المساعد الشخصي الرقمي

مشاهدة النسخة كاملة : غلاء الجت في أسواق الامارات

خليفه بن منينه الغفلي
08-18-2009, 11:03 PM
السلام عليكم ورحمة الله وبركاته ...

اخواني في منتدا اعمار لاحظنا في الشهر هذا غلاء الجت بشكل ملحوظ
ولا يرجع السبب في نقص الجت في الاسواق
بل بالعكس موجود بكثره
ولاكن السبب استقلال بياعه الجت لاصحاب الهجن
خاصه في الشهر هذا وتصريف الجت الي حزم صغيره وبقيمه كبيره
وعلينا يا اخوان اصحاب الهجن....
مقاطعتهم وعدم الشراء منهم ولو ليوم واحد ..
مثل مقاطعه المنتجات الدنماركيه
ونجعل اصحاب خان يدركون ان اصحاب الهجن عندهم البديل ببرايد جت السودانيه....

واترك الرأي الكم اخواني ..
بدوي دلوع
08-18-2009, 11:18 PM
صدقت يا خليفة
ونتمنا التصويت على يوم من الايام
الشهواني
08-18-2009, 11:25 PM
اخوي خليفة خااااطري اشارك فـ الموضــوع:)
خليفه بن منينه الغفلي
08-18-2009, 11:38 PM
اخويه الشهواني الموضوع و راعي الموضوع تحت امرك
خليفه بن منينه الغفلي
08-18-2009, 11:43 PM
اخويه ابدوي دلوع...
بنتفق علي يوم واحد مافيه ركض ولامقبل ركض
الشهواني
08-18-2009, 11:53 PM
تسلــــــــــــــم يالغااااااااااااااااااالي:)

نعم كلامك صحيح 100% بالنسبة لغلا الجت

عندنا في قطر الربطة الصغيرة وااايد وقيمة الربطة 5 دراااهم

وترتفع قيمة الربطة الى 7 درااهم .. للعلم عشر الربط

ماتعشيلها مطية و حدة ...

عذر اصحاب المزارع الجو حاااار وأكثر الجت يخترب بسبب

عاااامل الجو ...يرفع قيمة سعر الجت لتعويض بعض الخسائر...

أشكرك على هذا المووووضوع الأكثر من رائـــــــــــــع ..;))
خليفه بن منينه الغفلي
08-18-2009, 11:59 PM
مشكورين اخواني علي المرور
راعي سراب
08-20-2009, 04:43 PM
السلام عليكم ورحمة الله وبركاته

مشكووور على هذا الموضوع لانة موضوع مهم

*المشكلة في رعي الرشاب هو اللي يخلي راعي الجت يتحكم في سعر الجت لأنه مضمرين الشيوخ شاف كم سيارة جتها زين وعدهن وقال خان ودي الجت هذا سيارة الى العزبة ونت واقف تبا تشتري يريال اطبك من يسمع ودي هذا الجت الى العزبة الأنة مابيدفع شي الله يطول في عمر اشيوخنا هم يدفعون هذي وحدة

الثانية سار راعي الرشاب عند راعي الجت وقالة حمل ولاقالة الجت بكم ولا رمسة بس حمل وخان يعرف هذا ابكم يبغي وحملة هو يبي ب100حملة بتسعين وقالة ارباب خلاص لرباب ماعد ولاكاسر ولاشاف شو محمل وكم حمل وأنا شفت هذا ابعيني وسمعت بإذني يوم قالة حمل حمل خان وقال خلاص ارباب ورد لرباب سجل وبينصدم آخر الشهر ويم بيقولة خان الحساب ارباب 10000درهم
الهجان_الكويت
08-20-2009, 11:47 PM
الموضوع المفروض يحال الى حماية المستهلك
راعي القحيدي
08-21-2009, 04:02 PM
الله يعين انشالله على الناس اللي ما تخاف الله
خليفه بن منينه الغفلي
08-21-2009, 10:29 PM
غلاها من فوق الغلا ماهوب من دون ...

مشكور علي المرور...