسبه للتأهيل 3 كم للحقايق 4كم للقايا 5كم للجذاع 6كم للثنايا و الحيل والزمول اما بالنسبه للختام 4 كم للحقايق 5كم للقايا 6كم للجذاع 8كم للثنايا والحيل والزمول..

[&& ابــن مــشــيــط &&]

مشكور على المجهود وماقصرت

[المطيري]

اخوي نادر العبدالله مشكور على جهودك الطيبه بغيت اسألك
متى راح يكون السباق الختامي (الرئيسي اللي راح يكون فيه التنافس على كاس الملك فهد )؟؟
هل راح يكون قبل ختامي الكويت ؟؟

[راعي الجوكر]

مشكوووور وتسلم يمناكــ . .

[نادر العبدالله]

اخوي نادر العبدالله مشكور على جهودك الطيبه بغيت اسألك
متى راح يكون السباق الختامي (الرئيسي اللي راح يكون فيه التنافس على كاس الملك فهد )؟؟
هل راح يكون قبل ختامي الكويت ؟؟

اخوي الغالي ماعندي خبر ولكن اللي فهمته من مدير الميدان ان الامير تركي وجه المقاولين على سرعة انجاز اعمال السفلته و المنصه الملكيه و باقي خدمات الميدان و اذا انتهت بالكامل بيحدد السباق الرئيسي مع التنسيق مع الاخوه في دول الخليج لعدم التعارض مع تواريخ السباقات الاخرى...ومثل مانت عارف بيحضر شخصيات مهمه جدا فلابد يكون هناك اماكن جاهزه لاستقبالهم .

[نادر العبدالله]

مشكوووور وتسلم يمناكــ . .

واجب علينا نقل كل مايهمكم

[المطيري]

مــــــــــشكور نادر العبدالله ماقصرت

[نادر العبدالله]

احب اضيف التعديل الذي امر به الامير تركي....اعتماد عشرين شوط لكل سن 10 بكار و 10 قعدان في كل تأهيل و تخصيص الخمسة اشواط الاولى للتأهيل و يتأهل الثلاثه الاوائل من كل شوط لشوط السياره في الختام و الخمسة اشواط الاخرى بدون تأهيل للاشخاص الراغبين بتجهيز مطاياهم.....و معناها ان يتأهل 15 بكره و 15 قعود من كل تأهيل....والدعوه عامه للجميع.....ويا مرحبابكم في ميدان الملك فهد.

[صاحب مهاجم]

الله يعطيك العافيه يا سفير النعيريه
وشكرا على جهودك المبذول

[المطيري]

اخوي نادر العبدالله هل في اشواط للسودانيات ؟؟؟؟؟؟

[نادر العبدالله]

اخوي نادر العبدالله هل في اشواط للسودانيات ؟؟؟؟؟؟

اخوي المطيري مافيه اشواط سودانيات واتوقع اذا قدم طلب من عدد كبير مايقصرون اللجنه .

[الصاعد]

مشكور اخوي علا هذي المعلومه بس يليت اتخبرنا متا بيكون اسباق الختامي وكم سياره

[نادر العبدالله]

مشكور اخوي علا هذي المعلومه بس يليت اتخبرنا متا بيكون اسباق الختامي وكم سياره

يبدا التأهيل في 24\9\2009 و السيارات بالنسبه لأشواط الشعب 10 سيارات اما الشيوخ ماعندي علم و التفاصيل تلقاها في اول صفحه..و حاضرين لكم في كل وقت.

[المطيري]

اخوي نادر العبدالله سمعنا سوالف عن بطاقات ذهبيه وفضيه وش السالفه ؟؟؟؟؟؟؟؟؟؟

[نادر العبدالله]

اخوي نادر العبدالله سمعنا سوالف عن بطاقات ذهبيه وفضيه وش السالفه ؟؟؟؟؟؟؟؟؟؟

السالفه ان هذا مقترح قدمه اشخاص على الامير تركي وقال ادرسوا الموضوع ولاقرر شي فيه....وعمد الامير تركي مدير الميدان على العمل على نفس النظام اللي في باقي الميادين ولكن بتنظيم اكثر على ان تكون بطاقة العضويه شامله العمال و التسهيل في المنافذ الحدوديه و تسهل البطاقه معرفة المشتركين و محاسبة المخالفين للانظمه وتقديم كل الخدمات للاعضاء......اتمنى اني وضحت المطلوب و اي استفسارات في الخدمه دايم

[المطيري]

يعطيك العافيه لكن مافهمت هل اقروها ولا لا؟؟؟

[راعي النمر]

مشكور ع الطرح
ويعطك العافيه
تقبل مرور

[راعي النمر]

مشكور والله يعطيك العافيه

[نادر العبدالله]

يعطيك العافيه لكن مافهمت هل اقروها ولا لا؟؟؟

لا ما اقروها اللي اقروه البطاقه العاديه لاستقدام العماله و اجراءات الحدود فقط..

[المطيري]

يعطيك العافيه....لكن سؤال اخير ادري مصختها لكن ماعليه تحملني؛

البطاقه هذي بكم؟؟؟؟ومنوين ناخذها؟؟

[نادر العبدالله]

يعطيك العافيه....لكن سؤال اخير ادري مصختها لكن ماعليه تحملني؛

البطاقه هذي بكم؟؟؟؟ومنوين ناخذها؟؟

تاخذها و انا اخوك من ادارة الميدان و بالنسبه لقيمة البطاقه 2500...

[نادر العبدالله]

احب اضيف قيمة البطاقه من ضمنها العمال......وهذه المعلومات من مدير الميدان واتمنى اذا ما وضحت الصوره الاتصال عليه مباشره

[المطيري]

يعطيك العافيه وماقصرت كفيت وفيت

[كاسب المجد]

بيض الله وجهك يانادر ماقصرت

[نادر العبدالله]

و وجهك ابيض

[المعلق نايف البلوي]

مشكور يانادر العبدالله ومافيك حيله ونتمنى التوفيق ونجاح ميدان الملك فهد

[نادر العبدالله]

مشكور يانادر العبدالله ومافيك حيله ونتمنى التوفيق ونجاح ميدان الملك فهد

العفو و انشالله نسمع تعليقك في ميدان الملك فهد

[المعلق نايف البلوي]

باذن الله ؛ ويشرفني ان اكون متواجد معكم وخاصه بان الميدان يحمل اسم غالي وعزيز عاى قلوبنا

[نادر العبدالله]

للرفع و التثبيت للمصلحه العامه

[محمد الشمري]

جزاك الله خير ما قصرت
كفيت ووفيت

[راعي الشوط]

استفسار متى تبدأ الأشواط عندكم الصبح والا العصر وكم الساعه بالضبط ؟؟؟؟

[الراشد90]

أشكرك أخوي نادر العبدالله

على هذا الجدول الله يعطيك العافية ولا تحرمنا من جديدك

اخوك العازف