مخاوين شما

[راعي سراب]

عندي بكرة ماتاكل شو علاجها مع اني عالجتها بس مانفع العلاج

ووسمتها ومافي فايدة

شو علاجها

افيدوني جزاكم الله خيرا

:confused:

[أصايل]

ستجد كثيرا من المواضيع المطروحه بهذا الشأن والتي ستفيدك باذن المولى

ونأمل ان تتعافى بالقريب العاجل

[فزّاعيّة ميّة الميّة]

و الله يا خوي مادري !! عطها شيء يفتح الشهيِّة ( حبوب، فيتامينات، زيت كبد الحوت، ألخ )

إن شاء الله الإخوان ما بيقصِّرون، و ما لك غير طيبة الخاطر، و لا باس عليها إن شاء الله.

[راعي لطامه]

اخوي راعي سراب

اذا كانت البكره سمين يمكن شبعه وخصوصا اذا كانت مريحه

اما اذا كانت هريان وماتاكل عليك بفاتح الشهيه تلاقيه في الصيدليات البيطريه

اما ااذا كانت اذا ريحتها تاكل واذا دربتها ماتاكل

عليك بالشبك حبيب قلبي لان مافي فائده منها


مافيه وسم للآكل ولا كي للمطيه اللي ماتاكل اخووي

تحياتي

[العازف]

عليك بالقرط دقلها قرط وعطها وان ما نفع وياها يمكن من اللقوب

بتستفيد أكثر من هذا الموضوع

http://www.aljbeeb.com/vb/showthread.php?t=612

[راعي سراب]

مشكورين على جميع الردود الطيبة ((بس))
ياالربع البكرة سبوق وغالية علي وقطعة الاكل من فترة طويلة والبكرة مهب سمين ولافيها اللقوب ولاتسير لانها مهب صاحية مع اني اعطيتها فاتح الشهية ولاكلت ووصفولي ابرة في الوريد وماأدري اعطيها ولا لا .
وياراعي لطام فشيتها في شبش البوش بس اهلكت وماكلة بالمرة لاني في الرشاب في بعض الاحيان اطحن الها الاكل وغرها اياه .
والله لنها محيرتني

[الشهواني]

السلام عليكم ـــــــــــــــ .

أخوي راعي سرابه ,,,

أول شي ترى بعض الهجن وخاصة أثنا التدريب أو النفحيم مايكلن وهذ شي طبيعي((بعض الهجن)) ...

فيه حلوووول للمشكلة هذة ,,,

مثل البكرة إلاي عندك أشوف الشي إلاي تأكلة كامل ماعندها مشكلة فية تحاول الزيد

ف نسبة الكمية عشان التعوض ف الاكل إلاي ماتكملة كامل أو ماتاكل مووووووول ,,,

أو أخوي راعي سرابه ,,,

الطريقة الثانية تعطيها شاي ,, مثل تفوح الشاي تقريبآ نص ساعة بس يكوووون الشاي

بودر مب الورق إذا خلصت النص ساعه تنتظر لين يبرد وعقب تأخذ الشاي وتخلي

البودر وتعطيها الشاي::::::أسال مجرب ولاتسأل طبيب

والسموووووووووووحة إذا أطلت ف الموضوع ,,,,

والله يوفقك باخوي راعي سرابه

[حكومة بن جتب]

اخوي راعي سراب

دورلك بقعه نظيفه وفيها رمث وقاف بقعه عدله
فجها يومين خلها طلق وطالعها عقب نص المطايا
جيه لانهن يضيقن من ها الشي جرب ولا انك تصعطها
من ها الدويات تسملها جبدها


والسمووووحه

[مجد التراث]

بشر يا راعي سراب رب البكره بخير ما اروم اوصفلك شي يضرها


بــــــــــــــــــــــــــــــــشــــــــــــــــ ــــــــــــــــــر

[راعي سراب]

البكرة على حالها ياذيب القوايل

[مسربلان]

عليك بتحليل الدم و الله يعزك بعرها

[الدكتور]

السلام عليكم ورحمة الله وبركاته تحيه طيبه

عليك ان تحلل المطيه وانصح بدواء الكوكسيديا حتى ان لم تطلع فى التحليل واذا كنت عاطى فلا داعى

وانصح بابره موجوده فى العيادات وضيفتها توسعة المصران وبعدها اكياس مشهى المعده
او زيت السمسم بدل الابره
واشفاء من الله

[المهندس]

اول شي طالع المطيه من لغوب في ثم المطيه
ثاتي شي الفحص الشامل
ثالث شي ريحها من تدريب شوي

[نزال]

تحياتي للجميع ياراعي سراب البكره فيها أنزيم كبد % أقطع البودر ألي تستخدمه لها لأنه يوجد به مادة السيلليوم وبعدين طال عمرك فيه علاجات شعبيه مثل الحرمل أو الكركم أو الشاي وفيه أشياء ثانيه بس مانصحك بها أو عندك في الصيدليه علاج جيد جداً بس نسيت أسمه ولكن غرشته بيضا وأغطاها خضر ريح البكره وقطع منها ألي قلت لك ومشها بعد مايتحسن أكلها من بعد العلاج والله يعطيك العافيه