( صوغان ) استفسار

[راعي القحيدي]

السلام عليكم ورحمة الله وبركاته

في هذا المتدى الطيب كل اللي نبا انعرفة عن الرجاب انحصله ولله الحمد بس باقي شي واحد اذا احد يعرف عن السلاله الصوغانية لان كل السلالات تم ذكرها والاخوان والله ما قصروا بس ولا هنتوا ابي بعض المعلومات عن السلاله الصوغانية وهل الشيخ زايد الله يرحمة كان عنده صوغان لان صوغان المشهور هو صوغان المسافري (الشيبه) ولا هنتوا.

[راعي حمران]

صوغان المسافري هو ابو صوغان العشره وابو صوغان الزراف وابو صوغان الكاسبي وابو مياس وابو سلهود وابو صوغان بن نايفه في قطر وصوغان الخيارين في قطر وابو حشيم والكايد وهذا الي اعرفه ودام كل ذالبعارين انتاجه لاعاد تنشد عن سلالته ويكفي ان اسمه صوغان المسافري

[فالك الناموس]

http://bp2.blogger.com/_r95h4kNW-js/RwLWB3e7mJI/AAAAAAAAAB8/DyfM6pH_QH0/s400/mayyas.jpg

مياس بعير صاحب لسمو الشيخ حمدان بن راشد أل مكتوم وموجود في دبي
بعير مشهور بنتاجه الطيب.إلي لها صولات وجولات في ميادين سباقات الهجن وينحدر مياس من السلاسه الصوغانيه.. ومن أنتاجه صدمه و هتمام بكره رئيس الدولة
وتغنوا بعض الشعراء ب مياس ونتاجه وصاغو فيه أعذب الأبيات


وأن شاء الأخوان بعد مابيقصرون بيفيدونك أكثر عني وسموحه

وفالك الناموس

[راعي القحيدي]

مشكورين وما قصرتوا يالربع بس باقي شي واحد صوغان من ابوه ؟ هذا بيت القصيد .

وعلى العموم مشكورين على المجهود الطيب

[عاشق اعمار]

صوغان المسافري (صوغان الشيبه) ولد صوغان خليفه بن كاسب المسافري وصوغان بن كاسب ولد صوغان بن دلم الزعابي . صوغان الشيبه قعود ملك عبدالله بن سالم بن عبدالله المسافري(صاحب الطياره) وكان ملك علي بن مصبح المسافري وربو القعود لين كبر وياب الطيارة ومياس وسلهود والكايد والساعه والزراف والترس وغيرهن من البوش.

تقبل مروري. عاشق اعمار.

[راعي القحيدي]

مشكورين وما قصرتوا على المجهود الطيب يا شباب

يا عاشق اعمار الطيارة بس بغيت اصحح لك معلومه صغيره الطيارة امها بنت صوغان وابوها المسك الشيبه

وتقبلوا تحياتي ومشكورين على المرووور

[راعي منصور]

السلام عليكم ورحمة الله وبركاتة

راعي القحيدي .. أذا انت من قطر نبا منك

صورة الفحل القحيدي "الي منه سلالة القحيديات" الي يقولون عنه انه من عيال امصيحان


راعي منصور

[راعي القحيدي]

بس ياطويل العمر انت اذا تبي القحيدي الاصلي اللي هو يقولون انه ولد الاصيفر هذا مستحيل لانه على ايام ابو جدي وكان عنده بعير عليه اما اذا تقصداللي على مصيحان العطية انشاالله احاول اطلع لك الصورة
وتقبل تحياتي