يا شباب منكم نستفيد

[الصريح]

السلام عليكم ورحمة الله

يا شباب منكم نستفيد وانا توني بادي في عالم الهجن واشريت ثنتتين بكار بنات فحل سوادني معروف وفحمتهن من مسافه كيلو و200 متر وكان تيمهن تعبان دقيقتين التفحيم كان قبل يومين هل افنشهن والا اصبر عليهن

[عاشق اعمار]

كم تفحيم لهن اذا لهن تفحيم او تفحيمين لا تستعيل اصبر ...

[الصريح]

فحمتهن مرتين يا عاشق اعمار ومشكور على التوجيه

[العازف]

السلام عليكم

من خلال معرفتي البسيطه

أتمنى منك عدم الأستعجال في فنشهن

من بعد رابع مفحام لهن تقدر تحكم عليهن لكن بشرط

1- التأكد من فحوصاتهن

2- غير برنامجهن وشوف البرنامج الأنسب لها


وأما في ما يخص التيم الثقيل أخوي حد من المضمرين من 1.200 حلاله يبن دقيقتين وفوقهن 15 تقول كأنهن مفحمنهن من 1.500 ..!!

أخوي التوقيت يتغير وعلى حسب الدوره هل هي شدد والا ريخى


وعسى ربك يحط البركه فيهن

[الصريح]

السلام عليكم

من خلال معرفتي البسيطه

أتمنى منك عدم الأستعجال في فنشهن

من بعد رابع مفحام لهن تقدر تحكم عليهن لكن بشرط

1- التأكد من فحوصاتهن

2- غير برنامجهن وشوف البرنامج الأنسب لها


وأما في ما يخص التيم الثقيل أخوي حد من المضمرين من 1.200 حلاله يبن دقيقتين وفوقهن 15 تقول كأنهن مفحمنهن من 1.500 ..!!

أخوي التوقيت يتغير وعلى حسب الدوره هل هي شدد والا ريخى


وعسى ربك يحط البركه فيهن

مشكور اخوي العازف والله يجعل في حلال الجميع البركه وباذن الله اصبر واعمل بتوجيهك وتوجيه عاشق اعمار والله يبارك فيكم

[راعي صدمة]

مثل ماقال العازف بالظبط
بس إعرف من المطية ومفحامة يعني حركة المطية في المفحام إستقبالها للعصا أما عن التيم لا تاخذ في بالك 100% لأنة متغير واصبر والله يوفك

[الصريح]

مثل ماقال العازف بالظبط
بس إعرف من المطية ومفحامة يعني حركة المطية في المفحام إستقبالها للعصا أما عن التيم لا تاخذ في بالك 100% لأنة متغير واصبر والله يوفك

باذن الله نصبر والصبر عواقبه محموده مشكور راعي صدمة ما قصرت

[هـــــواوي]

لاتستعيل على تفنيشهن مثل ماقال اخو العازف

صبر عليهن وغير برنامجهن وتأكد من فحوصاتهن

الله يبارك فيهن ويزقك منهن خير ان شاء الله

[الصريح]

لاتستعيل على تفنيشهن مثل ماقال اخو العازف

صبر عليهن وغير برنامجهن وتأكد من فحوصاتهن

الله يبارك فيهن ويزقك منهن خير ان شاء الله

مشكور يا هواوي والله يرزقك خير الجيش

[مضمر جامعي]

أخوي لا تستعيل عليهن نفس ما قالو لك الربع

يمكن يكونن رواعي طول يعني يبن مسافه كبيره

الله يبارك لك فيهن أن شاء الله

[الهجان_الكويت]

الصبر زين لا تستعجل واسمع وشوف شنو قال اخوي العازف كلامة هو الصحيح

[الخاطري]

وسع باااااااااااااااااااااااااااااااااالك ادرب طويل

[العفريت]

اقول يمكن الشحم مثقل عليهن .بس اقولك خلهن يخبن دورة خمسة كيلو الفجر وثلاثة كيلو مشي العصر . واطعمهن لقمة تمر وجت وشعير وذرة ولبن وافحصهن بعد يكون احسن قبل كل شي واسبوع تشريد واسبوع تفحيم وخلك على الشلة الين مايعتدل التيم

[المطيري]

اضم رايي للعفريت

[راعي لطامه]

عليكم السلام ورحمة الله وبركاته

اخوي الصريح بمآ انك على اسمك صريح وداخل جديد في الهجن

ابي اسئلك اقولك اخوي والله اول مره اسمع احد بيفنش او يكنسل مطيه من تفحييمتين اخوي

اصبر عليهن على اقل شيء اعطيهن 5 الى 8 تفحيمات وبعدها بتعرف فيهن رجاء ركض او هدايف ( هدايف يعني مافيها خير )

ثاني شيء اخوي هل غيرت برنامجك التدريبي كامل؟؟؟؟

لازم اخوي تغيرر التدريب اذا مبردلهن او مخفف عليه نالتدريب شد عليهن وشوف يتحسن توقيتهن او لاء

هل غيرت طريقة التعليف اخوي؟؟؟

غير طريقة التعليف وجرب التفحيم وشوف فيه تقدم او تحسن ؟

ثالث شيء والاهم الهجن يبلهآ طولت بآل اخوي لاتستعجل

بالطريقه هذه راح تشتري سبق وتفنشهن وماراح تنجح اخوي

حاول تستمر على تدريب واحد وماتغير التدريب يعني مره تشد التدريب واليوم اللي بعده تخفف وهكذا

ماراح تنجح لابد من التغيير اذا المطيه ماعدلت مركاضهآ غير الطريقه في التدريب وغير الطريقه في الاكل

والله يوفقك اخوي

[ابن القريصي]

افحصها وجهزها انا لا تاخذ مني علم انت يمكن اعرف مني والله في ناس يعرفون وحن مانعرف شي بس امسك خطامها ودخلها فشوط لا تضمير ولا طعام وانت جهزها خلها تجهز وعقب فحمها من كيلو ثمانيه وتدري هي منقطعه ولا بطينه انت اسئل من الي يعرف الطعام الزين الطعام من الي يعرفه الخلل من الطعام وترتيبه هذا ماعندي يمكن ثقال المطايا ما تدري

[ابن القريصي]

اسمعوني كلكم انتو تعرفون التضمر علمو الناس الي متعرف لا يدخل احدكم الجنه حتى يحب لخيه ما يحب لنفسه وانت يا الصريح لا تستعجل فحمها وفحمها واسئل من الطعام ونظامه الطعام هو الي يظهر لك سبق المطيه الطعام ووقته والتدريب بس راعي لطامه انت تقول شلون تكنسلها توها ومادري ويش علمه هو مايعرف شي وانا مثله بس المشكله الطعام وكثرته ونقصانه وانا حبيت اسئل سؤال المطايا انا عندي لقي وحق واعطيها حليب ثلاث دباب من دباب المراعي والحليب حليب ابل احلبه واعطيها ايه وتسرح 5 كيلو فيا شباب انا قعودي اللقي سبووووق بس راعي سوق وهو ضالع وسمناه في كل مكان ولا صاد الوسم وقالو هذا الله خلقه كذا بس ضلعته مو بسيطه والقعود يوم هو حق يجيب 4 30 من ثلاثه فلا تطمعووو وردو لي خبر الله يجزاكم خير