شو علاج النخية

[راعي سراب]

السلام عليكم ورحمة الله وبركاته

اضربة اركابي انخية هلحين

وراهن ركض

شو علاج النخية

[العازف]

وعليكم السلام ورحمة الله وبركاته


عليك بالفكس و هو العلاج السريع

وإذا كان هناك أنسداد حطلهن القليل فقط ولا تكثر ( ماي + وملح )

أما عن مركاضهن فـ نصيحتي لك ما تركضهن لأن بيكون مركاضهن تعبان




بشكل عام المضمرين : في البعض منهم ما يعالجونهن
و يكتفون بالراحه للمطيه والبعض يتواصل مع البيطري الي يعالج حلاله

[راعي سراب]

شكرا على المرور

وشكرا على النصيحة

بس ما أركضهن هالمركاض ولا جميع مراكيض شارة حمدلن

تراهن فطامين وريد أأهلهن

[مضمر جامعي]

أخوي نفس ما قالك أخوي العازف

فرطهن من الركض الأسبوع هذا أحسن

لأنهن ما بيبن ركض ما دام فيهن نخيه

[العفريت]

اقول عليك بزنزبيل

[راعي سراب]

مرحبا ياالعازف ومضمر جامعي وياالعفريت


ومشكورين على الردود

[راعي صدمة]

مثل ماقالك أخوية العازف وريح الحشوان شوي أسبوع على الاقل ولا عليهن باس

[فزّاعيّة ميّة الميّة]

يمدحون فيتامين سي !

ــــــــــــــــــــــــــــــــــــــــــــــــــ ـــــــ و ما عليهن باس إن شاء الله.

[الدجر]

السلام عليكم ورحمة الله وبركاته

الفعال دوا الكحه ولا تركضها شهر كامل وخلاف شردها مشاريد خفيفه

ولو شفتها تحسنت فحمها

وعند الله التوفيق

شكراً

[راعي سراب]

مشكورين على الردود

يا راعي صدمة وفزّاعيّة ميّة الميّة والدجر

[راعي محنه]

مرحبا الساع راعي سراب ,,,, الغالي عليك بالفوار فيتامين سي ! ,,,, رقم 1 ثلاث ايام وان شاء الله بترد عافيتهن ,,,, الله يوفق الجميع

[مجد التراث]

مثل ما قال راعي محنه الصواب

[راعي الطياره]

عنديه حاشي ظاربتنه انخيه وش علاجه يا خوان شما

[راعي مبهره]

عليك بثوم مرتين في اليوم (فرمه و بمزر قبضة اليد عطهن لمدة 7 ايام و بتخوز النخية غنهن و لزم راحه لمدة 7 ايام شرط ان مسراحن مايوقف بس يكون مشي و بترتفع المناعه عندهن ولاتخاف من ارتفاع المناعه لان الثوم ماده طبيعيه و هذي الطريقه مجربه و سلامتكم....

[أصايل]

الله يعافيها

وانشالله تكون النصائح مفيده لعلاجها