المساعدة ياهل الذلايل

[راعي مصيحة]

عنديه فاطر ماخذنها من اربع سنين ولاطاعت تلقح سرتبها المختبر في دبي وقالو مافيها شي ودخل عليها واحد بصير من العين ونفس الشي قال الفاطر مابها عله ولاخليت بصرة ماجربتها فيها ولا الله يسر واللى عنده شي يوافيني


والله يجزيكم خير

[فالك الناموس]

الله يشووف لك في موضوعها ان شاء الله والأخوان مابيقصرون لي عنده معلومه بيفيدك بهـا ويعطيك العافية أخوي

وفالك النامووس

[راعي مصيحة]

فالك التوفيق انشالله


ماقصرت ياخوية

[راعي العمودة]

اقول قطعت من الناقة؟

[راعي لطامه]

اخوي راعي مصيحه

اذا الناقه فاطر مره يعني كبيره مره في العمر اغلبهن مايلقح

وايضا اذا كانت سميين مره ماتلقح

واذا كان قطعة في سقف الناقه او رحم الناقيه ماتلقح

والله يرزقك فيهآ

[الشهواني]

مرحبااا أخوي راعي مصيحة ...

تأكد من الهرمونات ... وهذة كلها توافيق ـ ـ ـ

[المهندس]

يمكن الناقه مطوع شويلها ويمكن الناقه كبيره في السن

[راعي مصيحة]

لا حشا ياخواني الناقة مب ذاك الزود فعمرها ولا فيها تقاطيع وشويلاها صاحية بس ماعرف شو علتها


ومشكورين على الردود

[عاشق اعمار]

اخوي في ابره في النخلي عند الدكتوره الحرمه جربها ...

يمكن الناقه مقطوع شويلها ولا الناقه كبيره في السن...

تقبل مروري

[راعي مصيحة]

والله ياعاشق اعمار سرت عند الحرمة اللي في النخلي وعطتها الابرة وقالت نوخ الناقة مناخين دبل ولا شي فايدة



ومشكور على المرور

[الكتبي]

الله يكتب لك اللي فيه الخير ياراعي مصيحه
ما عندي اكثر عن الي قالوه الربع

[راعي القحيدي]

[size="5"]مرحبا اخوي راعي مصيحة ترا تصير هالسالفه في بعض الاحيان عندنا ناقه من فترة شريناها على انها ما تلقح والقحت وولدت لكن بعدها ما القحت بالمرة ترى اوقات يصير هالشي يعني وهو شي وارد في كل المخلوقات واذا عرفت شي على طول بردلك خبر[/sizeوتقبل تحياتي

[راعي مصيحة]

مشكور ياراعي القحيدي على المرور

[أصايل]

مالنا غير الدعوات