ما سبب ارتجاف المطيه بعد السباق او المفحام ؟

[الدكتور]

السلام عليكم ورحمة الله وبركاته تحيه طيبه
حبيت اطرح هذى الموضوع للافاده
فى بعض المطايا بعد الوصول خط النهايه ترجف اليد والرجل وفى الغالب ما يحدث فى المطايا الكبار

ما اسبابه وما الوقايه منه


( الوقايه خير من العلاج )

[فالك الناموس]

ما دري بس أنته تكون معودها ع أركض لمسافة أقصر

وفي المركاض تكون المسافة أبعد من لي معودها عليه

والمطية الصغيرة تكون توها عكس المطية الكبيرة لي هي معودها ع المسافات الطويلة أو يمكن يكون الخوف تكون مذعورة

ما دري أنا استنتجته من سؤالك هذا الجواب صراحة وان شاء الله الأخوان ما بيقصرون

بيفيدونك

جوابي أدري أنه بيكون غلط بس توقع لا أكثر ولا أقل لي عوده

وفالك الناموس

[حكومة بن جتب]

السلام عليكم

طويل العمر المطيه الي ترجف
تكون يا هب مكمله مفاحيمها من عقب المقيض
ولا بعدها هب جاهزه وفحمتها يعني ربيخ وفحمتها

وسمحلنا

[الهجان_الكويت]

لحد الان وتحصل كثير في بداية المفاحيم كثر عليها المفحام وراح تشد العضله السبب عدم لياقة

[الشهواني]

مرحباااااا أخوي الدكـتور ,,

أكثر الاسباب يرجع لعدم اللياقة الكـامله . والشي الثاني ارتفاع نسبه الدم ف المطيه وهذا

يسبب الظغط عند المطيه ويعمل على عدم أتزانها ...ومئه ف المئه تحصل المطية مزبده

وااااااايد,,,

[راعي لطامه]

اخوي الدكتور

لا يضرهآ الارتجآف وعادي في اغلب المطايا

الاسباب سببين

الاول وهو ضخ الدم في العروق في الركض

الثاني الخوف في الشوط قبل البدايه في الركض

ولا فيهآ شيء ان شاءالله

[الشيخ شبلي]

خويه الله يسلمك يمكن المطيه تكون منهاره من الحفوز