الحوار شو إفضل هجن القبايل إي قبيله

[رأعـي لمحه]

السلام عليكم ورحمة الله وبركاته



أشحالكم ياعرب الله

اليوم عندي موضوع وياليت الكل يشارك عندنا

خلونا صرحين والواحد مايمدح الركاب قبيلته

خلون لو مره بضمير نتكلم نقول صدق

شو أفضل هجن القبايل إي قبيله ؟!

كل واحد وله وجهت نظر أنا أقول قبيلت الدروع

....يالله الباقين شو يقولون ؟

وندري كل القبايل ماعليهم قصوربس

وكل واحد يقول رايه مجرد نقاش

[الناصي]

موضوع طيب... بس النقاش إذا ما فيه أرقام و إحصائيات يكون عقيم. السبوق تشترى بالفلوس و توفر المادة هو المقياس و الدليل ناس ما يخصهم بالركض يسبقون و ياخذون سيوف و رموز. بس أن السبوق تكون محصروة عند طائفة معينة ما أعتقد لأنه هذا رزق دوار. في الماضي كان السبق بنسبة كبيرة للإمارات الشمالية و الحين بنسبة 2 %. في الختام أوجد حظ بنسبة 60% و إجتهد بنسبة 30% و كون موهوب بنسبة 10% أضمن لك شوط الكأس.

[فالك الناموس]

الـعوامر

ويعطيك العافية ع الموضوع

فالك الناموس

[راعي الجوكر]

بوش المرحوم الشيخ زايد بن سلطان ال نهيان

وشكرا ع الموضوع ..

[خطاف]

نسأل أنفسنا سؤال أعمار من هجن من ؟
الأندلس من هجن من ؟
عالية ابن خجيم من هجن من ؟
جلادة من هجن من ؟
صدمة من هجن من ؟
وهجن كثيرة من هجن المر؟
هذا لو كان القياس بالمفرد ، ياليت يكون فيه مقياس يحدد أفضل أو يكون فية تصويت
وشكراً

[خبره]

بووووووووش ... الشيخ حمدان بن راشد المكتوم


و بووش ...الشيخ عبدالله بن خليفة ال ثاني

[راعي العــاصــي]

عند قبيله انعيم كم بعير منتج وناقه منتجه عليها الشاهد واكثر مطايا امير دوله قطر من ابل قبيله انعيم اللي خذن المزاين

تحياتي

[خبره]

اعمار شراهااااا الشيخ حمداااان بن محمد ال مكتوم يوم كاان سنهاا حقه ..


من السيد عبدالهادي بن نايفه الشهواني..

وشكرا اخوي خطاااف على السوال اماا عن الاسأله الباقيه ان شاء الله الاخوان هب مقصريـــن ويااااااااك..

[راعي جميل]

قبيلة العوامر وكل القبايل ماعليهم قصور

[الساري]

ماتقدر اتحدد على قبيله اوشخص معين اغلبية القبائل عندها الحلال الطيب

[هتاش]

صعب التحديد اي القبائل افضل هجن

[الدرعي]

فتنة _ملك الفتان من عند الدروع
مهمة_اشتراها الشيخ حمدان من راس الخيمة من عند الدروع
الناصي_صاحب كاس الجعدان في بوضبي السنة (ملك بن نعمان) من عند الدروع
الشاهينية _حجة اشتراها بن نعمان من عند الدروع وسجلت افضل تيم ف ملاقط وابتاعت ب 4 مليون ونص على هجن الرئاسة
هذا قليل من كثير

[نادر العبدالله]

لاتنسون هجن السعوديه و قبايلها

[سيف العشق]

هجن الكويت لا تنسون منها مصيح والقسام وكروش والهايلة والهزاز وكثير منه

[صاحب مهاجم]

اخوي وين ؟
1/ هجن شمر
2/ هجن جهينه
3/ هجن المره
4/ هجن الهواجر
5/ هجن القرشي
وغيرها اهل الهجن السبق ومنتجه سبق

[راعي عرجان]

السلام عليكم موضوع طيب من رجال طيب
بالنسبه للهجن فكل قبيلة تملك هجن اصيلة بس هناك تفاوت بالنسبة للمميزات فيه قبيلة تتميز هجنها بالسبج وفيه قبيله هجنها تتميز بالمزاين وفيه قبيله تتميز هجنهابكثرة اللبن وفيه قبيله هجنها تجمع السبج والزين والعكس فهذا الموضوع يحتاج لشروح طويلة لكي نوفيله حقه وشكرا.

[رأعـي لمحه]

إشكر الكل على تفاعل وعلى الرد الرائع

وكل واحد له وجهت النظر وكل القبايل مافيهم قصور

بس حبينا نحط الموضوع على شان الكل يشارك ويستوي حماس في الموضوع

مايحتاي الواحد يمدح قبيلته لانه الكل عارف والكل يعرف شو الاحسن

الشيخ حمدان بن محمد يوم قالو له شو أحسن الهجن ؟! إلي شريتها شوفتها إقوى الهجن

قالهم أحسن شي العمانيات إلي هي درعية هي الفضل والقوى وهي الاحسن

يعني الشيخ هو إلي يعرف هو إلي مشتري من كل القبايل ليش مدح درعية من بين كل القبايل

أنا ماريد أكثر وقول عن البوش دروع الانه مب لازم أقول فعلهن هو إلي يثبت وجودهن

وتسلمون على المرور ماقصرتو

[كاسب المجد]

اكثر قبائل الخليج يملكوون الهجن الطيبه

[الوهيبي]

انا من وجهة نظري اشوف انه اجود سلالات البوش كانت عند قبايل هل وهيبه و هذا شي مافيه شك بدليل انه عدد من الرحالة و الكتاب الانجليز اللي زاروا منطقة الخليج في الاربعينات و الخمسينات من امثال ويلفردثيسجر الملقب ب مبارك بن لندن ذكر هالشي ف كتابه (الرمال العربية)ز
و كل القبايل مابها قصووووووور

[مضمر@طموح]

الهجن الشراريه في قديم الزمان ولها قصايد مثبته وهي القبيله الي اشتهرت بسبق (في تبوك) والوقت الحاضر هجن العاصفة واسمحولي هذي وجهت نظري وتقبلو مروري .