استفسار

[العفريت]

السلام عليكم يا خوانا استفسار شو احسن حل مع البكرة الدفوع في الركظ تدفع بس وفي لمفحام ركظها طيب مع الحشوان وهي سنها توها صافرة حجة .
بس هي من مسافة كيلو وميتين اتيب راسة تنفرد وتسبق.
واذا كان ركظها من كيلونص تنافس الين مسافة 1300 من بعد هذي المسافة تبرد تيب 4
ومن كيلوين تنافس الين كيلو ونص ومن بعد الكيلو ونص تبرد عنهن .
بس هي خاصتا في الركظ تدفع وفي المفحام راكظها طيب من بعد مسافة الكيلو ميتن .
بس نبا ناخذ رايكم وحلولكم في الموضوع .

[فالك الناموس]

لاهنت أخوي أن شاء الله أنه أخواني بيفيدونك

في هذا الموضوووع

فالك الناموس

[أصايل]

تمنيت لو يمكنني افادتك لكن لم يسبق لي ان رأيت مثل هذا الطرح

في انتظار الرد من ذوي الخبره

[راعي عالية]

السلام عليكم ورحمة الله وبركاته....شحالكم يا مخاوين شما ....عساكم بخير ....ما عليكم زود في التضمير...... في مرة جربة إنك تغيرها ليلة الركض....هب شرط إنك تغيرها مسافه طويله....جرب إنك تغيرها من 300متر لين تطلع من الدورة ....بس بشرط إنك ما تكون تحفزها قبل الركض بيومين ...يعني إذا كان الركض يوم الجمعة حفزها يوم الخميس وغيرها من 300 متر والعصر بتروح بتمشي كيلوين .....وشوف إلي بيتغير....على حسب التغير بتقدر تعرف وبتتضح عندك الصورة عن البكرة شو تبا....وإذا بغيت طريقة ثانية أخف على البكرة إذا هيه ما تحب التعب حفزها يوم الأربعاء والعصر بتمشي...ويوم الخميس خلها مرتاحه في العزبة والعصر خلها تسير كيلويين وهيه راده كلها تخب..... ونصيحه مني حاول تركز في التغيرات إلي بتسويها البكرة لن التغيير هوه إلي بيوضحلك الصورة والشي إلي تباه البكره.....والسموحه

[العفريت]

السلام عليكم ورحمة الله وبركاته....شحالكم يا مخاوين شما ....عساكم بخير ....ما عليكم زود في التضمير...... في مرة جربة إنك تغيرها ليلة الركض....هب شرط إنك تغيرها مسافه طويله....جرب إنك تغيرها من 300متر لين تطلع من الدورة ....بس بشرط إنك ما تكون تحفزها قبل الركض بيومين ...يعني إذا كان الركض يوم الجمعة حفزها يوم الخميس وغيرها من 300 متر والعصر بتروح بتمشي كيلوين .....وشوف إلي بيتغير....على حسب التغير بتقدر تعرف وبتتضح عندك الصورة عن البكرة شو تبا....وإذا بغيت طريقة ثانية أخف على البكرة إذا هيه ما تحب التعب حفزها يوم الأربعاء والعصر بتمشي...ويوم الخميس خلها مرتاحه في العزبة والعصر خلها تسير كيلويين وهيه راده كلها تخب..... ونصيحه مني حاول تركز في التغيرات إلي بتسويها البكرة لن التغيير هوه إلي بيوضحلك الصورة والشي إلي تباه البكره.....والسموحه
تسلم ومشكور على ترتيب

[نجم ملاقط]

أخوي أول شي تأكد من فحص المطيه يمكن عنده نقص واذا كان الفحص جيد
حاول تكرمها في معشا ليلة المركاض.
حاول تزيد مسافة التفحيم عن مسافة السباق وتحركها من مسافه بعيدة.
تأكد منها أنها ما فيها فيار

[ناموس شحاني]

ع

حسب معلوماتي

ان البكره الدفووع لها مسافه محدده تدفع فيهاا

بس مووب كلهاا

ومن الاكيد المطيه تريح اخر الامتار

منهاا الي يعجز ومنهاا الي تخاف من العلم والنهايه وموب اكثريتهاا

بس لو وصلت الامتار الاخير تكلم لهاا بالجهاز وكثر النهم

وعطها عصاء اوثنتين


وجرب وانشاءالله تتحسن


اخوك

ابن ال عرج

[راعي الغازي]

السلام عليكم
البكره هاي سايرلها ولا تشبعها نشفها لن المطيه الشبعانه تدفع واطيح خلاف
والبكره هاي طولها المفاحيم واصبر عليها
وان شاء الله اييب نتيجه طيبه وياها والله يوفقك وياها
والسموحه..............

[الشهواني]

السلام عليكم ورحمة الله وبركاته ,,

أخوي ،،، ممكن هذا مستواها ف الركض

[راعي صدمة]

ريض البكرة ولا الطفرها

[راعي لطامه]

هلا اخوي

يمكن هذه طاقتها اخوي يعني مافيها الا القومه في البدايه وبعدها ماعاد تقوى

بعلمك بطريقتين وان شاءالله تنجح واحده منهن

الاولى اقلصهآ ولاتفكها الا لين يروح الحلال بعيد وخلها على راحتها وبعدها لحقها على الاوائل

الحل الثاني

قبل المركاض بيوم واحد درهمها مسافة 5 كم درهام خفيف العصر واخر كيلو شد عليها واخر نص كيلو ربعها في القليصه

جرب هالطريقتين وعسى الله يوفقك

[راعي ليوا]

السلام عليكم ورحمة الله وبركاته

بيض الله وجييهكم على هالمعلومات الطيبة وماقصر تو

[عامري رقيص]

اخوي العفريت انشاء الله بكرتك لهامستقبل طيب بس يوم بتفحمها قلصها ويوم بتركضها قلصهابعد
وشكرا