.: قعود أمه بنت صوغان و أبوه شاهين الكليلي :.

[راعي صوغان]

بسم الله الرحمن الرحيم

السلام عليكم ورحمة الله وبركاتة

خواني الأعزاء ...

في عندي قعود معروض للمزاد أو البيع ...

معلومات القعود :

إسم الأم ونسبها : أمه إسمها صفيرةبنت صوغان

إسم الأب ونسبه : أبوه أشهر من نار على علم البعير شاهين الكليلي

تارخ ولادة القعود : 21/ 03 / 2008م يوم الجمعة العصر ..

إسم القعود : الصاروخ بن شاهين الكليلي .

البيع لأعلى سعر معروض ... او إذا وصل القيمة المطلوبة .

مكان العزبة : العين - مزيد .

مكان التسليم : 1- العزبة -2- حسب الإتفاق مع الشاري .

صور القعود :

http://ma7room.org/up/images/4quezu3x9jxrpkpoxnpg.jpg (http://ma7room.org/up/)

http://ma7room.org/up/images/3ggki6pfz0p5yayyiv9.jpg (http://ma7room.org/up/)

و اللي عنده سعر يبي يعرضه ولا يبي يتفاهم على التلفون يبلغني على الخاص برقمه و الموضوع و السعر ...

وما يصير فالكم إلا طيب ...

ونبداء بسم الله ..

للجادين فقط فقط

[مجد التراث]

الله يبارك القعود زين والذهب دوم سعره عالي

والسموحه على المرور السريع

[فالك الناموس]

الله يوفقك في بيعه

[راعي صوغان]

ما تقصرووون ...

[راعي الأوله]

السلام عليكم

ابداء بــ 15 ألف

[راعي صوغان]

ما تقصر أخوي ... ونشوف اللي بعدك كم بيعطنا فيه ...

[الطائف]

مشاء الله عليه

لكن عندي سؤال اخوي امه منتج

[راعي صوغان]

منتج شو ؟؟؟؟؟؟؟؟

[حكومة بن جتب]

الله يوفق البايع والشاري

[راعي صوغان]

ما تقصر أخوي ...

[أصايل]

بالتوفيق لجميع

[راعي مبلش]

الله يبارك لك فيه

[راعي صوغان]

من يزيد فوق الـ 15 ألف ...

[راعي صدمة]

الله يباركلك فيه

[راعي صوغان]

ما تقر اخوي الكريم ..

للرفع من يزيد على 15 ألف ؟؟....>

[الشهواني]

ماشالله علية,,,,,,,,,,الله يوفقك...الصراحه القعود (مااااااركه)

[بنت دبي]

بالتوفيق *-*

[راعي الشاهينيه!]

بالتووفيق ان شاء الله

[راعي صوغان]

للرفع ....

[راعي نجد]

اخوي اذا ولد شاهين شيبه لك فيه 16الف كاش

[راعي صوغان]

ولد شاهين الشيبة ... جان تباه طرش رقمك أخوية .. لان حاليا في شاري يا يكون من نصيبك ولا من نصيبه

[راعي صوغان]

محد بيشتري ؟؟

[ابو سعود الفهادي]

الله يوفق البايع والشاري

[فزّاعيّة ميّة الميّة]

الموضوع أصبح ساخن جداً، يا ترى من نصيب من بيكون !!! :)

ــــــــــــــــــــــــــــــــــــــــــــــ الله يوفقك أخوي في البيعة الطيِّبة.

[عاشق اعمار]

وشرايك بــ 30000

[عاشق اعمار]

رد علي انا فرقت السوم

[راعي صوغان]

أخوي عاشق إعمار مبروك عليك الشهر و القعود أرسل لي رقم تلفونك على الخاص عشان نتفق ...

ومبروك عليك اخويه الكريم ...

[فالك الناموس]

مبررروك والله لايخسرك أخوي

فالك النامووس

[راعي صوغان]

أخوي فالك الناموس ما قصرت نتريا أحين رد الشاري ورقمة ...

[راعي صوغان]

وشرايك بــ 30000

رد علي انا فرقت السوم

أنا أتريا ردك اخويه عاشق إعمار الرجاء أخذ الموضوع بجدية ...

ودمت ...

[عاشق اعمار]

اخوي طرشتلك رقمي ع الخاص والسموحه منك ع التأخير ...

اترياك...

[راعي نجد]

راعي صوغان

لو انته تبي تبيعه القعود كنت بعته

ليش تقولي طرش رقمي وانا طرشة رقمي وانته ماتصلت

تم لاتخرط ع رجاجيل

حط رقمك والعرب بيشترونه

اما تلف ودور احن مب فاضين حق سوالفك

[راعي صوغان]

ما تقصر اخوي ورقمك وصلني و بطرش لك رقمي على الخاص موفق

[راعي صوغان]

أخوي رقمك وصلني و السموحة منك انا نسيتك وهذا الشهر المبروك افا عليك على الساعه خمس بتصل لك وبتفاهم وياك لاكن احين انا عطيت الريال كلمة وسمحلي اخوي والله نسيتك .... وجل من لا يسهو ...

[راعي صوغان]

و لاني أبي أبيعه وجدي ... هذا رقمي : 0508155539

وهذا رقمي إثبات للي يبي يشتريه يتصل فيني ...

[فزّاعيّة ميّة الميّة]

قولوا لا إله إلا الله :)

عسى خير، و اللي له نصيب بياخذه، و كل شيء بالتفاهم يصير :)

:

الله يوفقك يا راعي صوغان بالبيعة اللي تفرِّحك، و تسّر خاطرك،

سهّل ع الأخوان الموضوع ربي يبارك بعمرك ..

[راعي صوغان]

ما قصرتي مشرفتنا العزيزة أصيلة طويلة العمر ...

[دهـــام]

السلام عليكم بدون لف ودوران .. اذا بتبيع القعود ب 17 الف انا شراي وجاد والله
هذا رقمي واتصل علي وشكرا ... 0503312388
والله يكتب اللي فيه الخير للجميـــــــــــــــــــــــــــع *_^

[أكسجين العين]

السلام عليكم ..

اخوي راعي صوغان ابتاع القعود ولا لا؟؟

اذا ما ابتاع انا بشتريه ب 20 ألف وجاد ..

ارجو الرد..

[الشيخ شبلي]

15000 اذا كان وافي ومافيه اي شي

[alsogour1500]

اخر اخبار القعود يا جماعه
ابتاع والا باقي الى هالحين

[دهـــام]

الله يعلم يالغالي .. وتقبل مروري

[راعي صوغان]

الريال ما رد علية و آخر سومة اللي يباه بـ 20 ألف أنا مسافر يوم السبت الفير وما ابي اسافر والحشي تحت امه أبيها تتنوخ ...

اللي يباه يرد لي خبرعلى : 0508155539 أو على الخاص ...

[راعي صوغان]

الرجاء من الإدارة الكريمة إغلاق الموضوع تم البيع بحمد الله ...

[مبارك s]

بالتوفيق ان شاء الله

[عزوتي حمدان]

وعليكم السلام ورحمة الله وبركاته




الحمدلله والصلاة والسلام على رسول الله وعلى آله وصحبه أجمعين



بي



(((خمس طعش ألف وستمية ))):eek::eek:

[راعي بنات صوغان]

الله يوفق البايع والشاري

[راعي نوفا]

نبغي نسوم بس وين الصورة

[راعي لطامه]

الله يبآرك للبآئع والشآري


تم اغلآق الموٍِضوع القعود ابتآع و الله يرزق مآلكه الجديد ويبآرك للبآئع