ممكن نعرف اصل هجن بعمان وش

[الضامي]

ابي اعرف اصل هجن بعمان وشي هن الدرعيات او سمحات او الباطنيات او الا اخره

[عمر الشمري]

السلام عليكم اخوي الضامي مشكوواار على الموضوع


الله وعالم انا اسامي قبايل با عمان

مثال الدرعيه با عمان قبيله اسمه الدرع

الباطنيات يمكن اسامي مناطق با عمان

[الضامي]

لا اخوي عمر الدرعيات نياق وهن بنات الاصيفر على ما اظن

[desertstar]

كلامـــــــــــــــــــــــــــــك يالضامي

100%

[الضامي]

بيض الله وجهك اخوي ديزراستار

[المدمر]

يالضامي انا اشوف انك انته تسال الاعضاء وفي نفس اللحظه تعرف الاجابه

[راعي القحيدي]

هلا ومرحبا فيك اخوي الضامي
الهجن في عمان انواها كثيره وكلها اصايل ماشالله وكل سلاله تتميز بصفه عن السلالات الاخرى وانا انشالله بشرح لك بالتفصيل :
في الاساس اسماء السلالات كلها اللي تسمعا منسوبه الى القبايل او المناطق
مثلا : الدرعيات منسوبه الى قبيله الدروع
الوهيبيه منسوبه الى قبائل الوهيبه
البواطن منسوبه الى منطقه الباطنه
السمحات منسوبه الى منطقه السمحه ومن السلالت اللي في السمحه
او المناطق القريبه منها البويضات والفرحات
الظفاريات وهي منسوبه الى ظفار وصلاله كما تسمى ايضا بهجن السلطنه ونوعها
مختلف عن الانواع السابقه ولا تصلح في السباقات وانما لانتاج الحليب واللحم
ثانيا : كل سلاله لها ميزه كما ان هناك تفرعات من السلالات
الدرعيات مشهوره بالسرعه والسبق .
البواطن واشهر سلالتها سلاله ( مقشر ، شهبار ، الشبيبي ) وهي مشهوره
بالجمال والمزاين .
السمحات واشهرها سلاله ( مصفاي ) وتشتهر هذه السلاله بالجمال والسبق معا .

* هذا عن انواع الهجن العمانيه اللي مسيطره على الساحه كما ان هناك انواع اخرى وهذا الله قدرني عليه وانشالله الاخوان اهل عمان بفيدونك اكثر وبصححون اي خطاء في اللي انا ذكرته
وفي الاخير تقبلوا تحياتي واسمحولي على القصور

[خليفه بن منينه الغفلي]

بيض الله وجهك راعي القحيدي

مافيك حيله

[راعي القحيدي]

وجهك ابيض يا الغفلي
تقبل اجمل تحياتي

[الحر النداوي]

الي فهمته من كلام الاخوان ان ابل عمان كلها اصايل مافيها مجاهيم ومغاتير

[راعي الجفدا]

حياكم الله خوان شما,,,,,
بس حبيت اضيف سلالات تعتبر من النخبه ونادره في نفس الوقت:
الخمايس,الفرحات,الخواوير,اللساكي......
وجميعها موجوده بكثرة في المنطقه الشرقيه

[الضامي]

مشكور اخوي راعي القحيدي وبيض الله وجهك

[راعي القحيدي]

حياكم الله خوان شما,,,,,
بس حبيت اضيف سلالات تعتبر من النخبه ونادره في نفس الوقت:
الخمايس,الفرحات,الخواوير,اللساكي......
وجميعها موجوده بكثرة في المنطقه الشرقيه

شكرا يا راعي الجفدا على المعلومات القيمه ، وهذي السلالات الي ذكرها اخونا هي من اقدم السلالت في عمان واصلها

[عماني]

اسمحولي اشارككم فهالموضوع
ابل عمان كلهن اصايل نعم وتتفرق السلالات بتفرق الاماكن فمثلا
افرحات هذه سلاله كبيره جدا وتنتشر بين قبايل وهيبه كافه وهي عزوتهم واصله لقبيلة المغايره
اما السمحات فهي اكثر شي تتواجد فالمنطقه الشرقيه والباطنه من عمان
اما ابويضا فهي اصلها ل الشيخ سالم بن حمود الجحافي من وهيبه
اما الدراعي مسلالتهن طيبه وميحتاج تعريف بهن
والباطنيات جمال واناقه والله الله
فمناطق عمان الشرقيه يعرف اهلها براعات خميسه
وهناك سلالات كبيره جدا جدا منها على سبيل المثال لا للحصر
الخواره
عرجه
اللسكيه
كدشه
واسمحولي عاد

[نهب]

بيض الله وجهك راعي القحيدي

مافيك حيله