قعود يبول دم

[راعي ظبيان]

السلام عليكم ورحمة الله وبركاته ,الحالة الموجودة قعود سنة لجي وفي المقيظ من فترة شهر وهو يبول دم ولا عرفو الاطباء علاجة حصل على علاجات كثير من الابر والادوية خفة الحالة50% 100 ولاكن نبغي رايكم

[عاشق المرموم]

هذا الجعود اكيد عطيتوة مادة سامة وستوى عندة تكسر في الدم علاجة صعب ولاكن الاخوان اكيد عندهم خبره اكثر مني انشالله يفيدونك

[راعي لطامه]

اخوي تحليل الكلى للقعود سليم او فيه مشآكل؟؟؟

ثآني شيء اخوي بعطيك علاج وان شاءالله ان بصتصح القعود من بعده

خذ صاع شعير واطبخه بمويه وخليه يفور عليه المويه يعني خله ياخذ وقت من ساعه الى ساه ونص وهو يغلي عليه الماء

بعدها صفه من الشعير وغر فيه البعير مره صباح ومره مساء

لمدة اسبوع وراح تلاحظ ان البعير يتبول كثير وراح يروح الدم ان شاءالله

لان هالطريقه مدرره للبول وربك بيسرهآ ان شاءالله ويعافي قعودك

[ابو سعود الفهادي]

هلابك اخوي

الحاله مرت على بعير عندي .. وكان السبب من الحوض اللي يشرب منه
بض المراات يكون فيه رمل
وتعبت منها الكلى .. كانت الحاله تروح منه اذا ريحته
اما اذا دربته ترجع عليه .. ولكن تلاحق عليه مثل ماقال لك راعي لطاامه

[الهجان_الكويت]

احتمال كبير يكون مجروح والجرح هو جرح اللكلى كما ذكر اخوي رراعي للطاامه اولاا هل القعود اكله زين ؟؟+ دمن اللقعود زين؟؟ ولليس مدبب؟؟؟ اذا تعطي ذرة سودانيه اقطعها عنه + اللتمر لان اللذرة تسبب في خروج الدم مع الوزر وعليك بالوصفه الي كتبها اخوي راعي للطاامه لانه زين ومفيد للمررض اللبوللينيا

[نزال]

هاذي التهابات في المسالك البوليه نيتجها جرح في المسالك أو الكلى فوح له شعير وصفه وقطع عنه الذره البيضاء وقد تكون سبب في الجرح بسبب عدم غسول الذره تأكيد بأن الذره مغسوله شكراً لك

[سالم الجهني]

السلام عليكم ورحمة الله
بالنسبة لخروح الدم مع البول له عدة اسباب اما ان يكون هناك التهاب في الكلى وهذا خطير وإما ان يكون القعود مغبون اي محمل فوق طاقته في الجري وهذا علاجه سأذكره واما ان يكون نزيف في المسالك البوليه وهذا بسيط
إذا كانت كلى المطيه سليمه حط له قشر رمان مع العسل في طاسة ماء وشربها اياه ثلاثة ايام وراقب شرب واكل القعود هل فيه تحسن اولا
الامر الاخر وهو اطبخ لية الشاة طبخا جيداً مع نصف كيلو بصل واربع روس ثوم وقليل حبة سوداء حتى تكون مرق وبردها ثم سم الله واقلبها في حلقه

ولاتنسى ابرة الهيام والبنسلين وبينهما فترة مناسبه والله اعلم

[راعي البل]

الاكيد انه التهاب كليه وانا مع راي اخوي راعي لطامه لان التهاب الكله يبيله شي يدر البول لتزول الالتهابات مع اخذ المضاد المناسب لللاتهاب ومنها البنسلين