بـــنـــت بــــراااااق

[أحمد خليفه بن مترف]

مساكم الله با الخير

نعود الكم با اليديد

وعسى انه يطيّب خواطركم

البكرة : (شمس) بنت براق بن مترف



ذعذاع لي بارد نسيمه = شوّق خواطر والشعر لاق

لايق على اوصاف الفطيمه = واليوم حجه بنت براق

مركاضها تكسره تيمه = وتنوّر الدوره بمشراق

لي عرّضت وسط الزحيمه = من تنتسل ماشي ملحاق

آلي بلا شحن وعزيمه = وبشورها ع الكيف تنساق

اتفز والفزات غيمه = ابغيث ع الميدان دفّاق

ان روّحت ياهي ظليمه = الشوفها ذا القلب توّاق

وان اقبلت ينفح بريمه = صفارها يقطر على الساق

للزعفران اهيا لزيمه = متعوّده لو راح تشتاق

اتشظ للميدان تيمه = تيبه غصب وتزيل لعواق

مرفوقتن عنها الهزيمه = في ركضها ناموس بذواق

وجودها سبق وغنيمه = ما دامها من نسل براق


والعذر والسموحه منكم

[ضااااري]

بيض الله ويهك بن مترف


ويعلها عالسبق والنااااااااااامووووس

[هـــــواوي]

بيض الله ويهك يابن مترف على هذي القصيده

وربي يوفقك في بنت براق وفالك النامووووس

[العازف]

ما شاء الله عليك يت بن مترف

بصراااااااااااحه إبداااااااااااااااع

ولك بياض الويه

وعسى ربي يوفق بنت براق

[راعي صدمة]

صح السانك يا بن مترف على هذي القصيدة الطيبة وبنت براق تستاهل وبراق غني عن التعريف كان عندي بكرة سبوق بنتة يوم هو في السيح .

[فزّاعيّة ميّة الميّة]

و عليكم السلام،

:

ما شاء الله .. ابداع !

كَلمات ( عذبة ) ( سَهلة ) و ( جَزلة ) في الوقت نفسه !! اعتقد أنها على بحر ( الونّه ) ؟!!!

أشكرك على كتابة هذهِ الحُروف المُذهَّبَة في ( بنت برّاق ) و أكيد تستاهل، صح لسانك و لا هنت.

:

ننتظر جديدك.

[فالك الناموس]

للزعفران اهيا لزيمه ... متعوّده لو راح تشتاق


مركاضها تكسره تيمه وتنوّر الدوره بمشراق
لي عرّضت وسط الزحيم همن تنتسل ماشي ملحاق
آلي بلا شحن وعزيمه وبشورها ع الكيف تنساق



لااااااااااهنت أبداااااااااااع وبيض الله ويهك ع القصيدة

وفالك الناموووس