سجل حضورك ببيت او بيتين يخصن الركاب ..

[راعي المعاني]

السلام عليكم والرحمه ..

شحالكم يالربع ؟!!

الموضوع امبين من عنوانه...

انك تدخل وتسجل بيت ولا بيتين يخص الرجاب ولا البواش .,.

ويالله نريد نسمع شعركمـــ ...

[بن شـــهـــوان]

أن كان تبغي السبق متواصل ................ نوخ لشاهين وعياله

[ضااااري]

يوووووووووم ماعندك سبوق أتموت حي......لاولاخبرك على الشاشه يبيييييين

[راعي جواهر]

وين بلغالي مثل شوده...........ولا دمعه يوم تختالي

[الشاعر]

فيها الرجى والظن موجود ......... مالعام يوم انها حواره ؟

نشلا اللحم والبد ميرود ........... وكن فمناكبها كباره ؟

ان سرحت والشوط محشود ....... الها على لول جساره ؟

متلده والفحل سلهود ........... وشاهين يسقيها بغزاره ؟

[العازف]

الله عليك يا أبو سيف

ان سرحت والشوط محشود ....... الها على لول جساره



تسلم على هذي البيوت الجميله

[أصايل]

موضوع سيصبح موسوعه لاجمل أوصاف الابل الشعريه


فرعـاً سنيـدن مـارق غاربهـا
خفاقـتـن حسكيـتـن جـلالـه
وطيفتـن لا موحـت بخفوفـهـا
من كبر ما طاهـا تثيـر الهالـة
مكنورة الفخذين راهيـت النحـر
وطفـن بإيدهـا تعسـم الغيالـه
آذانها من فوق هامـة راسهـا
مشـوذر رحيـان ابـو دقالـه

[الشاعر]

من بنات الريح فقره وندفاع ......... ومن وصوف الريم في خفة لحمها ؟

حلوة الباهر وبيطنن وساع ,,,,,,,,,, والمناكب ساريه شرع علمها ؟

ندبرت كنك بساعات الوداع .......... ونقبلت ينزاح عن نفسك المها ؟

كنها عذرى تخلت مالقناع ....... مرحبا تسبق قبل خطوة قدمها ؟

[هـــــواوي]

مشكورين على هذا الموضوع ويقول الشاعر:


السبوق تريح اعصابك.......لو على ثيابك تعشيها

[#راعي الذيب#]

لي مايعانيها ابجادي
مينال ناموسن ايريده


والسموحه

[أحمد خليفه بن مترف]

من التراث في بكرة صاحب السمو الشيخ محمد بن راشد آل مكتوم

(مـــحـــنـــه)

مهرجان دبي وحشووده == خافيات الشعر حركا

اشعلت فا الخافي ابنوده == بكرتن شدت معاركا

شاذه با الأسم مفنوده == ميم حا والنون شاركا

اشردت با الرجبي اشروده == تلتذع لا شي يدركا

ليّته لخطام معقوده == والعصا خايف يحركا

علها لفراح معيوده == راية الناموس تملكا

[نزال]

أبغي سبوق تطوي المياديني @ لاشفتها ماظن أنك تخليها
أبغي كما عمار تملي نظر عيني @ اتسابق البرق وعيني تراعيها