شو علاج الانزيمات

[راعي سراب]

عندي بكرة يذعه فيها انزيمات الكبد وايد

ورافع معاه انزيم العضلات فوق المعدل الطبيعي

[العازف]

علاجه الوسم

(مطرق بعد الزور مباشره بإتجاه السر ويكون في نصف البطن )

وأستخدم دواء الأنزايم ويكون طبيعي من الأعشاب والتي هي متواجده في العيادات البيطريه

تمرين ( مشي ) لمدة أسبوعين لمسافات خفيفه

والشفاء بيد الله

[راعي صدمة]

نفس الحالة صابت مطايا عندي بس العلاج مثل ما قال العازف و في ناس وصفتلي عصير جزر لمدة ثلاث أيام أنا إستخدمت الاعشاب والنتايج وسط والله كريم

[نزال]

استخدم ورق الحنا أو الكركم مع الماي وحد من الناس يستخدم ماء الورد بس بنصحك . راعية الانزيم لاتتعبها في التدريب خف عليها ولا تسوقها في التفاحيم اكثر من الازم وإذا كنت تستخدم بودر العضلات ألي فيه مادة السيلليوم أقطعه

[راعي سراب]

مشكورين على الردود ياالعازف وراغي صدمة ونزال
وبيض الله وجيهكم

واحد من الربع قالي عطها

كركم ولومي يابس وخل وزنجبيل ودواء الكبد

[مجد التراث]

الحرمل عليك به اسال مجرب ولا تسال طبيب
طريقة الاستخدام :
ييب ورق الحرمل و فوره لمدة نصف ساعه في الماء لين يصفر لونه وبعدين زله في قراش وحطه في الثلاجه لين تبرد وكل يوم عطها قرشه لمدة اسبوع
إذا كان فيها 600 وما فوق بيكون إنشاء الله تحت التسعين
مجرب ؟؟؟؟؟

[فزّاعيّة ميّة الميّة]

ـــــــــــــــــــــــــــــــــ و منكم نستفيد !!

:

مُرور خاطف و المنتدى في تطوّر ما شاء الله.

[حشيم الأطباع]

علاجه الوسم مطرقين في اليانب الايمن بين الزور والسر

والسموووحه

[مجد التراث]

حشيم الاطباع ما عليك زود بس الحرمل مجرب والنتيجه 100 %


والسموحه منك

[راعي الغزال]

يسلموووووووووو كتــــــــــــــــــــــــــــــــير ياجماااعة

[ولـد البدو]

هات خل اللومي وهات كركموما ورد وتم عطا لمده أسبوع وبعد الحرمل زيت دق الحرمل وبعدين حطه علي الضو وبعدين صله وحطه فغرشه وخله يبرد وعط مطيك يومين وأنشالله بصح والسمممووووووووووووحه

[موما امارتية]

السلام عليكم ورحمة الله وبراكاتة:
كيف الحال عساكم ابخير ممكن لو سمحتوا تحطولي صورة الوسم او اتشرحولي كيف الطريقة بوضوووح وما تقصرون الله يطول في عمركم ؟

[قلب بدوي]

عليك بالسكر لمدة 3 ايام انا مجرب الحمدالله افتكن وفي من الزيمات ثقيله وايد شفاء عند الله جان لها نصيب تراها بتعيش ولا النزيمات ماله شي محدد بتعطيه يا غير كل مجرب بيقول يلي عنده ويلي جربه....... اما البيطريات ما عنده شي محدد

[القايدي]

السلام عليكم ورحمة الله وبركاته

شحالكم يالربع ؟

اخوان شما عندي فطيم عطيته حرمل ثلاث ايام المسا قبل المعشا . بس ما نزل انزيم الكبد .

سؤالي لدرع الجبيب لو تكرم .. شو احسن وقت اعطي فيه القعود الحرمل عشان الانزيم ؟




وشكرا