المساعد الشخصي الرقمي

مشاهدة النسخة كاملة : يالربع من يعرف انتاج الجذاب ال اشتراه بن فراج ووين مكانه

بوخليفه
10-29-2009, 10:42 PM
اذا تكرمتو يالربع من يعرف انتاج الجذاب ال اشتراه بن فراج ووين مكانه
@راعي غلا@
10-31-2009, 12:25 AM
ابشر اخوي انا بعطيك بعض علوم الجذاب وانتاجه

بالنسبه للجذاب فهو سابق بيده فالامارات وماخذ سياره في ميدان تبوك اما انتاجه
1ــ بلشه للسيد لميلم بن ثنيان الشمري وانباعت بمليون وستمائه وتيمها من الخمسه 7.35 في ميدان القصيم وهي اول بناته

2ــ بكرة محمد بن سلطان بن مرخان اللي اسمها هدؤ اللي خذت كاس الحقايق العام الماضي في دبي وهي مشريه اساس من السيد خلف بن فرتاج الشمري

3ــ قعود فراج بن نادر الدوسري انباع في تسعيرة قطر العام الماضي


4ــ قعود للسيد محمد بن بعيجان الشمري انباع العام قبل الماضي بستميه في الطائف

اخوي هذا اللي يحضرني هالحين وانشاء الله ازودك بالباقي علما ان اهل حايل خصوصا واهل الشمال عموما عينوا خير من انتاج الجذاب

اما بالنسبه لموقع الجمل فهو موجود في قرية الشنان بحائل ينباع لكن بعدها
مادري وين راح
علما ان الجمل حمل من عند راعيه لكن وين صار مدري

تقبلو جل احترامي وتقديري
ناموس شحاني
10-31-2009, 04:07 AM
افادك

اخوناا


راعي غلا

والله لايهينه ع المعلوماات

وتسلم ع الاستفسار
السبيعي
10-31-2009, 09:55 AM
الجذاب حاليا متواجد في النعيريه والناس يضربون منه والله يجزاه خير راعيه
الحر النداوي
10-31-2009, 03:11 PM
بالنسبه لهدوء اناسمعت انها بنت جبار القصيم ماادري الكلام هذا صحيح ام لا ارجو الافاده ممن لديه معلومات مؤكده
الـــــــــــعبداني
10-31-2009, 09:50 PM
البعير ماافيه كلام بنسبه للانتاج البعير منتج مثل ماذكر لك أخــونا راعي غلا ومبيع عليه في تبــوك 300 الف و400 الف والبعير سابق بيده .....
وبنسبه للبيعــير موجود في ميدان النعيــــريه عند راعيه ( على بن فــــراج المري )
والبعير يضرب وانا بنفسي مضربه ....
والبعير يقولون بيروح لقطر بس متي مدري ويقلون ان ابن فراج بيخلي العالم يضربون به شهر وبعدين بيحمله لقطــر
معشي اعمار
10-31-2009, 09:59 PM
البعير ما فيه حيله

وما يقصر بن فراج
نواف المري
11-02-2009, 05:00 PM
مادري في اي منطقه بيروح لقطر ياليت حد يزودنا بمعلومات
الهواوي
11-15-2009, 07:40 AM
البعير حاليا موجود فالامارات لأخذ تحاليل الدم والجينات منه وسيبقى فالامارات لمده بسيطه وبيرجع
ابو سعود الفهادي
11-15-2009, 10:24 AM
ماقصر في المعلوومات راعي غلا ...

البعير موجود في النعيريه ( السعوديه ) عند مزرعه بن فرااج وجزاه الله خير فاتح بابه للجميع