برنامج للفطامين

[ابو فهد]

السلام عليكم ورحمة الله وبركاته ...

الله يجزاكم خير وكل عام وانتم بخير رمضان على الابواب ..

نتمنى وضع جدول خاص بالفطامين التدريب كم كيلو + العلف مثل خلطات الفطامين شكلان

وغيرها ومقدار الشعير والجت ومواعيد العلف + الفيتامينات ومقدارها واسم افضل الفيتامينات

نسأل الله التوفيق والسداد لتعم الفائده ولكم منا جزيل الشكر وجعلكم الله من اصحاب الجنه ..

[مضمر جديد]

موضوع يستحق الاهتماام مشكوور اخوي الله يوفق الجمبع ان شااء الله الاخوان اهل الخبر ماراح يقصرون وبارك الله في من يفيد ويستفيد تقبل مروري

[الهجان_الكويت]

هلا وغلا بخوي ابو فهد الفطامين كل شخص وله ترتبيه الخااص
لاكن الفطامين ما تتحمل التعب او الخلطات لانها بعدها صغيره الفطامين تبي تدريب خفيف وشبعه
يعني الشعير وجبيتين مقااس 900 الجت من 3 كيلو الى 4 لانها حاليا بدانا بدخول سهيل تعتبر حقه التدريب يفضل درهام وجبه وحده فقط والعصر مشي وفالك التوفيق
معلومه الفطامين ما تتحمل الفيتامينات والخلطات بعض الاحيان تكون عكسيه
اهم شي حافظ على دمها وحديدها وفالك التوفيق

[ابو فهد]

الله يجزاك خير يالهجان ومعلومات قيمه فالك التوفيق ..

[راعي مقصص]

كلامك مافيه اشكال الفطامين مايبالهن كظه بدوب ومشكور عالمعلومه الطيبه