تأسيس جيل من المضمرين

[البلوشي]

بسم الله الرحمن الرحيم

الحمد لله رب العالمين بلادنا يوم عن يوم تطور و نحن لازم انواكب ها التطور بس لازم نحافظ ع مورثنا التراثي و الشيوخ الله تعالى يطول فعمارهم هب مقصرين يعني مثال بطولة الشيخ حمدان الله تعالى يطول بعمره للويله للكبار و الصغار و مثال غيره نادي بوظبي للتراث هل يا أخواني تأيدون فكرة أنشاء برنامج تأسيس مضمرين صغار و تخصيص لهم ريسات خاصه .........................

و نتريا أرائكم وردودكم......البلوشي

[راعي صدمة]

وعليكم السلام ورحمة الله وبركاته
حياك الله أخوية البلوشي مشكور ياخوية على طرح الموضوع ومجال النقاش شوخنا والحمد لله مابهم قصور من كل النواحي مكفين وموفين في مجال التراث بأكملة ولا في مجال التطور ومثل ما تشوف في ميادين الدولة تطور الركض بنسبة هائلة عن السنوات اللي مضت بكثرة الاهتمامات من قبل القادة مثال عن الركض اللي على مدى العام شغال أسبوع ورى آخر أما في المجالات الأخرى بنفس المنوال مثل ما قلت بطولة فزاع لليولة وغيرها الكثير .....والسموحة

[البلوشي]

بسم الله الرحمن الرحيم

الله تعالى حيه يا راعي صدمه نورت الموضوع الغالي

و نعم بشيوخ هب مقصرين ........

[هـــــواوي]

وعليكم السلام ورحمة الله وبركاته

تسلم يالبلوشي على طرح الموضوع

بالنسبه لهذي الفكره فكره طيبه والشيوخ الله يعاطيهم الصحه والعافيه مب مقصرين في شي ولله الحمد طور الركض خلال السنوات الاخيره وزاد الاهتمام فيه سواء كان من الشيوخ او من العاميه وترزقت الناس خير من ورى الركض وزادت الاسعار وانا لاحظت في الفتره الاخيره فيه مضمريه يعلمون عيالهم على التضمير وكل يوم وياهم في العزب وهذا الشي نفرحبه الصراحه ولاحظة في دوره من الدورات الابو يطمش ولعيال هم اللي ماسكين الرموت مال الرجبي ويعرفون متى يضربون المطيه والصراحه هذا هوه المطلوب على شان عيالنا يتمسكون بتراثنا ومايندثر ...
ونتمنا ان شاء الله الجميع يهتمون بهذا الشي واحسن لعيالهم عن الاشياء الثانيه لانهم بيتعلمون وايد ...

واشكرك مره اخرى اخوي البلوشي على هذا الموضوع واتمنا التوفيق للجميع ان شاء الله

[البلوشي]

بسم الله الرحمن الرحيم

نورت الصفحه يا هواوي

[~.راعي ملامه.~]

لاهنت اخويه ماتقصر بيض الله ويهك ..~

نترقب كل جديدك ..~

[الناصي]

المبدع يصنع من اللا شي شي...فكره محسوبه لك