وقفت ظبي

[الشاعر]

يا ظبي وقف وخلني فيك أتأمل ... خلني أشوف عيون خلي دخيلك ؟


تعال صوبي دخيل الله لا تجفل ... ولتخاف مني ترى فعيوني أشيلك ؟


تعال واكسب بي المعروف وتيمل ... ويكون في علمك ترى مالبعد عانيلك ؟


سبحان من حط البراءه فعينك وكمل ... قريب في شوفك ولكن صعب في نيلك ؟



عيون خلي شرات عيونك واجمل ... ذيور مثلك وماخذ من تعازيلك ؟



عينه وجيده انا لاشفتهم اذهل ... هذي وصوفه وهذا سر حبيلك ؟



يا ريم بالله دخيل الله لا ترحل ... ابغي اكحل عيوني من مكاحيلك ؟



وفي وسط عينك انا محبوبي اتخيل ... فكري بعيدن وانا واقف مقابيلك ؟



اسأل عيونك وعينك ياظبي تسأل ...من ذا الذي خلاك تسهر في دجى ليلك ؟

[أم ذياب]

صح لسانك الشيخ،،
تقبل مروري المتواضع،،

[راعي صدمة]

بيض الله ويهك
وصح لسانك يالشاعر
قصيدة رقيص
نتريا اليديد

[فزّاعيّة ميّة الميّة]

صح لسانك الشاعر، أبيات جميلة و معانيها رائعة، ذات معنى واضح.

ننتظر جديدك.

[الشاعر]

شكرا فزاعيه على تفقد الرعيه