موضوع نقاشي وخطير ..؟

[رااعي ريمان]

بسم الله الرحمن الرحيم

..

السلام عليكم ورحمة الله وبركاته ..

..

في البدايه احب اناقش معكم .. بعض المواضيع ومنهااا .. تأجيل ختامي الزثبه بسبب ما حصل عسى الله يرده سالم غانم علينا يا اهل الخليج ..

لكن صلب الموضوع ..

..

هل تأجيل الختامي راح يخربط اوراق المضمرين والملااك وتتغير المواعيد ويصير فيه خلبطه لأن مثل ما انتم عارفين كل مضمر يجهز له سنه لهالختامي .. ومجهز المطايا الي يبغي يشارك بهاا ..

وما اعتقد فيه حلاه ختامي المرموم بعد ختامي قطر .. وجهة نظر ..

..

بأنتظار أرائكم ..

[نادر العبدالله]

رأيي ان الظروف اللي حصلت لأخواننا في الامارات اكبر من موضوع المركاض والله يرد غايبهم...اما اللي يخص المضمرين السبوق بتسبق في اي مكان.

[الطائف]

الله يطمنا عليه ان شاء الله

بغض النظر عن كونه شيخ فهو انسان لايعرف مصيره حتى الان


اسال الله العظيم رب العرش الكريم ان يرده لاهله وذويه سالم غانم


اما بخصوص الهجن فهي رياضه مثل اي رياضه

والمطيه الجاهزه سوف تاخذ حقها

وكذلك الشئ المكتوب للعبد سوف يراه

[الساري]

وعليكم السلام ورحمة الله وبركاته:
سلامة الشيخ عندنا بالدنيا كلها والله ايرده علينا ابخير وسهاله

[السلطان]

الله يقر عيونهم فيه على كل حال

أما من ناحية نقاشك فالمطايا والمضمرين يختلفون بعضها راح ينتقض وتتلخبط أوراق مضمرها
والبعض الآخر مافرقت عنده

والسبوق تسبق في أي وقت وزمان إذا ماكان عليها عذر شرعي

السلطان

[الهجان_الكويت]

والله العضيم سلامة الشيخ اهم من التفكير في المراكيض كلنا تاثرنا بسبب الخبر المزعج ونتمنى من الله عز وجل ان يرجع لأهله والى احبابه سالما معافا يارب العالمين وما من ناحية برنامج المطيه الى ماتركض هالسنه مصيرها راح تركض ومهرجان الكويت وقطر على الابواب ولاكن نطلب من الله ان يرجع سالم معافا امين يارب العالمين

[برووووق]

بسم الله --

نحن اخوي منهم اللي مجهزين لهذا اليوم --


لكن اخوي الموضوع اكبر من المركاض --


نحن والله لو ما لغوه مانركض ولد زايد مفقود--


ان لله وانا اليه لراجعون

[&& ابــن مــشــيــط &&]

اما انا من رايي




السبوق تسبق الى قدها متقبله




والا الى قدها مب متقبله بتفلس مره وحده





والله ولي العلم وش راي الاخوان

[عرمرم]

انا لله وان اليه راجعون اتمنى السباق يتكنسل بعد الخبر المفجع االلهم تغمد الفقيد بواسع رحمتك واغفر له انك انت الغفور الرحيم

[فخري سعودي]

السباق مره اجل ومره اتكنسلوالله ماندري الله يرحم الشيخ احمد