المساعد الشخصي الرقمي

مشاهدة النسخة كاملة : خيييييييره .......


أحمد خليفه بن مترف
08-01-2008, 02:28 AM
غلطان وادري بس هذي مقادير = الله كتبلي رقمكم استخيره

اعذر وسامح جان بدت مقاصير = من صوبنا يا ريم شبه الجزيره

تبغي الصراحه .؟ فرحتي طعمها غيير = من يوم صوتك سرّني قلت خيره

يا حلو لي من قلت لي يا الأخو خيير ...؟ = كنّك تقول ابشر ... تراني ذخيره

الصوت والمنطوق يعني التباشير = وانته كلامك حرّك اليوم غيره

يليت توصل من جداكم فواتير = والله لدفعهن ولبغي شويره

يليتنا فمؤسسه ما بها غير = انا سكرتير ٍ وانتي مديره

وعلى مشاريع المحبه مسايير = نبني علاقات الوهم فا الظهيره

ولا المسى .. عشى عمل ... في محادير = في جو نسناسه يشابه عبيره

يا صدفة ٍ ربي جعل منّها خير = طحنا على عوق الفواد ونظيره

كود وعسى ياتي اتصاله على خير = واهنى بصوت الفاتنه والمديره
والعذر والسموحه منكم ....

العازف
08-01-2008, 02:33 AM
قصيدة متميزه تمزج بروح الدعابه يا أبوشهاب

وعسى يقويك على دفع الفواتير :d

مضمر جامعي
08-01-2008, 09:10 AM
صح لسانك يا بن مترف

ما شاء الله عليك شاعر مبدع...

نتريا يديدك ;)

فزّاعيّة ميّة الميّة
08-01-2008, 12:03 PM
للهِ دَرُّك يَا بِن مِترِف ! وَ صَح لسانِك،

ما شاء الله، ابداع !!

خمسة الأَبيات الأُولى .. جاءَت مُسلسِلة، مُتناغِمَة، ذَات لَحنٍ شجِّي!

وَ جاءَت الأَخيرة بتداخلٍ مَمزوج بِروح مًغايرة عن سَابقتها الأُولى.

:

و لا تبخل علينا بـ الرَّوائع.

هـــــواوي
08-01-2008, 02:26 PM
بيض الله ويهك يابوشهاب على هذي القصيده المتميزه

وفالك طيب يابوشهاب جان تبا سكرتير زياده

راعي صدمة
08-03-2008, 12:38 PM
صح لسانك يا بو شهاب
قصيدة مافيها حيلة
نتريا اليديد

فالك الناموس
08-13-2008, 12:07 AM
الصـوت والمنطـوق يعنـي التباشـيـروانتـه كلامـك حـرّك اليـوم غـيـره


يعطيك العافية ع القصيده طرررررررر

أصايل
08-13-2008, 11:45 AM
أبيات فاقت الروعه باسلوبها الظريف

استمتعت بقرائتها وشدتني لانتظار جديدك