تكفون يا اهل الخير

[عاشق اعمار]

بسم الله الرحمن الرحيم
السلام عليكم ورحمة الله وبركاته
ياخوان شما عندي قعود يسعل عالجته بدوا الدختر ولا يابه شي عطيته كركم وزعتر 12 يوم وبعد مافاد شو الصرفه فيه هل هناك وسم له ولا علاج ثاني تكفون والشيمه تيملوا ياهل اليميله...
شـكــ وبارك الله فيك ـــرا لك ... لك مني أجمل تحية .

[راعي لطامه]

وعليكم السلام ورحمة الله وبركاته

هلآ اخوي عآشق اعمار

اعطها ابرة ترميسين يمكن فيهآ نحآز وع العموم الابره لجميع انواع السعال

واذا مافاد اصعطه بعلبتين زيت سمسم

بس اول الابره وشوف النتيجه

واذا مانفعت عليك بزيت السمسم وهو بيأخر المركاض الزيت

[عاشق اعمار]

وعليكم السلام ورحمة الله وبركاته

هلآ اخوي عآشق اعمار

اعطها ابرة ترميسين يمكن فيهآ نحآز وع العموم الابره لجميع انواع السعال

واذا مافاد اصعطه بعلبتين زيت سمسم

بس اول الابره وشوف النتيجه

واذا مانفعت عليك بزيت السمسم وهو بيأخر المركاض الزيت
تسلم اخوي ع المرور لكن انا بجرب الابره وعسى ربك خاز عنه السعال

[مجد التراث]

اخوي عاشق اعمار كان عندي قعود مثله من يوم هو فطيم لين لقي ما نفع وياه شي
استوى فار تجارب وبعته لا كنه كان القعود يوم يمشي اكثر من كيلو يسعل تقول شرقان
انا اقول ان في البلعوم ناشب شي سوله ناظور

وتقبل مرور

[أصايل]

تبادل رائع للمعلومات بارشادات نافعه
جميل ان نرى هذا التكاتف

[عاشق اعمار]

مشكورين ع المرور وعلى العلاج الطيب وبيض الله وجيهكم...

[راعي لطامه]

ووجهك اخوي ماسوينا الا الواجب فديتك

وعساه تعافى اخوي

[ناموس شحاني]

ييعطيك العافيه والله
وهذي من المعلومات
الجديده

[عاشق اعمار]

تسلمون خوان شما ابشركم القعود صح الحمدالله عطيتها زيت السمسم وعطيته ( صبر ) ..

[راعي الجاسبي]

السلام عليكم عطه حليب دفي و كركم وعسل أودو الطفل مل سعل

[نزال]

دواء السعال البشري لمدة 3 أيام