ما هو أساس العزبة ؟ [الأرشيف]

مضمر جامعي

08-08-2008, 10:11 AM

هلا والله بالعازف

بصراحه سؤال في غاية الأهميه

ويمكن تتعدد الأراء في هذي المسأله

بس في وجهة نظري المتواضعه

أنه المضمر والسبوق مكملين لبعض

يعني

إذا تواجدة السبوق عند واحد من المضمرين ولا رام يسبقها

في هذي الحاله الخلل في المضمر والدليل يوم حد يودع مطيه ما رام يسبقها ويبيعها

وتسير عند مضمر كبير ويسبقها

وإذا العكس

يعني المطيه مش سبوق لو تلف على المضمرين كلهم واحد واحد ما بيروم يسبقها

كأنك تقول خل المضمر الكبير يروح يشتري مفنشات من الجبره ويسبقهن

مستحيل يسبقهن كلهن.. يمكن تطلع كم وحده سبوق

أختلاف الرأي لا يفسد في الود قضيه...

العازف أريد رايك أنته في الموضوع؟

والسموحه على الإطاله...

راعي السوان

08-08-2008, 01:08 PM

مااا هوو اسااس العزبه القويه ؟ هل هووه المضمر او السبووق ؟

راعي سراب

08-08-2008, 02:07 PM

المضمر اول ثم السبوق

لان السبوق بدون مضمر ماتسبق لو هي سبوق

اذا وجت مضمر الزين بيسويلك سبوق لو ياية عاشر

واذا عندك سبوق ونت ماضمرتها زين حتى رقم مابتييب

في هذي الحال يكون المضمر اول وبعدين اتييب السبوق

الكيبالي

08-08-2008, 07:06 PM

شكرا على الموضوع اخووي العازف ....
لا شك انه الاثنين مكملين لبعض بس لو حطيينا سبوق في عزبه بلا مضمر شو راح يصير ؟؟ ؟ ما بتنعرف انها سبوق اصلان
المضمر هوه اللي يطلع السبوق ولا السبوق ما اطلع مضمر
و العزبه اساسها منشأها هوه المضمر بلاه ما كانت عزبه
هذا رايي و السموحه منكم تقبلو مروري

راعي الجوكر

08-08-2008, 09:09 PM

السبوق بروحها تخلي راعيها مضمر
لان السبوق ماتبا غير ((عيشه وتدريبــ))

مجد التراث

08-09-2008, 12:02 AM

هن المضمر يعدلنه يستوي شاطر وعرافي

أنا اقول ان السبوق تباء وقفه من راعيها لان الحين الضمر واحد والسبوق تيحد الخله البسيطه

أنا اختلف مع اخوي مضمر جامعي السبوق تسبق عند راعيها لو ان ما تسبق ماحد يبا يتودعها

خل عندك ماديه وسبوق وبتروح في الفورمه

أحمد خليفه بن مترف

08-09-2008, 02:49 AM

مرحبا ملايين اخوي العازف

موضوع حلو للنقااش

كلن له وجهة نظر

وجهة نظر انا أن الاثنين يكملون بعض

بما معناه :

اذا ما انوجد لمضمر ما انوجدت السبوق واذا سبوق ماشي المظمر بيتم مكتوف اليد مايقدر ينجحلك بكره مافيها بترول ويخليها سبوق

فعتقادي من اسس العزبه اول شي يكون المظمر موجود مع عماله وقلايصه

وخلاف هاتله السبوق وبيرقصها لك فكل ميدان

وسمحولنا ع الاطاله

تحياتي لكم مراضيف

؟؟ســلــهــود؟؟

08-09-2008, 01:48 PM

والله انا اقول السبوق وين بتسير سبوق الا صيل مايطلع الا اصيل وشين تراه شين وبدون مضمر زين وعيشه زينه وسبوق وتدريب ززين ماتستوي عزبه.................................وتقبل مروري يالعازف مشكور على الموضوع؟؟؟

ضااااري

08-10-2008, 09:06 AM

أحم أحم أحم أممممممممممممممم

أنا أخالف الأكثريه.. يقال خالف تعرف...

العااااااازف... شكرآ أولآ... ومن ثم أقووووول....!!!!!!!!!!

الخامه الموجوده عند الشخص هي اللي تفرق....

بما معنااااااااااه أن النوعيه ممتااااااااااازه جدآ أو

ممتازه.. أو جيده جدآ... أو جيده...

هييييه اللي تعمل الفاااارق عند أي وااااااحد...

في سبوق تيحد الخله.. وفيييه لالالالالالالا

الأولى تجعل الجميييييع مضمريييييين

أما الثانيه تريييييد المضمر الجييييييد

أما الجيده والجيده جدآ يمكن تاخذ شوط قوي عند مضمر ممتاااااااز

يعني مافي خلالالاف عالمضمر.. الخلالالالالاف على النوعيه...

بس في بعض الناااااس يتعب المطيه ولايعطيها أكل وفي بعض العكس

يعطي أكل ولايدرب فإذا تواجد الأثنيييين بصوره لو قريبه من الصح تعمل

مش مضمر.. مضيييمر... صغير بس مش بطااااااااااااااال

ومنكم السمووووووووووووحه

فزّاعيّة ميّة الميّة

08-10-2008, 12:23 PM

السلام عليكم و رحمة الله و بركاته،
:

ما شاء الله، كما تعوَّدنا مِنك التميِّز في انتقاء المواضيع، و سـُؤالك هذا يُعتبر ( لغز )

بالنسبة لي، و بـِ مَجهود شخصي سـُأُحاول حلِّه إن شاء الله، و الأخوان ما شاء الله

ما قصَّروا في ابداء الرأي، و الحقيقة أن الموضوع ( مُتكامل ) و لا يخلو عُنصر من

آخر،

:

ســاس العــزبـــــة عبارة عن مُثلث برأيي المُتواضع كما هو مُوَّضح في الصورة،

http://www.aljbeeb.com/up/uploads/thumbs/aljbeeb-6a8e9d472b.gif (http://www.aljbeeb.com/up/uploads/images/aljbeeb-6a8e9d472b.gif)

و الاحتمالات على النحو التالي:

( الاحتمال الأول )

أن تكونَ على رأس الهرم ( السُبوق ) فـ بالتالي تحتاج إلى ( مضمِّر ) جيّد و ( نظام ) جيّد
( السبوق ) عنصر ثابت في هذهِ الحالة، و المضمّر و النظام مُتغيِّرين !

:

( الاحتمال الثاني )

أن يكون على رأس الهرم ( المضمِّر )، فـ بالتالي يحتاج إلى ( سبوق ) طبعاً جيّدة و ( نظام ) أيضاً
الآن ( المضّمر ) عنصر ثابت، و ( السبوق ) و ( النظام ) مُتغييرين !

:

( الاحتمال الثالث )

أن يكون ( النظام ) على رأس الهرم، فـ بالتالي العزبة تحتاج إلى ( سبوق ) و مضمِّر جيّد
إذاً ( النظام ) ثابت .. ( المضمّر ) و ( السبوق ) مُتغييرين !

:

النتيجة،

أعتقد ( السبوق ) هي الأساس، و اعتقد وجودها في عزبةٍ ما هبة من الخالق - سبحانه -

و نسبة كثيرة من المضمرّين تجعل المطيّة شمّاعة يعلّقون عليها أخطاؤهم، و يتحججون بهذا الشيء.

:

ــــــــــــــــــــــــــــــ هذا و الله تعالى أعلم.

العازف

08-10-2008, 05:45 PM

أشكركم على هذا الحضور الطيب منكم ومناقشة الموضوع والأختلاف في الرأي لا يفسد للود قضية ..

الكل مننا يرى أن الرأي الذي عرضه علينا هو الصواب

وبــ هكذا تحتمل الصواب وتحتمل الخطأ

من وجهة نظري أنا مع من وضع السبوق هي الأساس

وشرح ضاااري مع فزّاعيّة ميّة الميّة في محله

السبوق تشهر مضمرها وترفع من أسم العزبة

وأزيد على شرح أخوي ضاااري

نوعان للسبوق

النوع الأول :-

السبوق الذي تختل سريعاً مجرد تغير برنامجها

( يعد هذا أصعب شيء على المضمر بحيث لا يغير على برنامجها في شيء)

النوع الثاني:-

السبوق التي لا تختل سريعاً

( وهذي تساعد المضمر المتوسط بالنجاح وتواجده بين المضمرين ) وحتى أن غير شيء في برنامجها يكون إداءها في الميدان هو هو ما يتغير.

في الحاله الأولى لا تستغني العزبة من المضمر الممتاز

ولكن في الحالة الثانية فـ يمكن الأستغناء عن المضمر الممتاز ويحل محله المضمر المتوسط

هذا شأن السبوق أما شأن المضمر

المضمر الممتاز والمضمر العادي غير السبوق ما يقدر يسبقها نهائياً

في هذه الحاله المضمر الممتاز والعادي وجودهم واحد بدون السبوق

إذاً السبوق هي أساس العزبة

أترك لكم نقاش دار بين ( بن دري و جار الله ) وهذا النقاش كان آخر يوم في ختامي الشحانية لا يفوتكم

www.aljbeeb.com/video/151.rm (http://www.aljbeeb.com/video/151.rm)

هذا رأيي ي مضمر جامعي :D

وأكرر شكري للجميع بالمشاركة في هذا الموضوع

فالك الناموس

08-10-2008, 06:50 PM

وأنا أقول أهم شي المضمر لنه ياكثرهن السبق بس المضمر مب لين هناك مايعطيها حقها
وأذا كان مضمر أوكيه مهتم في السبووق بيحصل نتايج طيبه وسبوق تحتاج حق مضمر أول شي

وأخر شي ترى كله توافيق من الله وهذا رايي مادري ببه يمكن صح ويمكن غلط لني مب داخله في جوهن بس من باب التوقع

ويعطيك العافية أخوي العازف

راعي الغازي

08-11-2008, 02:52 AM

بسم الله الرحمن الرحيم

السلام عليكم ورحمة الله وبركاته

اما هالموضوع تراه لازم ما يتفوت

والسؤال هذا تراه حساس وايد للمضمرين
بس انا بعطيكم رايي هذا الي انا اشوفه فنظريه
ترا السبوق والمضمر يكملون بعضهم البعض ولا نقدر انقول هذا يستغي عن الثاني
بس ترا مستحيل الي انا نقول ان المضمر الممتاز يقدر يسبق المطيه العاديه
المضمر الممتاز هو الي يقدر يطلع السبق من مطيته ويخليها تستمر فسبقها
وترا المضمر يكمل 40% من سبق مطيته
الناقه السبوق تنعرف لو انها مختله
والسموحه

الهجان_الكويت

08-11-2008, 03:46 AM

اهم شي من نضري ههههههههه القليصه الاديب ومن بعدها الحشوان السباق اذا توفر السبوق راح تصير مضمر ومافيه حد ماعنده خلفيه على الاساسيات مستحيل يجي واحد من الشارع ولا يعرف شي اكيد كان عنده ربع او هوايه وكان يضر المراكيض وتحمس يعني اهم شي السبوق وش فايده المضمر اذا ماعنده سبوق ؟؟ اكيد ماراح يكون له ذكر في الشاشه

راعي الباز

08-11-2008, 05:07 AM

السلام عليكم ورحمه الله وبركاته اشكر الأخوان الذين طرحوا رآيهم على الراس والعين اهم شي وجود المضمر لان وجود السبوق بدون مضمر ماتسبق يوم مختله ويوم شبعانه وكل يوم متغير عليها الوضع .والشي المهم الثاني وجود الناس الموجودين في العزبه من تحت المضمر لانهم الأساس والمتواجدين في العزبه كل الوقت .فاذا تواجدت هذه الاشياء وتواجدت السبوق وحالفها الحظ فان مضمرها سوف ينجز في المراكيض.ولابد من وجود توفيق الله لانه الاهم من كل شي والعذر والسموحه فلست اعلم منكم .

راعي مصيحه

08-11-2008, 11:37 AM

كلهم لهم دور ولكن الدور الكبير عند السبوق

أصايل

08-11-2008, 09:26 PM

موضوع مفيد للغايه
على اختلاف الآرء بدت وجه النظر واضحه بتعددها

مُشارك

08-11-2008, 10:40 PM

هن المضمر يعدلنه ** يستوي شاطر وعرافي
( سمو الشيخ محمد بن راشد آل مكتوم)

هلا اخواني المشاركين اسمحوا لي ان اشارك معكم بهذا الموضع الذي نجده دائما محل النقاش في كثير من التجمعات وخاصه التجمعات التي تجمع ملاك الهجن ومن يهوى هذه الرياضة

واعتقد انك ياخي العازف قد وضعت موضوع يصعب الاتفاق على وجهة النظر فيه***

لذلك ينقسم الناس بين من يأيد بان المضمر هو الاساس ومن يقف خلف ان المطيه هي الاساس وبذلك لايمكننا تاكيد رأي على اخر ..

اما انا اعتقد الاثنين مع بعض و الاهم من ذلك التوفيق من الله سبحانه وتعالى لأن كثير من المضمرين الذين لهم صولات وجولات لديهم هجن ولهن وصله قويه في السباقات تجدهن في بعض السباقات لايتوفقن بالفوز او الحصول على مراكز متقدمه .. وأكثر دلاله على ذلك نجد من المستودعين تمر عليهم هجن سبق ولكن لايفزن وينتقلن لاخرين بنفس المستوى في التضمير ويفزن ...

فأعتقد ياخواني ان التوفيق هو اهم شيء

راعي السوان

08-13-2008, 12:04 AM

سلاام ياامخااوين شماا مااعليكم زوود على كل الكلام اللي قلتووه بس انا عندي رااي في هل كلاام
انا اقوول المضمر اول شي وبعدين السبووق وبقوولكم ليش :
- اعطووني خمس سبق على نفس المستوى اوكيه
- واعطووني 5 مضمرين وبينهم وااحد احسن عن ربعه في اتضمير اوكيه
- واعطووي وحده من هسبق الخمس الموجوداات عندكم وبعد اعطووني احسن وااحد من هل خمسه المضمرين
- اكيد عرفتووالنتيجه ( سبوق رئيسيه )
وهذاا بعد ترااه توفيق من رب العاالمين

وشكر خااص للمتودعين السبق لنهم اثبتوو وجوودهم في كل الميادين

راعي السوان

08-13-2008, 12:23 AM

السلام عليكم ورحمة الله وبركاته

ردي المضمر هووه اسااس العزبه وبقوولكم ليش ياامخاوين شماا

اعطووني خمس سبق على نفس المستوى وبعد اعطووني خمسة مضمرين بس ابينهم وااحد احسن عن ربعه واكيد النتيجه بتعرفونها ( سبوق رئيسيه ) وانتو عارفين كثرت اسبق في ميااديناا في هل وقت بس المضمر هووه اللي يميز السبووق من غيرها وهذاابعد ترااه توفيق من رب العالمين
واكبر مثال شووفو اصحااب الوداايع كيف ثاابتين وجوودهم في المياادين السباق
وشــــــــــــــكر للــــ
جميع العاملين على هل موقـــــــــــــــــــــــــــــــــــــــــــــــ ـــــــــــــــــــــــــع

ابو سعود الفهادي

08-13-2008, 12:27 AM

الله يعطيك العافيه على الموضوع الاكثر من رائع ::
بالنسبه لاساس العزبه
اول شي : المضمر : بدون مضمر ماترتب العزبه ولا تقدر تحكم على الذلول هل هي سبوق اولا ..
ان كان في العزبه سبوق ولافيها مضمر .. راح تنهان و يضيع ركضها ..
و تحياتي للجميع

الهاجس

08-13-2008, 01:06 AM

شكرا على هذا الطرح .
فالاختلاف بين الاراء يثري الموضوع بما هو جديد ، ويفيد من لايملك فكره .

فمن وجهة نظري كل طرف يمتلك 50% .

المضمر

1- نجد المضمر الواثق من نفسه ، فالمطيه تظل بمستوى تصاعدي عنده ، فهو قادر على اخراج مركاضها متى شاء إن لم تتعرض لعوارض صحيه .

2- نجد بعض المضمرين تضميره غير مستقر أو ثابت على مستوى واحد المطيه معه لا تستقر فنجدها تأتي بمراكيض متفاوته .

3- نجد بعض المضمرين يظلمون المطيه ، فهم لايعطونها حقها .

السبوق

1- نجد السبوق العاند .

2- نجد السبوق المتوسط والمتفاوت مستواها .

3- نجد المطيه العاديه .

في النهايه نجدها كالعمليه الحسابيه ( مضمر + سبوق = نجاح ) .

واحب ان اضيف عليهن
توفر الماده ، فهي توفر الغذاء والفحص والدواء المناسب .
تعاون الجميع في العزبه هو سر النجاح .

وعالم الهجن عالم كبير وواسع ، فكل يوم نجد الجديد ، وتنوع الاساليب في التضمير .

بنت دبي

08-13-2008, 02:32 AM

الاثنين يكملون بعض

ويسلموووووووووو على الموضوع

الشاعر

08-13-2008, 11:54 AM

السبوووووووق ثم السبوووووق المضمر الخبره والدرايه ثم التوفيق من من رب العالمين اولا واخرا

راعي لطامه

08-15-2008, 02:02 AM

يعيطكم العافيه على الطرح الجميل

واضم صوتي لصوت الاخوان

الاثنين مكملين لبعض

السبوق تشهر المضمر

والسبوق بدون مضمر ماتطلع ولاراح تسبق

وكم هديف صارت عند مضمرين وسبقت

والنتيجه الاثنين مكملين لبعض

راعي محنه

08-15-2008, 09:12 PM

مرحبا الساع موضوع جيد وانا من ناحيتيه ,,, الامر الاول في كل الامور هو توفيق رب العالمين ,,,, ومن عقب تي السبوق ,,,, وعقب لمضمر ,,, اقصد انه السبوق سبوق ما بطيح اذا اختلت من نقص من الصحه والا من ايد مضمرها ما بطيح اذا ما اسبقت بتي ثاني بتي ثالث هذي السبوق ,,,, وفيه مضمرين عندهم خبره ومتابعين للحلال بشكل ما يتصوره اي انسان ,,,, توصل معاملته للعزبه اكثر عن عياله وغلاتها من غلات عياله ,,, بس الركاب اللي عنده رقامه ,,,, هل في هذي الناهيه انه مضمر فاشل ,,,, بالعكس وانا عشت ويا الشواب ,,,, والله انه المطيه لو ما تيب رقم انها اتم غاليه عنده ,,, وان جانها مفروده يربيها لين تكبر وتوصل لسن الحول ,,,, بعده يترجا من الله انها ابها خير وجان ما ركضه صغيره بتركض كبيره ,,,, هذا هو لمضمر اللي اعتبره مضمره صح ولازم يكون راعي طويله ,,,, السموحه ع الاطاله

بنت ابوها

08-15-2008, 09:45 PM

أنا اشوف انه المضمرر أهم شي لانه يوصلها مواصيل

ليش الواحد يودع لناس ثانيه لانهم عندهم مضمرر اوكي

ووسبوق تبغي مضمرر ....

واهم شي توفيق من رب العالمين ...

هـــــواوي

08-15-2008, 10:04 PM

السلام عليكم ورحمة الله وبركاته
في بداية الموضوع احب اشكرك يالعازف على هذا الموضوع اللي يثير النقاش بين الاعضاء وبالنسبه للموضوع الصراحه في غاية الاهميه في وقتنا الحاضر

من وجهة نظري ان الاثنين يكملون بعضهم
ممكن للمضمر انه يطلع السبوووق ويعرفها
وممكن للسبوق انها طلع المضمر ويكون معروف بين الناس
ومن واقع تجربه كان عندي قعود سبوق ودعته عند ريال وكان مركاضه مرات يسبق مرات مايضوي شي وعقب ودعته مضمر ثاني ما شاء الله عليه كان كل مراكيض القعود سبق
والحمد لله انياع القعود

ومن هذي التجربه يلعب دور المضمر دووور كبير في العزبه وماشاء الله في ميادينا المضمريه معروفين الله يوفقهم ان شاء الله

والسموحه على الاطاله ونتمنا التوفيق للجميع

راعي الشوط

08-18-2008, 05:27 AM

السبوق ان كان ماتدهل العزبه ## مالك ومال السيوف مع الخناجر

بو حمد

08-18-2008, 10:54 AM

السلام عليكم
مشكورين خوان شما على هالموضوع
صراحة انا رايي ان المضمر هو الاساس في نجاح العزبة ومو اي مضمر المضمر الفاهم العارف كيف يتعامل مع الهجن ، لان يا اخوان من كثر ما شفنا انا الشيوخ فتحوا عزب كثيرة واشتروا حلال سبق ما خذات الاوايل ومحققات اتيام قياسية أول ما يجيبونها للمضمر تسبق في السباق اللي بعد اسبوع من دخولها العزبة اعتماد على اللياقه اللي عندها من قبل ويوم تطول عند المضمر الجديد تبدأ في النزول الى ان تطلع من العشر الاوايل في هذي الحاله يصبح المضمر مدمر -- وحصلت كثير والعام الماضي هجن مشتراه بمبالغ اعطيت لمضمرين دمروها تدمير وبعضها تم تفنيشة واعطي لمضمرين آخرين جابوا بها كاسات -- في الاخير اللي باقوله يا اخوان المضمر الحين في ايامنا هذي لازم يكون ملم باشياء كثيرة علمية عشان يقدر يتعامل مع المطية يعني ما فيه مجال الواحد يكون جاهل الى درجة انه يوصل الناقه الى اعلى مستوى باللياقه وبعدين تبدأ بالنزول وهو ما يدري ويش صابها ويقعد كل يوم يوسم لين يخلي ناقته خارطة من الوسوم --- نهاية الكلام المضمر هو الاساس --- سيارة بدون دريول ما تقدر تروح مكان
يمكن المطية ترفا الخطا مرة مرتين لكن على طول ما اعتقد الا النادرة ويا قلهم الندر ولكم تحياتي .

راعي صدمة

08-19-2008, 09:32 PM

السلام عليكم ورحمة الله وبركاته
مشكور ياخوية على طرح الموضوع في رايي المتواضع السبوق والمضمر كل واحد يكمل الثاني مافي مضمر بلا سبوق ولا فيه سبوق بلا مضمر الا السبوق راعية الحظ
السبوق الها نسبة 70% اما المضمر له 30% لتوصل المطية المستوى الامثل والسموحة منكم

برستيج غفلية

08-25-2008, 10:53 AM

السلام عليكم ورحمه الله وبركاتهـ ..

واللهـ يالعازف ع خبرتي >> هع هع

يعني ع إلي شوفه فـ خواني وابويهـ ..

اول شيء المضمر ..

لانه عادي المطيه نسلها هب ذاك الزوود بس

ع التدريب والمداره والاكل و العلاج ..

بتظهر ظهره عدلهـ ..

و ما قصرت ع الموضوووع ^^

الـــحـــشـــيـــم

08-29-2008, 03:06 AM

الله يعطيكم العافيه

الخاطري

08-29-2008, 02:36 PM

السلام عليكم ورحمة الله وبركاته
مشكور ع هذا الموضوع
اساس العزبه سبوق
في ناس مضمرين ولهم انجازات ياخذ فتره انقراض
بدون ذكر السامي
ليش لنه ماعنده سبوق
فالسبوق تصنع المضمر
وعلى قولت الشاعر :
السبوق تريح اعصابك

الناصي

09-04-2008, 04:28 AM

بسم الله الرحمن الرحيم

موضوع متميز من رجل أميز بمشاركاته وتواصله مع أعضاء المنتدى بين الحين والآخر.في الحقيقة يالعازف لا بد من تواجد السبوق بنسبة 60 % والمضمر بنسبة 40%. يعني أهمية السبوق أبلغ من أهمية المضمر والفارق بسيط في هذا الشي لا يختلف عليه اثنان.المضمر الجيد تسهل عليه عملية فرز السبوق من المطايا المتوسطة من خلال إختبارات تمر فيها المطية. في حالة حدث تجاوب بين المطية والمضمر تنتقل المطية لمرحلة السباق. أنا ما أقول المضمر عامل ثانوي في عملية السبق بالعكس المضمر يلعب دور رئيسي في إيصال مطيته إلى ذروة التنافس والخوض في معترك الأقوياء. لو بنتكلم عن المطية السبوق اللي يدربها مضمر ضعيف المستوى بتشوف من المطية دلائل أنها سبوق تبرز بين الحين والآخر في حالة هذا المضمر قبلها صح بغير علم منه. لكن مستحيل مضمر قوي يقدر يوصل الردية المراكز المتقدمة.

الإستنتاج: السبوق تقدر اتخلق مضمر من العدم.....ولكن لا يستطيع المضمر أن يخلق من الردية بكرة سبوق

لهذ السبب أن أقول أن السبوق تشكل 60% والمضمر يشكل 40%
وفي عامل مهم يتحكم في مسار الموسم من بدايته إلى النهاية وهو الحظ

أتمنى أن الفكرة وصلت بطريقة أو بأخرى

تقبلوا مروري راعي الناصيه

راعي محنه

09-05-2008, 09:30 PM

مرحبا الساع ,,, السبوق اهم شي فالعزبه والسبوق هيه اللي اطلع لمضمر وتلقاه دوم متواجد على الشاشه ,,, في قصه مخبرينا عنها الشواب انه مضمر معروف ومشهور ويمطي ركاب الشيوخ في سنه من السنين ما الله عطاه سبوق مع انه يمكلك اغلا واحسن الركاب والحلا ,,,, حتى وصل فيه الحال انه قصد في حالته اللي لا يرثى لها ,,, قال الشاعر ويمكن حد منكم يعرفه وهو غني عن التعريف ...
يا عزبتن ما فيج ناموس ,,, الا خسارة جت وشعير
ما شفت ياللي تبعد الدوس ,,, وعلى الاوايل دايم تغير
قالت ركابك ما بها هيوس ,,, لا من بكار ولا من بعير
كود والا حض منحوس ,,, ولا مطاك يبغي تغيير
السموحه على الاطاله ,,,, عسى انها وصلة المعلومه وهاي من ناحيتيه انه السبوق هيه اللي اطلع لمضمر وشكرا

الهاوي

09-05-2008, 11:14 PM

تسلم العزف علي الطرح الجميل . انا في راي ان السبو ق هي التي تصنع المضمر لانه المضمر بدون سبوق مايقدر يوصل اي مطيه . والسبوق هي الي تشهر المضمر 100% لا تقولي مضمر . انا اعرف ناس عاديين والسبق عندهم دايم . بعد منو من المضمرين المشهورين ماعنده سبوق سو شريه او انتاج . وفي شي ثاني العزب الكبار في اي مكان عندهم 200 مطيه من حجه ولجيه وفيهن الزين والشين خله يقدر يطلعهن كلهن سبق مستحيل . اخر كلامي وسمحولي علي الاطاله ,السبوق هي التي تصنع وتشهر المضمر.........الخ الهاوي

راعي الشوط

09-06-2008, 05:12 AM

السبوق وبس ياراعي الأصايل @@ ضمها لو كان ما عندك مضمر

ناموس شحاني

09-09-2008, 05:43 AM

ع حسب معلوماتي

انت السبوق والمضمر

واذا وجدت السبوق >>لازم يكون هناك مضمر لكي

يسطر ع المطيه

وهذا رايي

راعية الدلوعه

09-13-2008, 08:00 AM

السلام عليكم ..

من وحهة نظري اقوول انه حتى المضمر والسبق ماايوون شي بدون الحظ .. الناس هالأيام تحسد وإلي يحسد غير ماايفلح ..

والسمووحه من الجميع

مبارك s

09-14-2008, 01:13 AM

بالتوفيق ان شاء الله...

راعي معالي

09-14-2008, 01:16 AM

انا اقول كلها لأن مافيه سبوق تسبق بدون مضمر
والمضمر مايسبق بدون سبوق

عاشق اعمار

09-15-2008, 02:09 PM

انا عن نفسي في خاطري
v
v
السبوق 70%
المضمر 30%

الــ 30 %

10% التدريب
10% الطعام
10% المناداه

كاسر التيم

09-26-2008, 02:29 AM

أشكركم على هذا الحضور الطيب منكم ومناقشة الموضوع والأختلاف في الرأي لا يفسد للود قضية ..

الكل مننا يرى أن الرأي الذي عرضه علينا هو الصواب

وبــ هكذا تحتمل الصواب وتحتمل الخطأ

من وجهة نظري أنا مع من وضع السبوق هي الأساس

وشرح ضاااري مع فزّاعيّة ميّة الميّة في محله

السبوق تشهر مضمرها وترفع من أسم العزبة

وأزيد على شرح أخوي ضاااري

نوعان للسبوق

النوع الأول :-

السبوق الذي تختل سريعاً مجرد تغير برنامجها

( يعد هذا أصعب شيء على المضمر بحيث لا يغير على برنامجها في شيء)

النوع الثاني:-

السبوق التي لا تختل سريعاً

( وهذي تساعد المضمر المتوسط بالنجاح وتواجده بين المضمرين ) وحتى أن غير شيء في برنامجها يكون إداءها في الميدان هو هو ما يتغير.

في الحاله الأولى لا تستغني العزبة من المضمر الممتاز

ولكن في الحالة الثانية فـ يمكن الأستغناء عن المضمر الممتاز ويحل محله المضمر المتوسط

هذا شأن السبوق أما شأن المضمر

المضمر الممتاز والمضمر العادي غير السبوق ما يقدر يسبقها نهائياً

في هذه الحاله المضمر الممتاز والعادي وجودهم واحد بدون السبوق

إذاً السبوق هي أساس العزبة

أترك لكم نقاش دار بين ( بن دري و جار الله ) وهذا النقاش كان آخر يوم في ختامي الشحانية لا يفوتكم

www.aljbeeb.com/video/151.rm (http://www.aljbeeb.com/video/151.rm)

هذا رأيي ي مضمر جامعي :d

وأكرر شكري للجميع بالمشاركة في هذا الموضوع

وعليكم السلام ورحمة الله وبركاته

كفيت ووفييت انت والاخوان ورايي من رايك والمضمر القدير هو الذي يعرف يتعامل من السبوق الحساسه ويعرف وش عليها من نقص وهنا يلعب دور الخبره والتمييز ايضا .... وكل شي اولا واخيرا توفيق من رب العالمين .

المطيري

10-05-2008, 11:51 AM

في هذه الحاله المضمر الممتاز والعادي وجودهم واحد بدون السبوق

إذاً السبوق هي أساس العزبة

أنا مع اخوي كاسر تيم ميه بالميه

ابوهادي

10-20-2008, 05:02 AM

اولا توفق الله سبحانه

ثانيا السبوق

ثانيا مكرر المظمر

عاشق المرموم

11-03-2008, 08:18 PM

التوفيق من الله +الميزانية المفتوحة +المظمر +ركاب سبق ونقوة +الأهتمام والملاحظة الدقيقة +التخطيط +صحة المطايا =عزبة ناجحة 100%100

راعي الغزال

12-17-2008, 11:15 PM

شكرا أخوي على طرح الموضوووع......
لكن الجواب من وجهة نظري بسيط ومايباله كلام ..
السبوق سبوق وين ماكانت وهي اللي تشهر المضمر ولو حطيتها عند العامل بروحه ويعرف أنها سبوق غصبن عنه بيهتم فيها لأنه السبوق تكون غالية عند الكل...
لكن اللي أشوفه وأرجو السموحة على وجهة نظري من اللي مايأيد كلامي أن اللي يقول المضمر هو الأساس >> هو أصلا مضمر ويحاول يسوي دعاية لنفسه
طبعا ماحد ينكر فضل المضمر على السبوق لأنهن مكملات بعض بوجه عام لكن لو حطينا نسبة لكل واحد >>>
السبوق = 90% & المضمر = 10%

والدليل على كلامي ... أغلب المضمرين المشهورين أصلا شهرتهم سبوق والله كتبلهم نصيب وتمو مايستودعون إلا اللي مشرايات بالملايين ... فشو تتوقعون من أمهات الملايين يسون في الريس؟؟؟
واسمحولي على الإطالة
ويا إخوان لاتنسون >>>>> الخلاف في الرأي لا يفسد في الود قضية <<<<<

راعي مشقى

12-20-2008, 09:06 PM

سلام عليكم . السبوق تبغى مضمر والمضمر يبغى سبوق عشان يطلع والكل يكمل الثانى

ابو جابر

01-07-2009, 03:43 PM

ناصر بن مسفر يتابع الاشواط ومرات كثيرة مايشتري صاحبت او صاحب المركز الاول

كذا مرة شراء المركز الثالث في اشواط القبائل وعندة شلن الشوط الاول في الشيوخ

مثل لطام اذن المضمر اول والسبوق ثاني وسلامتكم

":راعي عنيف":

01-11-2009, 04:12 PM

السبوق هي اساس العزبه لان السبوق وين متسير سبوق لوكانت عند ريال مايعرف الرشاب هي سبوق وتقبلو مروري

راعي عنيف

uuu

01-29-2009, 11:26 PM

القليصه اساس العزبه

راعي الهجن الصاعقه

02-08-2009, 05:29 AM

مشكورين اخواني

وبس قولكم كله غلط

مثلا يبت مضمر وعندك حلال كله هذاك الحلال يسبق لالالا

واذا يبت سبوق طال عمرك السبوق والله اروحى تسبق عمرها بس انته انسان نظم اكلها وشربها بس

اما المضمر مايشلها ولا يحطها كله واحد عندها البكره او قعود

وانا اعرف ناس يابو سبق بس بدون مضمريه ارواحهم ظمروا وسبقن امطاياهم

والمطيه بس نظم اكلها وشربها وفحصها من المرض ودخلها واذا هيه سبوق بتسبق بدون رمسه

وتقبلوا مروري

راعي الهجن الصاعقه

02-08-2009, 05:30 AM

وبعد صدقه اخوي يويويو

القليصه والعامل اساس العزبه

شاهين 10

03-16-2009, 12:23 AM

السبوق و المضمر معاً ..........

راعي النمر

03-18-2009, 12:15 AM

المضمر بعدين السبوق

راعي ميراج

04-05-2009, 10:00 PM

طال عمرك هي من خبرة المضمر القدير اللي مقاايس لسبوق ويرعاها ويعطيها الأهمية بشكل عاام المضمر يصنع إنجازات السبوق ب تضمير يريح السبوق وتكون بحاله أفضل و السبوق في نفس الوقت تظهر مهاارة المضمر في الركض والتضمير والتواجد في العزبة هو أساس كل شي أو بالأحراا العزبة هي أساس كل شيء سواء المضمر أو السبوق ومشكور على الطرح الرائع يا أخووي

راعي النمر

04-11-2009, 12:09 AM

مرحبا اخوي اذا موجوده السبوق بنفسه العزبه بتشتهر

مشكور على الطرح

راعي ميل

04-19-2009, 11:52 PM

والله السؤال محير شوي بس انا رايي انه السبوق هي الاساس الكبير في العزبه وهي اللي ترفع اسم المضمر وتشهره والمضمر الجيد هو يعرف السبوق ويطلعها في الميدان لكن ما يقدر يشتري بكره ويحولها لسبوق ... بمعنى انه السبوق هي تلعب الدور الاساسي في العزبه وبعدين المضمر و شكرا على هذا السؤال الطيب !!
(اللي ما عنده سبوق ... يمووووووووت حي)

راعي هملولة

04-29-2009, 02:56 AM

السبوووووووووووووق تريح اعصابك تشتهر ويشيع طاريها .......يا الربع يوووم عندك السبووووق غصب تكوون مظمر هي تعدلك الوظع كلة

عابر سبيل

05-05-2009, 12:26 AM

بسم الله الرحمن الرحيم

مشكور يالعازف على الموضوع اما بالنسيه من اهم يكون المضمر اولا او السبوق انا من وجهت نظرى< السبوق اول> لان المضمر الشاطر بدون سبوق مايسبق ابدا وكم من الناس اللى كانو في الساحه يسبقون وياخذون اشواط حساسه وياخذون كاسات في الدوله وبرع الدوله يتنازل مستواهم او يختفون عن الساحه ؟ لانه ماشى سبوق ويوم يحصلها تلقاه موجود وينافس ويوم تساله وين فلان عن الركض ؟قال انا موجود بس ماعندى سبوق قبل

المهم انا اقول وبصراحه وبدون زعل للجـــــــميع اولا السبوق

يوم عندك سبق لازم تنجز ويوم ماعندك سبوق ونت مضمر قوى ماتقدر تنافس العرب وتسبقهم

المضمر محتاج الســــــــــــــــــبوق وليس العكس

راعي الشكله

05-07-2009, 09:32 AM

اول شي لازم يكون عندك سبوق وبعدين مضمررررررررررررررر

الغربي123

05-12-2009, 06:21 PM

السلام عليكم تسمحولي بالمشاركه

الغربي123

05-12-2009, 06:23 PM

بعض المضمرين ترفعهم السبوك و البعض هوه الي يسوي السبوك يوم يحصله توفيق من رب العلمين

مضمر واتحدا

05-19-2009, 02:56 AM

السلام عليكم
مشكور يا العازف وانا مع الراي الي بيقول المضمر وبس المضمر وبس لان السبوق ماتسبق من عمرها
إذا السبوق اختلت مايمكن تسبق يعني اتفقنا انه لازم المضمر اولا
موب صحيح ان السبوق تبي تدريب واكل وتسبق السبوق تبي تركيز تبي واحد شاطر
وسمحو لي علا الطاله ولكم تحياتي:
................................................:. :..

عامري مافيه حيله

05-31-2009, 10:04 PM

المضمر:لانه يتحكم بالسبوق وغير السبوق وارجوا السموحه على القصور

عامري رقيص

06-01-2009, 01:09 PM

السلام عليكم اخويه العازف موضوعك فــــي غايه من الاهميه
بس المضمر يحتاي سبوق وسبوق تحتاي مضمر
وبعدين العزبة القوية لازم يكون فيهالاثنين
واشكركـ على هذاالموضوع مره ثانيه

خبره

06-05-2009, 03:15 PM

السلام عليكم ..

السبق ماتضهر الى بمضمر ومعزب واااااعد

ولا حد يلف ويدوووور ...

راعي مزاح

06-11-2009, 11:33 PM

اخوي العازف منور والموضوع حلو المشكلة غير معروفة ولا ترا السبوق موجودة والمضمر موجود بس بقولك اهم من السبوق واهم من المضمر التوفيق من العزيز الحكيم هو الاساس ودمتم وتقبلو مروري

راع الدردا

07-05-2009, 02:11 PM

شكرا على الموضوع / بالنسبه للموضوع اهم شي السسسبببوووق وبعدها المضمر لوجبنا سبوق عند مضمر وسط راح يسبق المضمر الممتاز اذا ماعنده سبوق والبتالي تروح سمعته ويصير مضمر فاشل .

Ali

07-21-2009, 11:47 AM

السبوق أول وبعدين المضمر بس أذا وجد مضمر بدون سبوق ميسوي شغل يعني أذا سبوق عند عليمي مره بتسبق ومره بترقم وماتفرط من الرقم ولكن أذا مضمر تعطيه قليصه ميب رقم وسمحولي وجهة نظر

نزال

08-07-2009, 12:13 AM

الأثنين مكملين لبعض ولكن السبوق اتساعد أكثر سياره بدون سواق ماتسير

راعيهن

08-28-2009, 01:10 AM

التضمير مربط
الاساس هو الاهم والمهم المربط الزين
السبوق تسبق لو عليها نقص
اذا ما تسبق ترقم
من وجهه نظري ان اهم شي بالعزبه
المطيه 70%
المضمر 30%

مضمر@طموح

08-28-2009, 02:40 AM

اللحين مافهمنا منو اساس العزبه ياريت حد يجيب آله حاسبه ويطلع لنا كم نسبه المضمر% وكم السبوق% نبي احصائيه

راعي الحذره

08-28-2009, 03:41 PM

الاساس هو التوفيق والحظ
أذا الحظ اوكيه يابلك السبوق وخلاك تقبلها وتسبق
وأذا الحظ باير خلاك ورا العرب

الـــــــــــعبداني

08-29-2009, 03:28 PM

بســ م الله الـــرحمن الـــرحيم
يعطيك العافيه على الموضوع الممتــاز وصـــراحه مــوضـــوع جيد
اما بنسبه بنسبه لتضمير اشوف الحين محد غشيم في التضمير
والساس التضمير تــرتيب العلف والتدريب الجيد وتكميل المطيه من النواقص
واما بنسبه لسبوق في سبوق وتخليك مضمر
وعلى سبيل المثال في العزبه مثلا خمس مطايا واحده سابق والثانيه رقامه والثالثه ماتجود رقم
وترتيبها واحد وتدريبها واحد ليش ؟؟؟

لا ن السبوق سبوق (( واســــاس العزبه )) هي (( الســبوق ))

مثـــال لو تجيب مطيه ماتجــود رقم وتعطيهاا مضمــر مشهــــور ومضمر شيــــوخ
وخله يضمرها وشوف شـــو بتسوي ؟؟؟؟

omarr1414

09-15-2009, 11:02 PM

اهلا وسهلا اخواني فيكم في المنتدى

العزبة الفوق جيدة لها ثلاثة اشياء اساسية وهي كالتالي :
1. توفر الاصيل وما ادراكم الاصيل.
2. التغدية الجيدة .
3. التدريب الجيد . مع المتابعة القوية جداً.

وسلامتكم وانتم اهل العرف ,,,,,,,,,,,,,

desertstar

11-25-2009, 11:44 PM

الســـــــــــــــــــــــــــــــــــــــبوق اهم من المضمر

والله ان السبوق اذا راحت من عندك قالو ماعنده سالفه مايعرف يسنع

واذا لقيت السبوق قالو هذا مافيه حيله مضمر رقم واحد

فخري سعودي

03-14-2010, 01:43 PM

اشكرك اولا والله الوسطيه تحتاج مضمر اماالسبوق من دون مضمر تسبق بس المضمر ينتبهلهامن العوق والضلاع فيكملون بعضهم امانسبيا السبوق60 في الميه المضمر40 في الميه

البرنساوي

03-14-2010, 01:47 PM

المضمر 40%
السبوق 40%
الحظ 20%

راعي غند

05-30-2010, 10:36 AM

السلام عليكم و رحمة الله و بركاته،
:

ما شاء الله، كما تعوَّدنا مِنك التميِّز في انتقاء المواضيع، و سـُؤالك هذا يُعتبر ( لغز )

بالنسبة لي، و بـِ مَجهود شخصي سـُأُحاول حلِّه إن شاء الله، و الأخوان ما شاء الله

ما قصَّروا في ابداء الرأي، و الحقيقة أن الموضوع ( مُتكامل ) و لا يخلو عُنصر من

آخر،

:

ســاس العــزبـــــة عبارة عن مُثلث برأيي المُتواضع كما هو مُوَّضح في الصورة،

http://www.aljbeeb.com/up/uploads/thumbs/aljbeeb-6a8e9d472b.gif (http://www.aljbeeb.com/up/uploads/images/aljbeeb-6a8e9d472b.gif)

و الاحتمالات على النحو التالي:

( الاحتمال الأول )

أن تكونَ على رأس الهرم ( السُبوق ) فـ بالتالي تحتاج إلى ( مضمِّر ) جيّد و ( نظام ) جيّد
( السبوق ) عنصر ثابت في هذهِ الحالة، و المضمّر و النظام مُتغيِّرين !

:

( الاحتمال الثاني )

أن يكون على رأس الهرم ( المضمِّر )، فـ بالتالي يحتاج إلى ( سبوق ) طبعاً جيّدة و ( نظام ) أيضاً
الآن ( المضّمر ) عنصر ثابت، و ( السبوق ) و ( النظام ) مُتغييرين !

:

( الاحتمال الثالث )

أن يكون ( النظام ) على رأس الهرم، فـ بالتالي العزبة تحتاج إلى ( سبوق ) و مضمِّر جيّد
إذاً ( النظام ) ثابت .. ( المضمّر ) و ( السبوق ) مُتغييرين !

:

النتيجة،

أعتقد ( السبوق ) هي الأساس، و اعتقد وجودها في عزبةٍ ما هبة من الخالق - سبحانه -

و نسبة كثيرة من المضمرّين تجعل المطيّة شمّاعة يعلّقون عليها أخطاؤهم، و يتحججون بهذا الشيء.

:

ــــــــــــــــــــــــــــــ هذا و الله تعالى أعلم.

وانا اوفق فزاعيه الراي وتسلم على هالموضوع

ذيبان

07-26-2010, 05:38 PM

السبوق هي دليل المضر اذا وجدت تعرف مكان المضمر وين كل مازادت قوة السبوق ترتفع مكانة المضمر يعني سبوق ومضمر في وقت واحد واللة اعلم

ذيبان

07-30-2010, 03:58 PM

بسم الله الرحمن الرحيم
الحمد لله والصلاة والسلام
على نبينا محمد صلى الله عليةوسلم
(مجرد اقتراح)
اقترح ان يكون فية لجان مشتركة من جميع اتحادات الهجن الخليجة قبل كل سباق ختامي وان تكون هذة اللجان مسئو لة عن فحوصات المنشطات ون تخصص مختبرات مستقلة تحت اشرافها وان توزع نتائج الفحوصات على جميع اللجان دون تحيز واضهار نتائج الفحص السلبي ونوعية المنشط وذكر اسم المنتج حتى نعرف ماهية المنشطات المحظورة والقير محظورة حتى تزول الشكوكات والاتهمات واللة الموفق

نواف المري

08-05-2010, 01:48 AM

انا من وجهة نظري ان السبوووووق هي اللي تخليك مضمر واعرف ناس من اول سنه دخولهم للهجن حققو مراكز متقدمه وسيارااااات بعد ...لان السبوق محتاجه للغذاء والتدريب الجيد وهذي كل المضمرين يسوونها يعني من ممارستي 95% السبوق و5% النظام الغذائي المتبع من جميع المضمرين وتكتيك الشوط ومعرفة المطيه الدفاعه وكيف التعامل معها والاحاقه وكيفية استخدام طاقتها في كيالو السباق

وسلامتكم