المساعد الشخصي الرقمي

مشاهدة النسخة كاملة : المحرق&السنافي&لطام

المطيري
09-21-2008, 02:48 AM
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
من عنده معلومات عن المحرق سلالته وانتاجه
من عنده معلومات عن السنافي
من عنده معلومات عن لطام
ياجماعه اني عندي حلال على هالفحول ويهمني اعرف معلومات عنها
فلا تبخلوا علينا بالمعلومات الله يجزيكم عنا خير
المطيري
09-21-2008, 02:57 AM
المعذره ضيعنا بالمنتدى
الشهواني
09-21-2008, 02:59 AM
مرحباااااااااا أخوي المطيري ,,,

نبي أنعرف ملاك لفحول من ,,, عشان تسهل المهمه
راعي لطامه
09-21-2008, 04:32 AM
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
من عنده معلومات عن المحرق سلالته وانتاجه
من عنده معلومات عن السنافي
من عنده معلومات عن لطام


عليكم السلام ورحمة الله اخوي المطيري

بالنسبه

اخوي عن السنافي ولطام اذا تقصد الفحول اللي في السعوديه

ابشر بالسبق ان شاءالله والله يطرح البركه لكـ

بالنسبه للسنافي عليه انتاج سبق وراكضات اخوي السنافي بعير الدواسر اذا ماخاب ظني

بنته انباعت في ميدان الطائف بقيمة 400 الف ريال على عاطف عطيه القرشي وسبقت في دبي العام الفآئت وكانت ثاني اقوى تيم من 6 كم
وانسامت بمليون وخمسمائة الف ريال ولم يتم بيعها وحسب ماوصلني انها ماتت البكره والله يعوض راعيهآ خير منهآ

بالنسبه للطام اذا كنت تقصد لطام بعير ابو فارس القرشي فله انتاج سبق سبق وخصوصا البكار منهن ولكن غالبية بنات لطام مايركضن الا كبار لقايا - جذاع يبدأ الركض

واللأفيه اللي عند الشيخ احمد بن محمد ابوها لطام القرشي وله بكره عند عاطف القرشي الان سابق وفي رصيدهآ 5 سبقات وسياره اخوي

واتمنى اني افدتك اخوي المطيري واي خدمه فديتك امرني

وموفق خير
فالك الناموس
09-21-2008, 04:52 AM
http://bp3.blogger.com/_r95h4kNW-js/Ry9iiCAiMZI/AAAAAAAAAHo/d5jpVsvdC48/s400/%D9%84%D8%B7%D8%A7%D9%85.jpg

لطام هذا يعد من اقوى الفحول اللي مرت على منطقة تبوك شمال غرب السعودية حيث ان عياله وبناته معدودة اللي في المنطقة هذا لي قريته عن لطام

لمالكه : الشيخ حمدان بن راشد آل مكتوم
مكانه الرويةالبعير مشراي من السعودية يوم هوه يركظ و الحين من فتره عياله طايحات

وسمووحه أخواني بيفيدونك اكثر

وفالك الناموس
الطائف
09-21-2008, 10:00 AM
بالنسبه للمحرق جمل مسلط بن شعيفان السبيعي

يقال ان بناته ركضن وهن كبار من ثنايا وفوق

والاخوان ممكن يفيدونا اكثر
مبارك s
09-23-2008, 02:29 PM
بالتوفيق ان شاء الله
المطيري
09-25-2008, 05:32 AM
ما قصرتوووووووو مشكورييين
الهجان_الكويت
10-23-2008, 04:54 AM
اعتقد ان السنافي هو ملك للسيد حسن مانع الدواس وهذا البعير سبق من عشرة كيلو في الوثبه وبعدها رحلوه للانتاج في الجنوب والان البعير موجود بالكويت واما لطام فيه بعير بالسعوديه للسيد منصور بن عجمي ومنتج النوير للسيد علي بن مانع وحاصلة على العديد من السيارات هذا حد علمي وممكن يكون تشابه اسماء اما من ناحية لاسنافي فهو موجود امام عزبة ابو دواس
المطيري
10-25-2008, 12:46 AM
السنافي بعير الدواسر مثل ماقال راعي لطامه الله لايهينه جاب العلوم الوافيه وافي الخصايل
راعي لطامه
10-25-2008, 03:11 AM
السنافي بعير الدواسر مثل ماقال راعي لطامه الله لايهينه جاب العلوم الوافيه وافي الخصايل

لآهنت اخوي المطيري

ابد حق ووآجب اللي نعرفه مآنخبيه

وموفق خير والفحول مآيحتآج والله يطرح البرركه ويوفقك فيهن