أفضل بعير في الأنتاج

[العازف]

السلام عليكم ورحمة الله وبركاته

تحيه طيبه لكم جميعاً

في كل موسم يطلع لنا أحد الزمول ويكون أنتاجه طيب وبعض الأخوان لديه توقع خاص به في أحد الزمول ويتوقع له أنتاج طيب في شيء منهن عياله فطمان وشيء حيران

نريد نعرف منكم بعير بعده غير مشهور في عملية الأنتاج وتتوقعون منه الأنتاج وياليت لو تزودونا بمعلومات كافيه من أي سلالة و توفير الصور إذا كانت موجوده

[الخاطري]

مشكوووور يالعازف
ولد مياس امه منصوره

[راعي نهب]

السلام عليكم ورحمة الله وبركاته
موجود بعير ولدمياس بعير مركض وماخذ ريسيات منه مداني
البعير بعير رغش بن طبازه وموجود في الجبيب
وشكرا

[العازف]

أشكركم على هذه المشاركات والتفاعل

وننتظر المزيد حتى نتعرف على الزمول الغير مشهوره

[بوناصر]

مياس الشيخ خليفه من زمول السمحه وتوهن مفاريد ويمدحهن واحد من ربعنا في العين.

[الكيبالي]

ولد مياس و امه منصوره و موجود فالسوان

وخالي الخاطري اعتقد عنده العلوم الباقيه

خخخخخخخخ

من ذكر هالبعير عرفته
خخخخخ

الكيبالي

[راعي مصيحه]

ولدمياس ما عليه كلام

[راعي صدمة]

تسلم يالعازف على الموضوع الجميل
السنة زمول وايد طلعت ومنها زمول الشوخ المتحد طيور طايرة, ولد الظبي اللي في مرغم أعتقد أنة عال العال هذى في مرغم اما في السمحة ولد مياس بعي رئيس الدولة مافيه حيلة وانتاجة طلع عند هل ملاقط, أما في الشمال بعير ولد شاهين سعود عطوه حد مالعربان من الغفلة بعير باذر بكرة سبوووق عند محمود بن حبيب , في السوان في بعير عند الحاي بعير باذر بكرة سبوق ابتاعت بمليون ونص

[مجد التراث]

مع احترامي للربع كلن يبدي رايه

شاهين الكليلي

نجد

سراب

شاهين ضحي

شاهين الشيخ ذياب بن محمد

حشيم

سلهود الشيبه

مشكور


وايد من الزمول المنتجه بس انا ايد هذيلا الزمول
السموحه

[مضمر جامعي]

مشكور يا العازف على هذا الموضوع اللي بيفيد الكثير من الأعضاء

في زمول كثيره مش مشهوره والكثير حاطين عليهن آمال منهن:

سراب وبراق بن راشود الكعبي.... سراب له فطامين السنه ما شاء الله عليهن رقيص

وظبيان محمد بالعامري.... أنتج سبق وأبتاعن 4 من بناته العام

هذا اللي يا على بالي

والسموحه..

[ابو سعود الفهادي]

مشكور يا العازف على هذا الموضوع اللي بيفيد الكثير من الأعضاء

انا ارشح بعير الفهادي اللي في دوله الكويت (النشمي) وهو نار على علم بناااته ريسياات

[راعي لطامه]

يعطيك العافيه اخوي العازف

بالنسبه عندنا بالسعوديه

اول انتاج له الحين فطامين

هو الباسل عند عامر بن سعد الرفاده المري

ومبيع عليه بكره فطيم مليون ومتين وقعود

وبئذن الله راح ازودكم سعر الفطامين اللي انباعت عليه

وماضيه كله سبق يقوم راس وينتهي راس

وهذه صورته

http://www.aljbeeb.com/up/uploads/thumbs/aljbeeb-c6ef78173c.jpg (http://www.aljbeeb.com/up/uploads/images/aljbeeb-c6ef78173c.jpg)

تحياتي

[مسربلان]

موضوع مهم جدا
شو رايكم في انتاج شاهين الضعيف بن غدير

[العازف]

شكراً لكم على المشاركات الطيبه

وأشكر شيخ العرب وراعي لطامه على المعلومات عن هذي الزمول