ماهو علاج الاحتكااااك؟؟؟؟؟

[راعي لطامه]

السلام عليكم ورحمة الله وبركاته

كيف حالكم يالربع

اغلب ملاك الهجن يعانون من احتكاك ايدي او ارجل المطيه مع بعض؟

واغلبهن يجيب دم والاحتكاك يكون اسفل يد المطيه او على الركب من الداخل

الايدي والارجل ؟


ماهو سبب الاحتكاك ؟ هل هو اجهاد في التمرين؟ او نقص املاح؟ او نقص؟


اتمنى القى الجواب هناا


وضعت 3 صور للتوضيح وضعت علامة دائره في مكان الاحتكاك حتى يمشي الدم.

مع العلم ان الاحتكاك ضرب يدين المطيه في بعضها وهي تدرهم او تمشي

اتمنى فهمتو اللي اقصده؟

http://www.aljbeeb.com/up/uploads/thumbs/aljbeeb-ff835c4c0e.jpg (http://www.aljbeeb.com/up/uploads/images/aljbeeb-ff835c4c0e.jpg)

http://www.aljbeeb.com/up/uploads/thumbs/aljbeeb-4b371028c5.jpg (http://www.aljbeeb.com/up/uploads/images/aljbeeb-4b371028c5.jpg)

http://www.aljbeeb.com/up/uploads/thumbs/aljbeeb-5525ef6f0d.jpg (http://www.aljbeeb.com/up/uploads/images/aljbeeb-5525ef6f0d.jpg)

انتظر الاجابات ويعطيكم العافيه

[فالك الناموس]

أن شاء الله أخواني لي في المنتدى بيفيدونك

لي عند عندهم خلفيه عن هذا المووضوع

وسلمت

فالك الناموس

[فزّاعيّة ميّة الميّة]

و عليكم السلام و رحمة الله و بركاته،
:

بحثت لك في هذا الموضوع و لكن ( للأسف ) أتمنى أحد من الأخوان يفيدك أكثر

و المناطق المُشار عليها في الصورة = ( مفاصل ) و مع جفاف الجلد يحدث

التسلُّخ في البشرة عادةً، و مع تعرّضها للرطوبة أثناء التسلخ يزيد الأمر سوء !! بس إيّاك تستخدم أي مطهر للجلد.

ــــــــــــــــــــــــــــــــــــــــــــــــــ ـــــــــــــ مبدئياً جرّب الفازلين، و الله تعالى أعلم.

[الدكتور]

و عليكم السلام و رحمة الله و بركاته،
اشكرك على الموضوع المهم سبب الاحتكاك او الدق 1:نقص نحاس 2:نقص المعادن النادره والتى لاينتجها جسم المطيه بنسبه الاحتكاك الخف اليد برجل .

وبنسبه الاحتكاك العراقيب او الركب 1: كثرة الصعوط النباتى مثل زيت سمسم و الزيتون
2:وجود المطيه فى ارضيه غير مستويه و رمله مما يسبب ليان رجل المطيه .
وعلاجه الفيتامينات الطبيعيه (الاعشاب )

[راعي لطامه]

يعطيكم العآفيه ماقصرتوو يالاخوان

فالك الناموس وفزاعيه عساكم ع القوه


اخوي الدكتور

تقلع لاج هالفتامينات الطبيعيه الاعشاب

ياليت اخوي تقولنا وش الاعشاء المناسبه للأحتكاك

لان الان مايقارب 5 من مطاياي فيها الاحتكاك مع العلم

ان المربط مستوي ولافيه اي شيء ويتكنس ويتساوى يوميا

لكن الاحتكاك فقط اذا راحت التدريب سواء مشي او درهام

تحياتي

[أصايل]

موضوع مهم قد طرحته

واتمنى ان تستفيد من الردود

وان شالله تنال العلاج المناسب

[العازف]

الدكتور ما قصر وبيض الله ويهه

الأغلب يستخدم حبوب النحاس

[بنت ابوها]

العلااج الله يسلمك الوسم


هذا الي سمعته ^_^

[بنت ابوها]

وسبب الاحتكاك يمكن يزيدون عليهن التمرين والمطيه ماتحمل ...

[راعي لطامه]

يعطيكم العافيه ماقصرووت


اخيو العازف ياليت تحطلي اسم الحبوب

عندنا فقط ابرر وجربتها ماتنفع :(:(:(

[هشام]

سبب الدق
1/ اما قل جهوز
2/او ان المطيه منزوفه بالتدريب اذا كانت منزوفه برد عليها وعطها دبس

[راعي لطامه]

يعطيك العافيه اخووي هشآم

ماقصرت يالغالي


سلمت يدينك

[حكومة بن جتب]

السلام عليكم

سبب الدق
تجهد المطيه ولا تعوضلها قوتها


ويوم تبا تعدلها اول شي
عطها كالسيوم وحليب وبيض مدت ما يقارب شهر
وسر عليها سير خفيف اذا ما تبا تريحها
وعطها في الشعير ذره سودانيه
ودبس مع التمر

وان شاء الله بيخوز الدق عنها


السموووحه

[راعي لطامه]

حكومه بن جتب

عساك ع القوه ياغالي

ماقصرررررت ولا قصروو الاخوان

مالكم الا بياض الوجه فديتكم

[الهجان_الكويت]

حبووب النحاااس مجرب

[ناموس شحاني]

يعطيكم العفيه كلكم

ومعلومات الجديده

[نجم ملاقط]

أخوي أن السبب الرئيسي في الاحتكاك هو ضعف في جسم المطية وأنته الدرب أكثر من الازم أول شي خف التدريب وشبع في العيشه وشوف التحسن ولو لا حظة في المقيض ما تشوف هذي المشاكل ومن يزيد التدريب ويبداء التضمير تظهر هذي المشاكل

[راعي لطامه]

يعطيكم العافيه ع الردود

[حشيم الأطباع]

اذا بتركضها دهنها بفازلين

[عاشق المرموم]

الأحتكاك من اسبابة نقص معادن صلبة والمعادن الصلبة موجودة في سمن حليب البقر عليك بالصعوط المطية تحتاج صعوط طول فترة التدرب والسباق وانا متأكد من النتايج

[راعي لطامه]

ووافي ياعاشق المرموم

عساك سآلم

[alameri]

السلام عليكم

عندي نفس حالة العام و سبب ر ئيسي هو أن تكون مطية ضعيفة بمعنى نوع من هزال و ضعف جسمي للمطية

*=== (( ما يلفظ من قول إلا لديه رقيب عتيد )) ===*