التضمير الليلي

[راعي سراب]

واحد من الاخوان سالني عن

كيف التضمير لمركاض الليلي او مركاض العصر؟

لانه يبي يركض العصر وفي اليل

[فالك الناموس]

أخوي أنا ما عندي علم وخبره في فن التضمير ولأكن بحثت وأسهل شي قريته وحسيته يمكن يفيد المضمر بنزله لك وقرأه يمكن يكون فيه فأيده والأخوان أن شاء الله بيفيدونك

(( ودي لي عنده خبره في التضمير يعلق ع لي الفقره لي بحطها أذا هي ما يقصده أخوي ولا ))


التضمير يحتاج إلى خبرة وعلى الشباب الذين يدخلون في هذا المجال حديثا ان يضعوا في اعتبارهم شيئين مهمين للغاية، أولا عدم تعجل النتائج وثانيا أن التضمير يحتاج إلى خبرة ودراية، والتضمير تعب وكد وسهر وقلة راحة والتضمير يحتاج إلى معرفة في المطايا إلى فن في التعامل معها وان يركز على الاصايل التي لها باع في هذا المجال أبا وأما بمعنى إذا كانت الأم سبوق والأب سبوق كانت المطية من السبق الاصايل ويجب على المضمر أن يوفر الغذاء الجيد للمطية مثل الجت والتمر والشعير واللبن وأشجار البر والعسل والدهن والبيض بنسب متعادلة تعتمد على وضع المطية وصحتها وخبرة المضمر.إذن فهناك ثلاثة عوامل مشتركة تساهم في نجاح الهجن وهي الأصل والتغذية والتدريب


وفالك الناموس

[راعي سراب]

افى ماحد رد

وينك ياالعازف ياحلال العقد والمشاكل

وانت ياذيب القوايل

وانتو ياشباب

[العازف]

مرحبا ً أخوي راعي سراب


بخصوص مركاض العصر

أحفزها الصبح قبل المركاض بيوم والمضحى كيلو
والعصر أعشيها 3ونص او 4 كيلو
ويوم المركاض الصبح أضحيها شوي علشان ما تزاول
والعصر أركضها والتوفيق عند الله سبحان وتعالى

أما مركاض الليل

قبل المركاض بيوم أحفزها وأعطيها مضحى كيلو
وعشيها بعد كيلو
وفي يوم المركاض الصبح بيكون المضحى 4 كيلو
والعصر بيكون المعشى خفيف علشان ما تزاول لقمتين والا ثلاث

والتوفيق عند الله سبحان وتعالى

ملاحظه طبعاً القياسات تختلف على حسب السن

والسموحه منك على التأخير

[راعي سراب]

بيض الله ويهك ياالعازف وانا اقول مايحلها لا راعيها

ونت راعيها ياالعازف

بس الماء متى ايعطونها اذا مراضها في الليل

واسمحلي على هذي الاسائله

[راعي صدمة]

بيض الله ويوهكم

[عابر سبيل]

السلام عليكم ورحمة الله وبركاته بالنسبه حق مركاظ الليل قبل المركاظ بيوم بتحفزها وعطها طاسة ماى والمعشى عطها قصر يعنى كيلوين وظحها يوم المركاض بدرى مزر والمعشا لقمه علشان ماتزاول والتوفيج بيد الله والسموووووووووووووووووووحه منك

[uuu]

حفزها قدام المركاظ بيوم وظحيها عادي وعشها متروس ع شان المطيه ترتاح تبات ع الأقل مرتاحه وظحيها كيلو ونص والمعشى عطها لقمتين عن المزاول وبس

[::اعمار::]

السلام عليكم بالنسبه ل ركض العصر بعطيك طريقه اما الليلي صراحه ماجربت ...


اول شي



اتضحي البكره مضحى عادي لا اتزيد فيه لا اتنقص

واذا جا العصر ودها وحفزها تحفيز لين ما تنشف


وشلها شله خفيفه (اقصد خببها)

ودها العزبه

وعشها عشا خفيف

واذا الفجر


يا اتريقها شعير او جت بس انصح الي يشوف بكرته عاد بطها ما ضمر ل صوره الي يبيها يريقها شعير

والي

يشوف بطن بكرته ضامر يريقها جت ويخليها ولا تطلع لي وقت المركاض

وبالتوفيق


....

وبانسبه ل تفحيمت القصر


يفحمها الظهر

لان بعض الحلال ما يتقبل العصر او تفحيمت العصر فحمها قبل السباق بتفحميتين الظهر


يا الساعه 2 او 1 ونص

وبس












^^^ترتيب مخربط^^ بس اسمحولي انا جديد وهذا الي جربته والحمدالله نجح هـ الترتيب ع حلالي

[الناصي]

ما قصرو الأخوان كفو ووفوا