مطية تشرب الماء وايد

[مقصص]

السلام عليكم ورحمة الله وبركاته

يالربع عندي قعود ( حج ) المشكلة عندي وياه في الماء إذا يشرب الماء وده يغوص فيه يشرب ماء وايد
وإذا راح الدورة بعد ماخبة 3 ك أوقف المطايا شوي يرتاحا يتم يحفز بعدها أكمل 3 ك

وشو الحل في الماء سمعت أنه له وسم للمطية إلي تشرب ماء وايد

وجزاكم الله كل خير

[الامير]

لا اخوي المطية الاتشرب ماء واايد زينه يعني صحتا اوكيه وفي اغلب الامور المطية الدفووع هيه الاتشرب ماي واايد والله اعلم

[نواف المري]

الجو حار للحين الحلال يشرب واجد بعد اسبوعين ثلاثه بيقل الشرب

[الهجان_الكويت]

هذا شي طيب ونا عندي قعود مثله اخوي المطيه الي تشرب شرب قوي هذا دليل على صحتها اكذلك الي تاكل بسرعه هذا شي طيب ومن ناحية الحفوز دليل ان بطن القعود فيه ليونه مو جااف انصحك لا تلعب في القعوود وفالك التوفيق

[مقصص]

جزا الله خير الأخوان على الإفادة

لكن أخوي الهجان_الكويت

صحة القعود طيبة ولله الحمد

لكن شربه الماء الكثير مع حفوزه كل يوم تنقص عنه المعادن ويرتع دمه الشوي وهذا إلي طلع في التحليل

وشو نصيحتكم؟

[الهجان_الكويت]

اخوي مثل قعودي وسئلت خبراء ي هالشي وقالو كلهم هذا من صالحك وجميع المضمرين يرتاحون عندما يشوفون مطايهم تشرب شراب طيب وتاكل علف طيب من ناحية الحفوز يحفز شي بسيط بعض الاحيان ولما تروح تحفز المطايا هو اول ما يحفز لاكن ما بنهار بشده صح ولالا ؟؟ اذا كان بشده افحص باطنبه الفعود ممكن معاه كوكسيديا او ديدان ومن ناحيه الدم اذا ارتفع شي طيب افضل من النزول ولاكن قبل السباق بيومين عطه املاح عشان يساعد في تنزيل الدم نسبه بسيطه .. اخوي كذلك تأكد يمكن فيه جفاف لان قعودي معاه جفاف وبعض الدكاترة يطلقون عليه اسم ضغط في الدم والمعدل الطبيعي بين 50 الى 75 وهو معدل يتعلق في ضغط الدم اذا ارتفع الى 90 صعب المطيه تجيب ركضها وهذا الي حاصل معاي في القعود ..... هل القعود فيه خووووووف ؟؟؟؟؟ معلومه كثرة الحفوز تسبب نزول في الحديد خلك دائما متابع للحديد اهم شي وبالتوفيف ان شاء الله

[راعي بدية]

أخوي تأكد أن الماء اللي يشربه القعود نسبة الملوحة فيه طبيعية و أن ماتزيد جرعات اأملاح كثير أو تستخدم شي من مقويات العضلات اللي تتطلب زياة امتصاص الجسم للماء

والا القعود ما يشكي باس

[راعي بارود]

اوسمه عن الفيار والفضاخ وان شاء الله بيفتك من الحفوز

ورتبله كورسات من البي ون

ويعل فالك الناموس

[desertstar]

الاخوان ماقصرو جاب المفيد الله يعطيهم العافيه